Namba 4:4 - Nobonob Baibel

⁴ Uɗat imuam Kohat buɗubppan danab ag dahil mettid haknu peh lag danab ah appa qagmetteb ele, ag appa hekkulagnu daatteb. Ag keeke, dahilnu tituanaknab daatteb, ag keeke amu oh atognoadkkulagnu aakku daatte.

Namba 4:4 Iomraidhean Croise

1 Stori 23:6

Dawit nug anam ana mala, nug Lewi buɗub ag huu ewam daaglagnu obatom. Lewi nug bekkod ewam; Gerson, Kohat, Merari ele. Anam amu huu ewam amu ag obatak amu dim lamittak daappig. Huu laa am Gerson buɗub, huu laa am Kohat buɗub, huu laa am Merari buɗub.

Namba 10:21

Amu dim lamattak amu, Kohat buɗub ag ahan goppig. Ag mettid haknu peh lag ooppan keeke, Yawenu tituanak daatteb amu, ag amu mawadppig. Laa ag mettid haknu peh lag maoppig ele, ag anuqppig. Aɗinu? Peh lag amu ag tatam qabappeg amu, Kohat buɗub ag tekkulag. Yawe Nug aum bia, nuhig mettid haknu peh lag aben laappa tatam qappak dayeb, Kohat danab ag peh amunu keeke, keeke amuam Kayaknu tituanak daatte, ag amu maon tekkulag amunu, laa ag mettid haknu peh lag maoppig, ag anuqna goppig.

Namba 4:15

Aria, Aron, bekkod ele ag qaɗab, balal keeke, amu keeke naunau oh dahil mettid haknu peh lag danab ah appa qagmetteb ele, ag peh amu ooppanu keeke Yawenu tituanak daatteb amu hautna malappeg, haen danab ag gokkulagnu bappaidna daanna, amu Kohat buɗubppan danab ag keeke mawadkkulag. Amge ag tuqai aakkuib aɗaglag. Ag keeke dahilnu tituanak daatteb amu iinab lauɗidmana. Ag lauɗidna amu, ag mauhkkulag. Amu Kohat buɗubppan ag keeke amu, mettid haknu peh lag ooppanu mawadkkulagnu daatte.

Namba 4:24

Gerson buɗubppan danab ag uɗat hekkulagnu, ag keeke mawadkkulagnu am iikku.

Namba 4:5

Haen danab ag ahan laih gokkulagnu heppeg amu, Aron nug bekkod ele ag mettid haknu peh lag ooppa nona, ag Oo Gun Ele, Oo Gunnab Ele makkulaknu lamen, ag amu autppeg neeb, ag Tituanak Nainu Kunup kontrak inak ele amuppa hautppeg daakku.

Namba 7:9

Amge Moses nug Kohat buɗub keeke laa iinab mattom. Ag keeke laa ii mattom diig amu, ag mettid haknu peh lagnu keeke, Yawenu tituanak daatte, amuppa mana mettak danab ag Kayaknu uɗat hetteb, ag keeke amu gukkalagppa maoglagnu daappig. Ahilag uɗat amuam ag hekkulagnu mattak.

Mak 13:34

Haen amu inam bia bekku. Danab laa nug atu laih gokkunu aha, nug laugppanu uɗat oh otia, nuhikkud maɗi nid eppelagppa mewowa, laa nug od gumom ele, nug nuhig okkai eɗua uɗikkunu dabmaama daakkunu awowa, aha ukkom.