Namba 34:2 - Nobonob Baibel

² “Na Israel danab ah ag inam hekkulagnunab appe doyeg!” awa aum. ⌊Nug anam a amu, Moses nug Israel amelagppa inam aum.⌋ “Da ag Kanan wan, ag aulag daakkunu aakku madattem. Haen ag Kanan wanppa nokkulag amu, imu amu geha ahilag wan tom daakku.

Namba 34:2 Iomraidhean Croise

Genesis 10:19

ahilag wan tom gigin amu Saidon aabppa digma ukka ukka, Gasa, Gerar guguittak, amuppa bata, eɗua ukka Sodom, Gomora ele wana eɗua, Atma, Seboim ele ukka amu, Lasa aabppa batom.

Genesis 17:8

Na gemu Kanan wan imu ooppa wan laihnu danab ina daattem, amu da na, na buɗunad ele, da ag wan imu madappi, ahilag wan hanhan daakku. Amu da ahilag Kayak daakkul,” awa aum.

Sam 105:11

Nug Jakop amegppa aum. “Da Kanan wan na medakkul. Ao, da na medappi, wan amuam na aut aakku daakku,” awa aum.

Eksodas 23:31

Am da ahilag wan tom amu oppatppi, tom amu laa am yu oɗe onig Akaba, appanu digma ukka, yu naɗi Mediterenia appa batak daakku. Tom laa am le naɗi Yupretis laih yawalti uɗitteppanu, appa digma ukka, atu taɗakppa laih yau uɗitteppanu, appa batak daakku. Amu danab appa daatteb amu, da geha ɠagattag ag ag eɗadkkulagnu madakkul amunu, haen ag wan amu ooppa nona, ag danab amu lamadppeg gokkulag.

Jeremaia 3:19

Da dakka, da oolppa, ‘Da danab nug bekkod ena hadatte, amubia da ena hatten, wan aulag enanag, enanag laa oh eɗattaknab, da wan amu madakkulnu ool daatte,’ ami. Da ag dahilnu, ‘Mama,’ akkulagnu, ag da ii dimeɗan, ag eɗun, ii dim lamiɗmananu uuglagnu dabmemi.

Esekiel 47:13

Amu Naɗi Yawe Nug inam atte. “Da Israel dilag wannu tom ippunidkkul. Laa amu hekkulag amu, ag wan amu Israel dilag huu okkai 12, ag aulag daakkunu paniglag. Josepnu huu amu, ag maha aɗit aoglag.

Esekiel 47:14

Wan amu ag elele elele aoglagnu panieg! Da anukka ag mamelkad aɗi wan imu madakkulnu dahil nai ɠagattag qetten, madakkulnu ami amunu, wan imuam ag Israel ahilag, ag aulag aakku daakku.

Namba 34:1

Amu Yawe Nug Moses amegppa aum.

Aposel 17:26

Amu danab ah buɗub oh amu, Nug ag alalag laippu heum, amu nuhigppanuib ag bena appatppig. Appateg, Nug he, ag gona wan ohppa daaegeg, Nug nukka haen ahilag matta, appalkad anen anen ele mattom.

Epesus 1:14

Kayak Nug ig nuhikkud daatteb, ig dimppa gog tak haenppa ig qagaiettakppanu eɗua uhuqak megakkunu aum amu, ig megakkunu genabnab doognignu Nug nuhig Ouɗi, keeke lonnu onig awa bia ha, ig mekkom. Ig Kayak binag metu!

Epesus 1:18

Da Nug heeb, ahilag dabmak amahleb, butti aɗi ag aɗi keekenu Nug ag onilagppa eum ele amu, ag amunu dabmak ɠagattag aona, ag maɗoɗppan gamag doon, itittak enanagnab oh Nug nuhikkud danab ah oppiaawak ele oh aoglagnu nai qakka tituanom ele amu, ag amu oh dooglagnu ele unuqidttem.

Josua 11:23

Amunu Josua nug Yawe, Moses amegppa haknunab aum, amubianab wan amu oh eɗattom. Nug Yawe, Moses amegppa aɗi aɗi hakknunab aum amu, nug tutukku dim lamitta heum. Nug wan amu Israel aulag daakkunu pania mattom. Nug otia, Israel dilag huu okkai anen anen, ag mattom. Israel ag wan aoeg dimppa amu, ag maɗoɗ daappig.

Josua 13:1

Haen Josua nug danab kaino meum amge nug ɠagattag ele amu, Yawe Nug amegppa aum, “Na danab kaino mettem, me Kanan wan kuɗum, Israel ag Kanan danab appa daatteb ele, ag ag eɗadna, wan amu ag eppelagppanu aoglagnu daatteb.

Josua 21:43

Amunu Yawe Nug Israel mamelkad aɗi amelagppa wan amu madakkunu nai ɠagattag qetta aum amu, Nug aakku wan amu oh Israel eppelagppa me, ag aon, aguppa daappig.