Namba 9:22 - Nobonob Baibel

²² Haen lombig nug mettid haknu peh lag igippa deɗ aɗit, o iitta kalam laippu, o iitta maɗ laippu keeke daattom amu, Israel ag haen tutu dayaknu aab kalappig, ag aguppaib daadppig, ag ahan laih laa ii godappig. Amge haen lombig nug aha ukkom amu, ag ahan godappig.

Namba 9:22 Iomraidhean Croise

Sam 107:7

Ag anam unuqitteg, Nug ib tutukku laappa anuqa ugakka omalatte, ag aab okkai laa, ag amuppa daaglagnu elele amu, ag amuppa teppig.

Sam 143:10

Na am dahil Kayak amunu, na da nahip dabmak awak dim lamitten hekkulnu ippuniɗkkutnu oɗ medattem. Nahip Ouɗi, Nug am Ouɗi enaib amu, Nug anuqa ugakka, Nug da ib ena, tutukkuppa omaiɗkkunu unuqidttem.

Sam 32:8

Yawe inam atte. “Da geha na doyak medette, ib na dim lamidkkut ele ippunidkkul. Da geha nahip ulum mettak danab dayeye, dabmak ena medette, da na atognoidkkul.

Sam 48:14

Aɗinu? Kayak Nug ⌊he, keeke amu anam⌋ aakku daatte amunu, ag buɗulkad amelagppa appeg dooglagnu, ag anam antteg! Kayak, Nug am ihinig Kayak hanhannu daatte. Nug omaikkebeb ukkeb, ihinig mauhak batakku.

Sam 73:24

Na nahip ulum nai, da ib ippuniɗkkunu meɗattem, amu dimppa na omaiɗna gona, aben binag amahlak oppiaawak eleppa meiɗppe daakkul.

Sam 77:20

Na nahipad danab ah sipsip ameg laa diia ukkak bia omaladme. Na Moses, Aron ele ehanate, aa amu hepiɗ.

Eksodas 39:42

Israel ag uɗat oh Yawe Nug Moses amegppa ag hekkulagnu haknunab aum amu, ag anamnab aakku heppig.

Eksodas 40:16

Yawe Nug anam aum, aria Moses nug nai amu doya, nug keeke oh Yawe haknunab aum, nug aumbianab aakku heum.

Namba 1:54

Yawe Nug anam Moses amegppa a amu, Israel ag keeke oh Yawe Moses hekkununab aum, ag amubianab heppig.

Namba 8:20

Moses, Aron, amu Israel oh ele ag Yawe Nug Moses amegppa Lewi buɗubppan mana mettak danab iitta ag amu dilag anam hekkulagnunab aum amu, ag anamnab aakku heppig.

Namba 9:17

Haen lombig nug mettid haknu peh lag ikkippanu aha ukke anidna amu, Israel danab ah ag aben amu uun, ahan dim lamidna godappig. Haen lombig nug aben adekkuppa dayeye amu, Israel ag haen tutu dayaknu aab kalattappig.

Namba 9:21

Haen laala amu lombig nug tueb ukka, buttua batak aakkuib daattom, amu buttua aha ukke amu, ag ahan dim lamidttappig. O lombig nug tuqante laippu, amun laippu ele dayomte, lombig nug aha ukke anidna amu, ag ahan godappig.

Aposel 1:4

Amu ele deɗ 40 amuppa Nug ag ele oh haen laa ee lanan daanna, Nug amelagppa aum. “Ag Jerusalem paha aib uuppig. Iitta. Ag Kayak Ouɗi da Mamel Nug madakkunu nai qakka aum, da ele nuhignu ag ai dooppig amu, ag Nug ameg mekkulag.