Nehemaia 7:6 - Nobonob Baibel

⁶ Amu anukka Babilon dilag king Nebukatnesar nug nuhikkud daup ele ag Juda danab eɗadna, danab ah aɗualadna, diin Babilon ukkaeg, appa ag diia ukka laih me dayak danab ah daappig ele amu, danab ah amu kuɗum ag aakku eɗun Juda wanppa, ahilkad aab anen anenppa, Jerusalem appa ele daaglagnu aakku goppig.

Nehemaia 7:6 Iomraidhean Croise

Esra 5:8

Amu ig ihinig dabmak imu na king, na imu dookkutnu am ena, anam dabmettem. Ig ahat, Juda atuppa gota, ig Kayak Attannab, nuhig mettid lag hettebppa temut. Juda danab ag gemu lag amu men okkai okkaippa henana, ag ad okkai ele gililppa metteb. Ag uɗat amunu yagbak doon hetteb; bodoettak iitta hetteb. Ag uɗat amu heegeg, elelenab gotte.

Esra 6:2

Darius nug anam he, danab ag amu anidkkulagnu heeg ukke ukke, ag prowins laa onig Midia, aab Ekbatana ooppa aben aɗ ɠagattagnab ele, appa ag buk itoɗiak laa anidppig. Buk itoɗiak amuppa yaak inam dayom. “Imuam King Sairusnu nai iikku.

2 King 25:11

Am Nebusaradan, nug daup Nebukatnesar gumappig dilag okkai amu, nug danab ah haen amuppa Jerusalem appa daappig, am laa ag akka ahan gona, ag beɗulag Babilon dilag daup eppelagppa meppig ele, amu danab ah laa oh ele, nug ag oh diia, Babilon appa ag diia ukka laih me dayak danab ah daaglagnu ukkom.

Nehemaia 1:3

Da amunu oɗ mattai, ag da amelppa appig. “Kekeɗ ag Jerusalemnu aɗ loppaɗeg, nauhakib dayeye, aɗnu od ele aab aɗuppa manappig amunu, Juda ag appa daatteb amu, ag uug nau doon, uɗa nak guittak ele, ag amu ele dootteb,” aon appig.

Nehemaia 7:7

Danab ah uɗippig ele amu, ahilkad okkai am, Serubabel, Jesua, Nehemaia, Asaria, Ramia, Nahamani, Mordekai, Bilsan, Misperet, Bigwai, Nehum, Bana ele. Aria, Israel danab ag Babilonnu eɗun uɗippignu ebqaknu lista, ⌊ag mamelkad aɗi⌋ onilkad ele am iikku.