Namba 9:23 - Nobonob Baibel

²³ Yawe ag haen tutu dayaknu aab kalaglagnu, Nug amu haknunab ippuanattom amu, ag haen tutu dayaknu aab kalattappig. O Nug ag haen tutu dayaknu aabppanu ahan gokkulagnu haknunab ippuanattom amu, ag haen tutu dayaknu aabppanu ahan godappig. Moses nug Yawenu haknunab ippunittak aawo, ag Yawe oɗe dim lamidttappig.

Namba 9:23 Iomraidhean Croise

Sam 107:7

Ag anam unuqitteg, Nug ib tutukku laappa anuqa ugakka omalatte, ag aab okkai laa, ag amuppa daaglagnu elele amu, ag amuppa teppig.

Sam 73:24

Na nahip ulum nai, da ib ippuniɗkkunu meɗattem, amu dimppa na omaiɗna gona, aben binag amahlak oppiaawak eleppa meiɗppe daakkul.

Eksodas 17:1

Israel danab ah oh ag atu taɗak onig Sen uun ukkaegeg, Yawe Nug haknunab a, aria Israel ag ahan, aben laappa gona daaegeg, Yawe Nug haknunab a, ag ahan gona, aben laappa daappig. Anamib aakku henan gona, dimppa ag gona, Repidim tena, appa haen tutu dayaknu aab kalappig, amge aben amuppa le lanaknu laa ii dayeye,

Aisaia 63:14

Makau ag oolnu noak okkai, uɗem ele, ag amuppa nona, le lawona hik aotteb, amubia Yawenu Ouɗi Nug he, danab ah amu ag hik aon daappig. O Yawe, na danab ah oh ag na anidna, na binan amahlak oppiaawak ele dabmekkulagnu na anam henana, na nahipad danab ah omaladna gome.

Esekiel 44:8

Da ag keeke dahilnu tituanak daattebnu aɗi aɗi hekkulagnu ɗo memi amu, nai amu ag uun ii henana, ag heeg, danab mettid lag dahilppa daanna, appa uɗat hekkulagnu elele iitta ele amu daanna, uɗat amu gumappig,’ ” awa atte.

Sekaraia 3:7

“Yawe Nukka Ɠagattag Oh Ele Nug inam atte. Na dahil ib, ɗo dahil ele dim lamidkkut dayeb, da Yawe, da heppi, na dahil lag, dahil lagnu haɗap ele gumakkut. Amu da heppi, na ⌊engel⌋ imu hippaidna daatteb oolagppa uɗin daakkut.

Namba 10:1

Amu Yawe Moses amegppa aum.

Namba 10:13

Ag gona, Sinai daaeg ukke, Kayak he, ag ahappig amu, amuam ahilag aha ukkak anuqak; ag haen amu ii nak Sinainu ahan ii goppig. Yawe Nug Moses amegppa haknunab aum bia heppig.

Namba 9:19

Haen lombig nug haen elab mettid haknu peh lag igippa dayeye amu, Israel ag Yawe oɗe doon, ag ahan laih ii godappig.

Josua 22:3

Ban imu haen matu iitta ii meum, amge ag huu laala ag ahilkad kekeɗ ele ban heegeg amu, ag ii uuadna goppig. Ag Yawe, ahilag Kayak, nuhig ɗo tutukku dim lamitteg uɗie, haen gemu ele anamib daatteb.