Namba 7:2 - Nobonob Baibel

² Anam he amu, Israel dilag ikki danab ag, amu baekkudppan danab okkai, ag Israel dilag huu okkai anen anen dilag ikki danab daappig, ag danab ebaqadkkulagnu okkai daappig, ag mana mettak hena, keeke Yawe medappig.

Namba 7:2 Iomraidhean Croise

1 King 8:1

Amu King Solomon nug Yawenu Tituanak Nainu Kunup kontrak inak ele, nug kunup amu Sion, Sion am Dawitnu aab amu, nug appanu awa, Yawenu mettid lag, amuppa mekkunu dabmeum amunu, nug Israel dilag ikki danab, Israel dilag huu okkai anen anen dilag danab okkai oh, amu Israel baekkudppan dilag okkai ele ag nai doon, ahan, nug gumidna, Jerusalem uɗiglagnu onilagppa eum.

2 Stori 35:8

Josaia nug anam he, nuhikkud ehanittak anuqak danab ag ele ag duttunak laa ii doon, ag danab ah, Lewi buɗubppan mana mettak danab, Lewi buɗubppan mana mettak danab iitta, ag ele ehanadppig. Hilkaia, Sekaraia, Jehiel ele, danab ewam amu ag Kayaknu mettid lag atognoppig amu, ag mana mettak danab Pasowanu mana mettak hekkulagnu sipsip, meeme ele 2,600 madappig. Ag makau 300 ele madappig.

Eksodas 35:27

Am ikki danab ag men oniks, amu men digdig, daden nob okkainab ele aon uɗippig. Ag men amuam lamen enanag-epodppa, amu momo tonaknu lamenppa ele qata-aqaknu, men amu aon uɗippig.

Namba 30:1

Moses nug nai imu Israel dilag huu okkai dilag ikki danab amelagppa aum. “Yawe ag inam hekkulagnunab atte.

Namba 31:51

Ag anam aeg amu Moses, mana mettak danab Eleasar ele aa ag eppelagppan gol amu aopiɗ. Keeke oh golppa kobol kobol ele hattak.