Namba 8:14 - Nobonob Baibel

¹⁴ Amu ib amuppa na heppe, Lewi buɗubppan mana mettak danab iitta ag Israel laa oh bia ii daamna. Amu Israel danab ah laa oh amu, ag dahilad daatteb, amge Lewi buɗubppan mana mettak danab iitta ag amu dahil maɗi nid maɗi ah ele daaglagnu, ag dahiladnab daaglag.

Namba 8:14 Iomraidhean Croise

Malakai 3:17

Amu Yawe Nukka Ɠagattag Oh ele Nug atte. “Deɗ adekkuppa da dahil keeke enanag oh qagmaadkkul amu, deɗ amuppa danab ah amu ag dahiladnab daaglag. Nid mameg nug nid nuhig dabmetta ehanidtte amu, uug beebeb, mameg nug nid amunu oo bodoetta le mak doyaya, uug bette ele amu, mameg nug nid amuppa bemanu wagai mette, amubia da danab ah amu dilagnu oo bodoetta le mak doyeye, uug ahilagppa bemanu aib akkul.

Namba 18:6

Da Yawe, da dakka, da na laipad Lewi buɗubppan mana mettak danab iitta, ag Israel laa oh oolagppanu, ag ag mana mettak danab, ag ahilag daaglagnu hamu madakkulnu tituanadmi. Lewi buɗubppan mana mettak danab iitta, ag da, Yawe, ag dahilnu tituana meɗak daan, ag dahil mettid haknu peh lag danab ah appa qagmetteb ele, ag appan uɗat hekkulagnu daatteb.

Namba 3:12

“Israel oolagppa nid danab tatamnu, baelkad anen anenppan am dahil, amge da Lewi buɗubppan danab ag oulag daaglagnu tituanadmi. Lewi buɗub ag am dahilad.

Namba 3:45

“Da am Yawe. Lewi buɗub ag dahilad daatteb, amu geha ag Israel oh dilag nid ⌊danab⌋ tatamnu oulkad daaglag; Lewi buɗub dilag makau ele amu, geha ag Israel dilag makau ⌊dawai⌋ tatamnu amu, ag ag oulkad daaglag.

Namba 3:9

Na Lewi buɗubppan mana mettak danab iitta ag Aron, nug bekkod ele ehanadkkulagnu tituanatte! Israel oolagppanu Lewi buɗubppan mana mettak danab iitta ag Aron ehanidkkulagnu tituanak daatteb.

Namba 6:2

“Na Israel danab ah inam appe doyeg!” awa aum. ⌊Nug anam a amu, Moses nug Israel amelagppa inam aum.⌋ “Danabte o iitta ahte laa nug haen gane epeɗia, haen amuppa nug Yawenu anuqak dabmaama oikkunu genabnab hekkunu nai ana qagatte, nug aakku Nasarait daakku.

Namba 8:13

Na anam hewona, na heppe, Lewi buɗubppan mana mettak danab iitta ag Aron, bekkod ele noolkadppa hippaidna daappeg, amu danab nug ee keeke, nug amuppa huma epponitta mettaknu ofa hette, amubia na Lewi buɗubppan mana mettak danab iitta, na ag diiadna, da Yawe, da gumiɗna uɗin, da meɗakkut.

Namba 8:17

Israel ooppa nid danab tatamnu, doɗ dawai tatamnu ele amu dahilad. Haen da Isip dilag nid ⌊danab⌋ tatamnu, doɗ amu ele oh aqadmi amu, da ag Israel, da ag oolagppanu nid danab tatamnu, doɗ dawai tatamnu ele oh dahilad daaglagnu anam tituanadmi.

Rom 1:1

Da Pol, da Kristus Jesusnu maɗi nid. Nug da totol danab daakkulnu otiɗa amu Kayaknu Nai Ena mehuqkkulnu ele tituaniɗom.

Galesia 1:15

Amge Kayak, Nug anai da ii menuiɗom haenppa da tituaniɗa, nuhig ehanittak okkai hamu megatte, amuppa Nug da onilppa eum amu, haen amuppa Nug nukka dahilnu dabma,

Duteronomi 10:8

Haen amuppa Yawe Nug Israel dilag huu okkai Lewi, ag Yawenu Tituanak Nainu Kunup kontrak inak ele maoglagnu otiattom. Nug ag nuhig ɗo maɗoɗnu uɗat Nug noobppa hekkulagnu, amu Nug onigppa danab ah itadkkulagnu ele otiattom. Uɗat amuam ahilag, ina hetteb.

Hibru 7:26

Mana mettak ikki danab anam nug ig ehanigkkunu daakkunu am enanag. Nug am oppiaawak, ooppa kaliak laa iitta. Nug oppiak ele, hipunin danab bia ele iitta. Nug onig attannab tak daatte.