Namba 5:3 - Nobonob Baibel

³ Ag danabte, o iitta ahte ag uug amu laa ele amu, ag oh maadppeg, aab dimittim gokkulag. Ag aab kalakppa daanna amu, geha heppeg, dahil neekkakppa ahilag aab am dubuttid tak ele daakku. Da ag Israel, ag oolagppa daattem amunu, danab ah amu ag aab heppeg, dahil neekkakppa dubuttid tak ele daamanu amu, ag maadppeg, aab dimittim gona dayeg!” awa aum.

Namba 5:3 Iomraidhean Croise

1 King 7:3

Nug anam hewowa amu, nug sida plang laa ele awa, nug lag amunu sida plang gikkiak okkai ele qaɗeppa sida plang amu ma, nug amuppa lag amu tonom. Ad sida plang gikkiak okkai ele, ag oh ahilag ebqak am 45. Huu anen anen plang gikkiak okkai ele am ebqak 15.

Sam 68:18

O Yawe Kayak na appa daakkutnu, na Sion qaukoppa teme. Na tenana, na ban danab eɗadna, aɗualadna diin gome ele amu, na ag noolag aon teme. Ao, na te, danab ah ag na keeke kuɗumnab nahip daakkunu hamu mettaeg, na aome, amge agib iitta. Laa ag nahip nai tappe nak heppig, ag ele keeke anam mettaeg, na aome.

Eksodas 25:8

Aria laa amu, na danab ah amelagppa appe, ag ⌊oolagppan danab ag uɗat amu haknu doon autna aotteb ele, ag⌋ dahil mettid haknu peh lag heppeg, am geha da ag oolagppa daakkul.

Eksodas 29:45

Am geha da ag Israel oolagppa, ahilag Kayak daakkul.

Aisaia 12:6

O danab ah Sion daatteb, Israel dilag Kayak Oppiaawak Ele, Nug nuhig ɠagattag okkaippa ag ehanatta, atognoadtte amu, Nug ag oolagppa daatte amunu, ag baalag okkaippa enan, ag gamag ahakppa ele ahi etteg!

Lewitikas 14:8

Laa nug Kayak ele ouqeya daaglahnu bekkun daatte, nug Kayak ele ouqa dayaknu kobol heeb, gogppa tekkunu amu, nug inam hekkuoitte. Nug lamen nuhig miha, beɗu uɗig oh hoiyeb ukkeb, nug le laakkuoitte. Nug anam ha, Kayak ele ouqa dayaknu elele amunu, nug eɗua, haen tutu dayaknu aab kalak, amuppa gokkunu elele. Anam aakku hekku, me nug nuhig peh lag ooppa ii noma, nug deɗ eblaih aɗit ele dimittim daakkuoitte.

Lewitikas 15:31

Kayak Nug anam ana, nug tuɗitta, Moses, Aron ele amelahppa aum. “Am Israel danab ah ag dahil mettid haknu peh lag, lag amuam ahilag haen tutu dayaknu aab kalak ooppa daatte amu, ag lag amu heppeg, dahil neekkakppa dubuttid daamanu, aa danab ah amelagppa aɗi keeke he, danab ah ag da ele ouqa dayaknu elele iitta daatteb, ag amu dooglagnu, aa ag nau aomnanu dabmettak nai apeɗ dooglagoitte. Am ag mettid haknu peh lag dahil heppeg, dahil neekkakppa dubuttid ele daakku amu, ag mauhkkulag.

Namba 16:3

Danab amu ag qagmena, Moses, Aron ele aa ahilag dabmakppa eheɗ hepiɗ amu appeg dooglahnu gumatna tena, ag amelahppa appig. “Aa ena haknu tom tippalya, eheɗ hepiɗ! Aɗinu? Tamaniak danab ah imu oh ag Yawenu tituanak daatteb; Yawe Nug ag oolagppa aakku daatte. Aa aɗinu, Yawenu danab ah imu tippalattak attannab daattep doottep?” aon appig.

Namba 19:22

Keeke aɗitai laa danab nug da ele ouqa dayaknu elele iitta lauɗidtte amu, keeke amu ele dahil neekkakppa dubuttid ele daatte, amu auntai nug keeke amu aɗatte amu, nug ele da ele ouqa dayaknu elele iitta dayeb ukkeb, tueb meeb, nug eɗua, da ele ouqa dayaknu elele daakku,” awa aum.

Namba 35:34

Da, Yawe, da ag Israel danab ah oolagppa daattem amunu, ag wan ag daattebppa, da ele daattemppa, ag wan amu aib heppeg, dahil neekkakppa dubuttid tak ele dayom.” Yawe Nug anam aum.

Namba 5:4

Yawe Nug anam hekkulagnu a, Israel danab ah ag anam heppig. Ag heeg, danab o ah uug amu ele amu, ag aab dimittim gona daappig. Yawe Nug Moses amegppa ag hekkulagnu aum amu, ag anamnab heppig.

Duteronomi 23:14

Haen tutu dayaknu aab kalak am Yawenu tituanak daakkuoitte. Amunu diig am, Yawe, ahilag Kayak, Nug haen tutu dayaknu aab kalakppa eɗua ona, eɗua doawa, atognoattatta, ahilkad kekeɗ ippulag oo nekkuoitte amunu, Nug keeke eheɗ antta, dimattamade, ag anam heig!

Duteronomi 23:15

Am begbeg maɗi nid danab o ah nug nuhig okkaippan oola, nahip-ppa daakkunu uɗieb amu, na aib eɗua, nuhig okkai gumitta gokkunu wagai meme.

2 Tesalonaika 3:6

O lainkad, ig Naɗi Jesus Kristus onigppa haknunab nai imu ag amelagppa attem. Ag lailkad laa bahilag iitta, ag kobol ena, ig tatam ippunadmut, ag amu ii dim lamidtteb amu, ag danab amu ele aib ouqeppig.

Taitus 3:10

Laa ele, danab laa nug tamaniak ena loppaɗtte ele, na tolittak uɗat laippu hewona, laa ele heppe amu anam bataɗ! Amu nug baula tippaleb amu, na nug geɗitte!

Revelesen 21:27

Amu keeke oppiak iitta ele aab okkai amuppa ii noma. Laa kobol nau digdig, Kayak nug kobol amunu ooppa uuaknab dootte, amu hambuppuak kobol hette ele amu, nug ele iitta. Am laa ag onilag Sipsip Nagnu buk, amuam buk onig Bauklel Awe Onig Yaaknu Buk, buk amuppa ag onilag yaak daatte ele amu, ag aakkuib aab okkai amuppa nokkulag.

Revelesen 21:3

Anam daye amu, da nai mattiak baag okkai sia king ⌊anuqak,⌋ amuppanu laa inam a doomi. “Gemu Kayak laug danab oolagppa daatte! Nug ag ele daaglag. Ag nuhig danab daaglag. Kayak Nug ag ele daaglag, amu Nug Kayak ahilag daakku.