Namba 4:25 - Nobonob Baibel

²⁵ Ag dahil mettid haknu peh lag, amuam dahil mettid haknu peh lag danab ah appa qagmetteb ele, ag lag amu ooppan lamen enanag, mettid haknu peh lag tonaknu lamen laa, amu mettid haknu peh lagnu lamen dimittimnu, kakai maoi gaɗappa heppig, ag keeke amu oh maoglagnu daatte. Ag mettid haknu peh lagnu odppan lamen, ag amu ele maoglagnu daatte.

Namba 4:25 Iomraidhean Croise

Eksodas 26:1

Yawe Nug amu hekkulagnu anana, Nug keeke laanu inam aum. “⌊Danab uɗat amu hetteb ele amu,⌋ ag mettid haknu peh lag dahil heig! Ag mettid haknu peh lag amu hekkulagnu ag linen muɗi hakkab, linen muɗi kaala iɗu iɗu, am ed, perpel, kokoɗnab ele amu, ag muɗi amu oh aona, ag lamen eblaih laih ele oh amuppa akkeg! Ag lamen eblaih laih ele amu akkona, ag lamen qaɗeppa bala koitaknu ag danab uɗat amu haknu doyak okkai ele madappeg, ag engel okkai-kerubim dottog lamen amuppa koitatteg!

Eksodas 26:14

Ag amu oh hewona amu, ag keeke aɗit laa ele dahil mettid haknu peh lag tonaglahnu hekkulag. Ag laa sipsip dawai gaɗappa, laa ag heeg, kokoɗ eppom daatte ele, amuppa ag peh lag laa hewona, aria ag peh lag laa kakai maoi gaɗappa hekkulag. Aɗit amu oh, aa am laa qaɗeppa nug tonak daaglah.

Eksodas 40:19

Nug amu oh hewowa, aria nug lamen okkai meeme uɗigppa hak awa, mettid haknu peh lag lamenppa hak qaɗeppa me tonom. Me tone, nug tonaknu keeke aɗit laa, doɗ gaɗappa hak ele amu, nug keeke aɗit amu tatam tatualata, aa keeke amu oh tonaglahnu, nug attan duqatom. Yawe Nug Moses amegppa haknunab aum, nug aumbianab aakku heum.

Namba 1:50

Iitta. Na Lewi buɗub, ag mettid haknu peh lag men maha aɗit ɗo nai yaak niitte ele appa daattep, ag amu dabmettanna atognokkulagnu otiatte! Ag geha mettid haknu peh lag amu ooppanu keeke oh, amu nuhig keeke laa oh elenu gumak danab anuqak daaglag. Ag geha dahil mettid haknu peh lag, nuhig keeke oh ele, ag amu maonna, laih gokkulag; ag amu dabmettan atognonana, ag haen tutu dayaknu aab kalan, mettid haknu peh lag amu talilidna daaglag.

Namba 4:24

Gerson buɗubppan danab ag uɗat hekkulagnu, ag keeke mawadkkulagnu am iikku.

Namba 4:6

Anam hewona, ag Oo Gun Ele, Oo Gunnab Ele makkulaknu lamen, ag amu kakai maoi gaɗappa amu hautona, ag lamen ed, teppu ele laa, amu qaɗeppa ele hautona amu, ag tuqai aɗit aben ahilahppa aɗualatppeg wakkulah.