Namba 3:1 - Nobonob Baibel

¹ Yawe Nug Moses ele qauko Sinai appa nai madipiɗ amu, haen amuppa Moses, Aron ele, aa buɗultinu nai inam iikku dayom.

Namba 3:1 Iomraidhean Croise

Genesis 10:1

Le hiɗ dimppa Noa bekkod Sem, Ham, Japet ele ag ele nid menuadppig, amu ag buɗulkad am inam.

Genesis 2:4

Digmakppa Yawe Kayak Nug hab wan ele haate, amu dimppa aɗi beumnu kaya am iikku. Yawe Kayak Nug hab, wan ele haatom, haen amuppa amu, wanppa keeke laa ba ii dayom. Aɗinu? Gu nekkunu amu, Yawe Kayak Nug he ii neum, amu danab laa ele wan bappaidkkunu ii dayom. Amge le wan ooppanu baaba, wan leppu medattom.

Genesis 5:1

Adam buɗubppan danab onilag bukppa yaappig am inam. Tatam Kayak Nug Adam heum amu, Nug Nug bia heum.

Eksodas 6:16

Am Lewi, ⌊Nug Jakop bekka Simeon dimugppan amu,⌋ nug maɗ 137 daya, nug mauhom. Nug bekkod onilag bukppa yaak dayom am Gerson, Kohat, Merari ele. ⌊Ag buɗulkad onilkad am iikku.⌋

Eksodas 6:20

Amram nug wau amu Jokebet. Jokebet nug Amram mameg appinag, amu nug Aron, Moses ele menuatom. Amram nug maɗ 137 daya, nug mauhom.

Eksodas 6:27

Aaib Isip dilag king Paro, nug Israel paɗatteb omaladya gokkulahnu amegppa apiɗ. Danab aɗit amu, aaib kobol amu hepiɗ; laa iitta.

Lewitikas 25:1

Moses nug Sinai qaukoppa ta dayeye, Yawe Nug amegppa aum.

Lewitikas 27:34

Yawe Nug ɗo imu oh, Israel ag dim lamidkkulagnunab ana, Sinai Qaukoppa Moses eppegppa meum.

Namba 2:34

Aakku Israel ag keeke oh Yawe Nug Moses anam hekkununab amegppa aum amu, ag heppig. Yawe Nug ag dayak aben ahilag attem hekkulagnu aum, ag ahilag pilak guguittak daaglagnu aum, amu ag anam aakku heppig. Ag aben laih goppig, haen amu ag attemnab gokkulagnu Yawe Nug aum amu, ag anam aakku goppig. Danab ah anen anen ag aab ikki ahilag, amu nug baekkudppa ele anamppa daanna goppig.

Matyu 1:1

Imuam Jesus Kristus memetappud buɗulkad dilag nai. Jesus Nug am Dawit buɗub, Dawit nug Abraham buɗub.