Namba 4:12 - Nobonob Baibel

¹² Ag aɗi keeke, mana mettak danab ag amuppa dahil mettid haknu peh lagppa dahil ɗo maɗoɗnu uɗat hekkulagnu uɗat madatteb amu, ag amu aon, lamen edppa hautona, amu kakai maoi gaɗappa ele hautona, qaɗeppa maknu tuqaippa mekkulag.

Namba 4:12 Iomraidhean Croise

1 Stori 9:28

Aria, Lewi buɗubppan mana mettak danab iitta, ag mana mettak danab aɗi ag keeke Yawenu mettid lakka appa uɗat medappig amu, ag keeke amu oh atognoppig. Laa nug uɗat medakkunu ha, aokkunu uɗiom amu, Lewi buɗub amu ag waa keeke, gane daatteb ebqeeg awom. Aria, eɗua awa uɗiom amu, haen amuppa ag baula ebqeppig.

1 Stori 9:29

Amu Lewi buɗubppan mana mettak danab iitta, ag oolagppan laa ag Yawenu mettid lagnu sia keeke atognoadkkulagnu daanna, aɗi keeke laa appa daappig amu, ag amu ele atognona, plaua, wain, goɗen, kalu danab ile muttuɗig enanag bette, amu spais digdig ele dabmadappig.

2 Stori 4:11

Amu Huram ⌊nug Solomon waappa dayaya, uɗat heum amu,⌋ nug waa ⌊brasppa hak⌋, sabol naunau, amu tiig amuppanu awa tauɗeb ukkaknu tappiɗ ele hattom. Amu Huram nug aakku uɗat King Solomon nug Kayaknu mettid lag, amuppa hekkunu nug mettom amu, nug aakku ha malom.

2 Stori 4:16

waa ⌊brasppa hak⌋, sabol, amu teppu awaknu huɗup ele. King Solomon nug Huram Abi Yawenu mettid lagnu keeke aɗi aɗi hadakkunu aum amu, nug keeke amu oh bras amemɗi aotte eleppa heum.

2 Stori 4:19

Solomon nug Kayaknu mettid lagnu keeke imu oh ele heum: qaɗab golppa hak; Kayak Nug ina daatte ippuanattaknu bretnu balal golppa hak;

2 Stori 4:22

lamnu wik babaittaknu keeke; tiig amuppanu awa tauɗeb ukkaknu tappiɗ, tappiɗ naunau, amu tappiɗ danab amuppa kalu danab ile muttuɗig enanag bette ilappig ele, amu oh am gol ena dubuttid iitta eleppa hak; aria, Yawenu mettid lagnu od laala golppa hak, Oo Gunnab Elenu od, amu oo anuqaknu od ele, amuam oh ele golppaib hak.

Eksodas 25:5

sipsip dawai gaɗa, laa ag heeg kokoɗ eppom daatte, kakai maoi gaɗa, plang ad akasianu,

Eksodas 25:9

Amu mettid haknu peh lag amu, keeke oh peh lag ooppanu ele, da na dottog ippunidkkul bianab na heppe, ag heig!” awa aum.

Eksodas 31:10

Aria, laa ag hekkulagnu ami am Aron, nug bekkod ele, ahilag lamen akkak, amuam mana mettak danab Aronnu lamen, da noolppa uɗat hekkunu dahilnu tituanak daatte, amu nug bekkod, ag mana mettak uɗat hekkulagnu lamen ele, aria laittaknu goɗen, amu kalu muttuɗig enanag, ag amu lag Oo Gun Eleppa mekkulag. Amuam keeke digdig da ag hekkulagnunab ami amu, ag da amibianab heig!” awa aum.

Namba 3:8

Lewi buɗub amu, ag dahil mettid haknu peh lag danab ah appa qagmetteb ele, ag appanu keeke oh atognoadkkulag. Israel danab ah oh ag dahil mettid haknu peh lagppa daana, ag uɗat amu hekkulagnu elele iitta amunu, Lewi buɗub ag, ag oulag daaglagnu ehanadna, uɗat amu hekkulag.

Namba 4:11

Ag lamen ed laa qaɗab golppa hak amu qaɗeppa otalona, ag kakai maoi gaɗappa hautona, ag tuqai aɗit aben ahilahppa aɗualatppeg wakkulah.

Namba 4:13

Ag uhuɗ qaɗab brasppa hak, ag amuppa mautppeg na ukkeb, amu ag lamen perpel laa qaɗeppa otalkkulag.

Namba 4:6

Anam hewona, ag Oo Gun Ele, Oo Gunnab Ele makkulaknu lamen, ag amu kakai maoi gaɗappa amu hautona, ag lamen ed, teppu ele laa, amu qaɗeppa ele hautona amu, ag tuqai aɗit aben ahilahppa aɗualatppeg wakkulah.

Namba 4:7

Aria, ag lamen ed laa balal, mana mettak danab ag bret Yawenu metteb ele amu, ag amu qaɗeppa otalkkulag. Ag anam hewona amu, ag tappiɗ digdig, kopi, kap, ag wain gokkaɗaknu ofa amuppa inatteb ele, ag keeke amu oh amu qaɗeppa mekkulag. Bret balal amuppa hanhan daatte ele am anamib daakku.

Namba 4:9

Aron, bekkod ele ag lamen ed laa aona, lam maattaknu balal, amuppa amahlak lag ooppa daatte amu, balalnu lam ele, lam wik eeɗaknu keeke, amu nippud, goɗen amuppa dayaya maadtte ele amu, ag amu oh hautadkkulag.