Namba 34:5 - Nobonob Baibel

⁵ Asmon appa amu, tom nug nakok piia, oolnu noak laa onig Isipnu oolnu noak, amuppa digma dim lamitta ukka ukka, Mediterenia yuppa nokku.

Namba 34:5 Iomraidhean Croise

Genesis 15:18

Oiye amu, deɗ amuppa Yawe Nug kobol amuppa he, Nug Abram ele nug tituanya nai qagapiɗ. Aa nug tituanya, nai qakkaya, Yawe Nug Abram amegppa aum. “Da wan imu na buɗunad madattem. Tom nuhig amu inam; le nakok onig Isip, tom am amuppanu digma ukka, le okkai onig Yupretis batak.

1 King 8:65

Amunu Solomon nug Pehppa Dayaknu Hobul deɗ eblaih aɗit ele heum. Nug, Israel danab ah oh ele ag hobul amu heppig. Israel danab ah huanaknab, Lebo Hamat appanu ukka, Isipnu Oolnu Noak batakppanu uɗin daappig. Ag qagmak amu deɗ eblaih aɗit dayona, tuɗidna, bau laa deɗ eblaih aɗit ele daappig, aakku ag deɗ 14 Yawe, ihinig Kayak, Nug noobppa hobulppa daappig.

Aisaia 27:12

Amu haen amuppa am inam bekku. Yawe Nug le Yupretis appanu uɗia uɗia, le onig Isip Le, le amuppa batak Nug danab nug ee aeg, dappunkkeg ele oh laippu daamanu, nug danab ee aeg mumuɗe, piɗe piɗe daattep, amubia Nug Israel danab ah epeɗia, otiatta heeb, laippu ippanu, laippu appanu amu, ag eɗun, ahilag wanppa daaglag.

Esekiel 47:19

Amu Israelnu yau uɗitteppanu tom am Tamar appa digmekku. Appa digma ugakka, le laa onig Kades Meriba, appa ukka, digma oolnu noak onig Isip dim lamitta ugakka, Mediterenia yuppa batakku. Amuam Israel dilag tom, yau uɗitteppanu aakku.

Daniel 11:45

Nug ugakka, nug nuhig peh lag enanag yu, qauko Kayaknu tituanak daatte, amu ele gamalahppa qappadkku. Nug anam hekku, amge nug na qa, iitta mekku. Laa nug ii ehanidma.

Josua 15:4

Asmon waum. Appan amu tom nug ukka, Isip dilag leppa waum. Le amuppanu tom amuam aakku ukka, Mediterenia yuppa noum. Amuam Juda dilag yau uɗitteppanu tom aakku.

Josua 15:47

Ag anam Asdot, aab laala Asdot guguittak daappig, amu aab naunau taliliattak daappig Juda mattan, amu ag Gasa, aab laala Gasa guguittak daappig, am aab naunau taliliadna daappig ele, ag Juda madappig. Ag aab amu mattaeg, tom amuam le laa onig Isip Le, amuppa bate, am ukka Mediterenia yuppa batom.