Namba 32:1 - Nobonob Baibel

¹ Ruben buɗub, Gad buɗub, ele amu, ag makau, sipsip ele huana bekkadppig. Ag neegna amu, wan onig Jaser, am wan laa onig Gileat ele, wan aɗit amu aa gikkiɗah huana ele anatppig. Aben amuppa makau, sipsip ele daaglagnu enanag anidppig.

Namba 32:1 Iomraidhean Croise

Genesis 13:2

Haen amuppa nug enub kuɗumnab ele; nug doɗ kuɗum, silwa kuɗum, amu gol ele kuɗum.

Genesis 13:5

Amu nug Lot ele wan amuppa daayya oipiɗ. Aa anam oipiɗ, amge Abram nug keeke kuɗum, Lot ele enub kuɗum; danab, ah, doɗ ele

Genesis 29:32

Yawe Nug anam he, Lea nug oo ele oiyaya, nug nid danab menua, nug aum. “Yawe dahil uug nau antta ehaniɗom amunu, da gamul nug dahilnu oo mauhkku,” awa aum. Nug anam aum amunu, nug nid onig Ruben ataɗom.

Genesis 47:4

Ag anam ana amu, ag baula ele appig. “Kanan wanppa appa amu, enug haen okkai daatte; doɗ ihinkad appa ee iitta amunu, ig ippa nakok daagnignu uɗimut. Anam amunu na appe, ig, nahipad maɗi nid, ig wan atu onig Gosen appa daagnignu oɗ medattem,” aon appig.

2 Samuel 24:5

Ag Jodan le mataɗna, ag gona, aab onig Aroer, oolnu noak gamagppa daatte, appa uɗat amu digmeppig. Ag amuppa digmena, ban danab onilag yaanna, ag gona gona, Gad wanppa ele hena, ag aab onig Jaser batak teppig.

2 Samuel 24:6

Ag appa tewona, ag tuɗidna, Gileat gona ebaqona, ag gona wan atu onig Tahtim Hodsi, appa ahilag uɗat hewona, ag gona, Danjan tewona, ag gona Saidon batak danab ebaqadppig.

1 Stori 4:41

Simeon danab ag wan amu anidna, Juda dilag king Hesekaia dayom haenppa danab ag onilag listappa daatteb ag ahan, Ham danab amu aqaglagnu banelag gona, Ham danab amu, Meun danab ele daappig, ahilag lag keeke ag heeg nauheg, gemu ⌊nai imu yaak haenppa⌋ ele, am anam daatte; am anttaknu elele. Simeon ag keeke heeg nauhegeg, ag heeg, ⌊danab ah appa daappig amu, ag⌋ Yawenuib nuhig pelemppa daappig. Simeon amu hena malona, ahilkad doɗ dilag gikkiɗah huanak ele amunu, ag aguppa daappig.

Eksodas 12:38

Am danab ah laa kuɗum, ag am Israel danab iitta amu, ag ele goppig. Am Israel ag makau, sipsip, meeme ele, ag doɗ amu kuɗumnab ele akkan goppig.

Jeremaia 22:6

Am diig amunu amu, Yawe Nug Juda dilag kingnu lag enanagnabnu inam atte. “Da ag Juda dilag king, da lag ahilagnu enanag doottem; da qauko Lebanon ikkinu doottem, o Gileat wannu doottem amubia. Da amubia doottem, amge da genab heppi, ahilag lag am atu taɗak, danab ah appa ii daatteb ele, anambia daakku. Ag laulag am aab danab ah ii daatteb, hamu daatte, am anamib daakku.

Jeremaia 48:32

O Sibma danab ah, ag am grep dad meu huanak otte bia. Grep muɗi amuam ebekkud elab elab. Eppeg laa ukka, Le Mauhak amuppa batom. Laa am ukka, Jaser aabppa batom. Anam dayom, amge he nauhak laa am heeb, keeke amu oh nauheb, Jaser danab ah ag amunu gaaglag, amubia da ag Sibma danab ah, ag nauhppeg, da ahilagnu gaakkul.

Jeremaia 50:19

Amge da heppi, Israel danab ah ag eɗun, ag wanelagppa daaglag. Sipsip ag Karmel, am Basan ele appa gikkiɗah lanan, ena daatteb, amubia Israel ag ena daaglag. Ag Epraimnu qauko nakokppa, Gileat wanppa ele ee elele aon, oolag dittieb, elele daaglag,” awa atte.

Jeremaia 8:22

Gileat appa marasin oɗe danab ehanadkkunu daatte. Appa dokta danab ah ehanadkkulagnu daatteb. Juda danab ah ag eɗun ena daaglagnu ib ele daatte amunu, aɗinu ag uun, eɗun ena ii daatteb?

Maika 7:14

O Yawe, sipsip gumak danab nug dudqak hokkat nuhigppa nuhikkud sipsip gumadtte, amubia na nahipad danab ah gumadkkutnu ool daatte. Nahipad danab ah ag am sipsip nahipad, na aut bia daatteb. Ag sipsip piɗe atuppa daattebbia daatteb, amge atu amu oh daug daug amu, wan gikkiɗah enanag ele daatte amunu, na heppe, ag wan ena Basan, am wan ena laa Gileat, ag aguppa, anukka daan oittappig bia hekkulagnu oɗ medattem.

Namba 21:32

Aria, Moses nug lokkumakppa atu italak danab maatte gona, Jaser italeg, dimppa Israel ag aab okkai amu, nuhig talilittak aab naunau daappig ele ohppa, ag Amo danab ah appa daappig amu lamadppig.

Namba 32:2

Ag anam anidna, Moses, mana mettak danab Eleasar, amu Israel danab ah dilag ikki danab ele gumadna gona appig.

Namba 32:26

Ig geha ihinkad nid naunau, ah, amu ihinkad makau sipsip keeke aab okkaippa, Gileat wanppa ippa uuadpput daaglag.

Namba 32:3

“Yawe, danab ah wan imuppa daappig ele amu eɗadkkunignu ig Israel ehanikkom. Aab okkai wan imuppa daappig ele onilkad amu inam; Atarot, Dibon, Jaser, Nimra, Hesbon, Eleale, Sebam, Nebo amu Beon ele. Wan aab okkai amu taliliattak amu makau, sipsip ele ag gikkiɗah lakkulagnu enanag ele. Ig, nahip maɗi nid, ihinkad makau, sipsip am doɗ laala kuɗum ele daattem,

Duteronomi 33:21

Gad danab ag wan enanag ahilag daakkunu dabmeppig. Ao, amunu diig am, laa nug ikki danab dilag maha bia ag mattom. Israel dilag ikki danab ag qagmeeg, Gad buɗub ag Yawe oɗe tutukku dim lamidppig. Ao, ag nai doya mala hettoɗia epeɗia elele mettak kobol dim lamidppig,” awa aum.

Josua 13:25

Nug wan onig Jaser, amu Gileat ⌊maha yau uɗitteppanu daatte, am amunu⌋ aab oh, amu wan maha laih Amon dilag ele mattom. Aab onig Aroer am aakku Amon dilag wan tom dayom. Aroer amu Raba guguittak.

Josua 22:13

Ag anam heppig, amge ag ii goppig daanna, ag Eleasar bekka Pinias, nug mana mettak danab amu, ag nug, aria Israel dilag ikki danab ebqak eblaih laih ele, ag nug ele Gileat wanppa gona, ag Ruben danab, Gad danab, amu Israel dilag huu okkai Manase mahaib danab ele, ag ag ele nai mattiglagnu maatte goppig. Danab okkai eblaih laih ele amu, ag am Israel dilag huu okkai eblaih laih ele anen anen dilag ikki danab. Ag Israel ooppan baelkadppan anen anen dilag ikki danab aakku.

Josua 22:9

Josua ag gokkulagnu aum, amunnu Ruben danab, Gad danab, amu Israel dilag huu okkai Manase mahaib danab ele, ag aakku Israel dilag huu okkai laala, Kanan wanppa Silo appa uuadna, ahan goppig. Ag ahan, ahilag wanppanab, wan onig Gileat, appa gokkulagnu goppig. Moses nug Yawe, nug anam hekkununab aum amu, nug anam aakku ha mattom.

1 Jon 2:16

Aɗinu? Ig doottem, wanppan keeke oh, amuam beɗu kobol haknu oo hak nau dim lamittak, ameg qak doya awaknu oo hak nau dim lamittak, amu nukka binag maknu oo hak nau dim lamittak ele, kobol amu oh am Mame toppanu iitta, keeke amu oh am wanppanuib.

Ikki Danab 5:16

Anam amge diig aɗinu, ag Ruben danab, ag appalagppa sipsip maadppig daatteb, ag amu guguittak daappig? Ag sipsip gumak danab dilag hiwalak, ahilag sipsipnu heppeg, ag amu dooglagnute daappig? Amu genab, Israel dilag huu okkai Rubennu danab oolagppa am dabmak laippu iinab dayom.