Namba 4:5 - Nobonob Baibel

⁵ Haen danab ag ahan laih gokkulagnu heppeg amu, Aron nug bekkod ele ag mettid haknu peh lag ooppa nona, ag Oo Gun Ele, Oo Gunnab Ele makkulaknu lamen, ag amu autppeg neeb, ag Tituanak Nainu Kunup kontrak inak ele amuppa hautppeg daakku.

Namba 4:5 Iomraidhean Croise

1 Stori 15:15

Ag anam hena daanna, Lewi buɗub ag Yawe, Moses amegppa attem hena maoglagnu a, Moses ag amelagppa anam hekkulagnunab aum amu, ag amubia Kayaknu Tituanak Nainu Kunup ad aɗitppa gukkalagppa maoppig.

1 Stori 23:26

Lewi buɗub ag gemu mettid haknu peh lag, keeke ag lag amuppa uɗat hetteb ele baula maon, laih laih ii gomana. ⌊Anam iitta amunu ag uɗat laa imu aoglag,⌋” awa aum.

2 Stori 3:14

Amu Solomon nug ele linen muɗi hakkab, am linen muɗi kaala iɗu iɗu, am ed, perpel, kokoɗnab ele, nug muɗi amuppa lamen otala naɗi ha, nug engel okkai-kerubim dottog amuppa ele koitattom.

Eksodas 36:35

Aria, ag amu hena, ag lamen okkai laa Oo Gun Ele, Oo Gunnab Ele makkulaknu heppig. Ag linen muɗi hakkab, linen muɗi kaala iɗu iɗu, am ed, perpel, kokoɗnab ele amu, ag muɗi amu oh aon, ag lamen okkai amu agappig. Ag hewona amu, ag lamen qaɗeppa bala koitaknu, ag danab amu haknu doyak okkainab ele mattaeg, ag engel okkai-kerubim dottog lamen amuppa koitadppig.

Eksodas 40:3

Yawe Nug nuhig mettid haknu peh lag qappaknu ana, Nug nai tuɗitta aum. “Na mettid haknu peh lag amu oh qappona, na Tituanak Nainu Kunup kontrak inak ele, na amu aon, dahil mettid haknu peh lag ooppa mewon, Na Oo Gun Ele, Oo Gunnab Ele makkulaknu lamen, nainu kunup amu qehagkkunu, na amu aihe!

Eksodas 40:5

Aria, na amu hewona, na kalu muttuɗig enanag ileb baknu qaɗab golppa hak aon, Tituanak Nainu Kunup kontrak inak ele daatte, amu eleleppa, Oo Gun Ele, Oo Gunnab Ele makkulaknu lamen, amu heqo laih Oo Gun Eleppa mekkut. Mewon, aria lamen dahil mettid haknu peh lag od oɗeppa daakkunu daatte amu, na lamen amu aihe!

Aisaia 25:7

Qauko amuppanu amu, Yawe Nug heeb, danab ah ag baula ii mauhmana ⌊amunu, mauhaknu oo doyak baula ii daama⌋. Ao, Nug heeb, uug danab ah oh baula ii aqama ⌊amunu, uugnu guittak baula ii doomna⌋. Iitta.

Lewitikas 16:2

Yawe Nug Moses amegppa inam aum. “Na awan Aron amegppa, nau aomanu dabmettak nai imu appe, nug Oo Gunnab Ele, Oo amuam Oo Gun Ele, Oo Gunnab Ele makkulaknu lamen dimugppa daatte amu, nug oo amu ooppa, nug nukka dabmette haenppa oo amuppa aib noum. Aben amuam Tituanak Nainu Kunup ameg, ameg amuam eheɗ haknu nob nau tiigppa iitta me elele medatte ippunadtte amu, am aben amu. Lombig laa, Tituanak Nainu Kunup ameg, amuam eheɗ haknu nob nau tiigppa iitta me elele medatte ippunadtte amu, lombig amu ameg amu attan daatte, am da, da lombig amuppa daattem amunu, Aron nug dabmak nuhigppa mauhnoak, nug appa gokkunu da ii ami dayebeb, nug appa gokku amu, nug mauhkku,” awa aum.

Namba 10:14

Juda huu, amu huu laa Juda guguittak haen tutu dayaknu aab kalan daappig ele amu, ag anuqna ahan goppig. Ag ahilag pilak maonna goppig. Aminadap bekka Nason, nug am Juda huunu ikki danab dayom.

Namba 4:15

Aria, Aron, bekkod ele ag qaɗab, balal keeke, amu keeke naunau oh dahil mettid haknu peh lag danab ah appa qagmetteb ele, ag peh amu ooppanu keeke Yawenu tituanak daatteb amu hautna malappeg, haen danab ag gokkulagnu bappaidna daanna, amu Kohat buɗubppan danab ag keeke mawadkkulag. Amge ag tuqai aakkuib aɗaglag. Ag keeke dahilnu tituanak daatteb amu iinab lauɗidmana. Ag lauɗidna amu, ag mauhkkulag. Amu Kohat buɗubppan ag keeke amu, mettid haknu peh lag ooppanu mawadkkulagnu daatte.

Namba 4:4

Uɗat imuam Kohat buɗubppan danab ag dahil mettid haknu peh lag danab ah appa qagmetteb ele, ag appa hekkulagnu daatteb. Ag keeke, dahilnu tituanaknab daatteb, ag keeke amu oh atognoadkkulagnu aakku daatte.

Namba 7:9

Amge Moses nug Kohat buɗub keeke laa iinab mattom. Ag keeke laa ii mattom diig amu, ag mettid haknu peh lagnu keeke, Yawenu tituanak daatte, amuppa mana mettak danab ag Kayaknu uɗat hetteb, ag keeke amu gukkalagppa maoglagnu daappig. Ahilag uɗat amuam ag hekkulagnu mattak.

Matyu 27:51

Nug mauhom, haen amuppa Kayaknu mettid lag ooppa, lamen naɗi aiheg dayom attannu kattiɗa ukka, honap noa, aɗit meum. Anam amu, wan uɗale, men ele aoɗppig.

Duteronomi 31:9

Moses nug ɗo imu ya, mana mettak danab ag Yawenu Tituanak Nainu Kunup kontrak inak ele maoppig, amu Israel dilag ikki danab ele mattom. Mana mettak danab ag Lewi buɗub.

Hibru 10:20

Jesus Nug ib bau, ib amuppa ig bauklel aottem ele buua mekkom. Anukka danab ag Oo Gunnab Eleppa gokkulagnu am ib keldoak dayom. Lamen naɗi laa aihak dayom ele amu, nug ib amu keldoum, amge Jesus Nug mauhak nuhigppa lamen naɗi amu pattiɗa, ib babaitta mekke, ig Oo Gunnab Eleppa nokkunignu elele daattem.

Hibru 9:3

Aria lag ooppa, lamen naɗi dimugppa, lag oo makkulak laa, makkulak amunu ag, “Oo Gunnab Ele,” atteb, amuppa dayom.

1 Samuel 6:19

Amu Betsemesnu danab laala ag Yawenu Tituanak Nainu Kunup ooppa neegppeg nokkunu kunup amunu ameg kolappig. Ag kolana, ag neekkeg, Tituanak Nainu Kunup ooppa ukkom amunu, Yawe he, danab 70 amu ag aakku mauhppig. Ag mauhppig amunu, appan danab ag Yawe Nug he, danab kuɗumnab mauhppig, ag diig amunu mahiak okkai heppig.