Namba 32:13 - Nobonob Baibel

¹³ Yawe Nug Israel dilagnu oo huana nauhe, Nug he, ag atu taɗakppa maɗ 40 oh yawaina oippig. Ag anam oinna, Yawe he, laa kobol eheɗ heppig ele, ag mauhadna iitta meppig.

Namba 32:13 Iomraidhean Croise

Sam 107:4

Danab ah laala ag atu taɗak nau, ag appa yawaina oinna, ag aab okkai laa amuppa daaglagnu laa ii anidppig.

Sam 78:33

Ag oolagppa genab dooglagnu uuppig amunu, Nug he, ag keeke ena ena ag aon, ahilag daakkunu Nug maittak awom amu, ag amu ii aon mauhppig. Ao, Kayak Nug he, ag huana hahaɗnana, eheɗ nau baɗana, ag mauhppig.

Sam 95:10

Danab amu ag maɗ 40 anamib heegeg, da ahilagnu ool nauhehe daami. Ao, da anam daye, da ami. ‘Danab ah imu ag haen oh dahil ib apiɗidna oitteb. Ge, ag dahil kobol ii doyadppig, gemu ele ii doyadtteb.’

Eksodas 16:35

Am Israel ag maɗ 40 maana laeg ukke, ag haen amuppa gona, Kanan wanppa, danab ah appa daappig amu, ag daaegeg, ag gona appa tena, ag maana baula ii lappig.

Amos 2:10

O Israel danab, da Yawe, da Amo dilag wan ag madakkulnu, da ag Isipnu diie bein, da atu taɗakppa maɗ 40 ag omalatte oimi.

Amos 2:9

O Israel danab ah ⌊ag dabmeig!⌋ Ag wan ag daattebppa daaglagnu heegeg amu, Amo danab ag wan amuppa daappig. Amo ag amuppa daaegeg, da hei, Amo ag nauhppig. Amo danab ag am ɠagattagnab. Ag ad sida attannab tak bia daappig. O, iitta, ag ad ok ɠagattagnab, ag ad amubia daappig. Ag anam daappig, amge da hei, ag nauhna autna aoppig. Danab nug meu ad eppegppa daye he nauhtte, da amubia hemi. Ge, danab nug ad diɗi wanppa daye he, ad nauhtte amu, amubia da hei, Amo danab ag nauhppig.

Namba 14:32

Amge ag amu, ag atu taɗakppa mauhadkkulag.

1 Korint 10:5

Amge Kayak Nug danab ah kuɗum ag ahilag eheɗ hak nau amu andatta, amuppa Nug ahilagnu oo ena ii dayom amunu Nug he, ag atu taɗakppa mauhppig.

Duteronomi 2:7

Amu aɗinu ⌊Yawe Nug ag ee, le ele daden mekkulagnu aum⌋? Yawe, ahilag Kayak, Nug ag aɗi aɗi eppelagppa heppig ele amu, Nug uɗat amu oh itattom. Nug ag atu taɗak naɗi amuppa gonana, keeke ohnu heegeg, Nug ag atognoattom. Maɗ 40 imu ooppa, Yawe, ahilag Kayak, Nug ag ele daanna, aɗi keeke ag amu aon, bau daaglagnu doyom amu, Nug amu elele matte, ag keeke laanu ii tutu meppig.

Ikki Danab 2:14

Ag anam heeg, Yawe Nug Israel dilag oo nauhak okkai doyom amunu, Nug ag diia, danab ag ban hena, danab aqadna, ahilkad keeke aotteb amu, Nug ag eppelagppa me, ag ahilag keeke aoppig. Nug ag diia, kekeɗ taliliadna daappig ele ag eppelagppa meum amunu, ag ban hena, baula kekeɗ eɗadkkulagnu elele iitta daappig.

Ikki Danab 2:20

Ag anam heppig amunu, Yawe Nug Israel dilagnu oo huana nauhom. Nug oo nauhe, Nug aum. “Danab ah imu ag nug tituana nai qakkak, da hei, da ag mamelkad aɗi ele hemut amu, ag amu tippalna, ag dahil nai ele ii doon oiyegeg uɗie, gemu ele anam hetteb amunu,