Namba 34:8 - Nobonob Baibel

⁸ Hor qaukoppanu am ukka, Lebo Hamat ta, appanu am ukka, Sedat wakku.

Namba 34:8 Iomraidhean Croise

2 Samuel 8:9

Amu Hamat dilag king Toi nug Dawit, Hadateser, nuhikkud daup oh ele eɗattom doyom.

1 King 8:65

Amunu Solomon nug Pehppa Dayaknu Hobul deɗ eblaih aɗit ele heum. Nug, Israel danab ah oh ele ag hobul amu heppig. Israel danab ah huanaknab, Lebo Hamat appanu ukka, Isipnu Oolnu Noak batakppanu uɗin daappig. Ag qagmak amu deɗ eblaih aɗit dayona, tuɗidna, bau laa deɗ eblaih aɗit ele daappig, aakku ag deɗ 14 Yawe, ihinig Kayak, Nug noobppa hobulppa daappig.

2 King 14:25

Amu Jeroboam nug king ii beum haenppa, haen amuppa kekeɗ ag Israel dilag wan laala aoppig. Amge Jeroboam nug gemu ban haaha, wan amu oh eɗua awom; amuam laih yawalti uɗitteppanu Lebo Hamatnu digma ukka, laih yau uɗitteppanu Mauhaknu Le, amuppa batak. Jeroboam nug anam haaha, nug Yawe, Israel dilag Kayak, Nug nuhig maɗi nid Amitai bekka, propet Jona oɗeppa nai aum amu, nug elele mettom. Jona nug am Gatheper aabppan danab laa.

1 Stori 1:16

Arwat danab, Semar danab, Hamat danab ele.

1 Stori 13:5

Ag oolag laippu dayom amunu, Dawit nug nai me ukke, Israel danab ah, Israel wan ohppan uɗippig. Yau uɗitteppanu Israel, Isip ele dilah tom am le onig Saiho, aria yawalti uɗitteppanu Israel dilag tom am Lebo Hamat, amu Israel danab ah ag wan oh tom aɗit amu gamalahppa daatte, ag appanu uɗippig. Ag Kayaknu Tituanak Nainu Kunup Kiriat Jearimnu aon uɗiglagnu uɗippig.

Aisaia 10:9

Wan da eɗatten, aab okkai ahilag aomi ele, aab okkai amuam Karkemis, Kalno, Arpat, Hamat, Damaskus, am Samaria ele. Ag oolagppanu laa nug da eɗilkkunu elele iitta. Iitta! Da laa dilagppa hemi bia laa ohppa anamib hemi.

Jeremaia 39:5

Ag anam oolppig, amge Babilon dilag daup ag dim lamadna gona, Sedekaia nug uɗem okkai Jeriko guguittak appa ugekke, ag nug qe-eɗidna aɗappig. Ag aɗan, Babilon dilag king nug Hamat wanppa aab onig Ripla appa dayom amunu, daup ag Sedekaia aon gona, appa Nebukatnesar eppegppa meeg, nug ag nuhignu aɗi aɗi hekkulagnu aum.

Amos 6:14

Ag eheɗ amu hetteb amunu, Yawe Kayak Nukka Ɠagattag Oh Ele Nug atte. “Da heppi, kekeɗ ag uɗin, ag eɗadna, Lebo Hamat appanu ukka ukka, oolnu noak Araba, appa batak ag eheɗ hattaglag.”

Namba 13:21

Moses nug anam ha aum amunu, ag aakku gona, wan laih Sin atu taɗakppanu, laih Rehop aab okkaippanu ukkak, appa anidnan goppig. Rehop nug am aab okkai Lebo Hamat guguittak dayom.

Namba 34:9

Appanu am tuɗitta ukka, Sipron wana ukka, Hasarenan batakku. Amuam ahilag tom laih yawalti uɗitteppanu aakku.