Namba 7:10 - Nobonob Baibel

^10-11 Moses nug qaɗab goɗen gokkaɗakppa tituanom, haen amuppa Yawe Nug nug amegppa aum. “Na qaɗab dahilnu tituana meɗak daakkunu na appe, Israel dilag okkai 12 ag deɗ anen anen, doɗ main meɗaglagnu, ahilag keeke akkan dona meɗeg! Ag oh deɗ laippuppa ii meɗamna,” awa aum. Yawe Nug anam aum amunu, ikki danab ag deɗ piɗe piɗeppa, ahilag keeke akkan wappig. Ag keeke amu aon, mettid haknu peh lag appa, qaɗab noobppa, ag Yawe gumidna wana, Nug medappig.

Namba 7:10 Iomraidhean Croise

1 King 8:63

Solomon nug laippu dayaknu ofa haaha, nug makau 22,000 manatta mettowa, nug sipsip, meeme ele 120,000 ele manatta mettom. Am Solomon nug mana mettak heum amu, amuppa nug, Israel danab ah ele ag Yawenu mettid lag qeapina, Yawenu tituanna medappig.

2 Stori 7:5

Amu King Solomon nug laippu dayaknu ofa haaha, nug makau 22,000 manatta mettowa, nug sipsip, meeme ele 120,000 ele manatta mettom. Am Solomon nug mana mettak heum amu, amuppa nug, Israel danab ah ele ag Kayaknu mettid lag qeapina, Kayaknu tituanna medappig.

2 Stori 7:9

Tatam ag qaɗab Kayaknu tituana mettaknu, ag amu hekkulagnu deɗ eblaih aɗit ele hena malappig. Amu dimugppa ag Pehppa Dayaknu Hobul deɗ eblaih aɗit ele gamag ahak ele heppig. Dayak amu dimugppa, deɗ eblaih ewamppa amu, ag eɗun, Kayak noobppa dup nona binag mekkulagnu oh qagmena, amu heppig.

Nehemaia 12:27

Aria Nehemaia, Juda laa ele ag uɗat amu heppig ele amu, ag Jerusalem aabnu aɗ hena malona, ag Kayaknu daakkunu tituanna, Nug mettaglagnu mettid hekkulagnu dabmena, ag Lewi buɗub laala adeppa adeppa daappigppa, ag nai meeg ukke, ag Jerusalem uɗin, ag gamag ahak doon, ag Kayak amegppa, “Ena hen mekkame,” anana, ag musik haknu keeke digdig, amuam simbal, harp, laia ele, ag amu henana, aɗ amu Kayaknu tituana mettak daakkunu Nug mettaglagnu mettid hekkulagnu nai dooppig. Ag nai amu doon, ag aakku uɗippig.

Nehemaia 12:43

Kayak Nug he, ag gamag ahak huanaknab dooppig amunu, ag doɗ kuɗum manadna Kayak medappig. Danab ag gamag ahak okkainab doyeg, ah, nid naunau ele, ag ele oolag gamag ahom. Ag oh oolag gamag ahe, Jerusalem appa daanna, heegeg oqotti amuam uma ukke dooppig.

Sam 30:1

O Yawe, na da ehaniɗe, da qagaiettakppa ii daattem amunu, da na humidkkul. Ao, na dahil kekeɗ uuatte da ii eɗilppig.

Namba 7:1

Moses nug mettid haknu peh lag qappa malowa amu, deɗ amuppa, nug peh amu, amuppan keeke ele, aria qaɗab, amu mana mettak danab, ag qaɗab amuppa keeke aɗi aɗi aɗan amunu uɗat hekkulag ele, nug keeke amu oh goɗen gokkaɗakppa tituanatta, Yawenu tituana mettom.

Namba 7:84

Aria, Moses nug qaɗab goɗen gokkaɗakppa tituana malom, qaɗab amu Yawenu tituana mettak daakkunu amu, Israel dilag ikki danab ag amu hekkulagnu ag ahilkad keeke akkan wana, Yawe medappig, keeke amu oh am inam. Ag silwa tappiɗ 12, tiig amuppanu awa tauɗeb ukkaknu tappiɗ silwappa hak 12, amu gol tappiɗ 12 ele akkan wappig.

Namba 7:88

Laippu dayaknu ofa haknu, amu doɗ ohnu ebqak ahilag am makau okkai ebehi ele 24, sipsip dawai 60, meeme dawai 60, amu sipsip gaiɗ 60 maɗ laippu awak ele akkan uɗippig. Mana mettak amu oh am qaɗab goɗen gokkaɗakppa tituana hak dimppa, qaɗab amuam Yawenu tituana mettak daakkunu manadna, Nug mettaglagnu daappig.

Duteronomi 20:5

Mana mettak danab nug ban danab amelagppa nai mattia maleb amu, ban daup ikki ag ban danab amelagppa akkulag “Aun laa na lag laa heme, amge na ii qeapime? Ii qeapime dayeb, banppa ag na nidappeg mauhppe, laa ag na laut qeapimnanu, na eɗun aabppa gokkut!