Namba 27:3 - Nobonob Baibel

³ “Ig mamenig am atu taɗakppa mauhom. Nug am Koranu huuppa ii dayom. Danab amu ag Yawe waappa daaglagnu uun, nuhig nai tappaeg neum. Nug am ahilag huuppan iitta. Iitta. Nug nuhig hipunin, diig amunu nug mauhom. Nug mauhom, amge nug bekkod iitta.

Namba 27:3 Iomraidhean Croise

Esekiel 18:4

Danab ohnab am dahiladib. Laa mameg am dahil, danab amu bekka am ele dahil. Aɗit oh am dahilib, amu auntai laa nug hipunin heeb, nug mauhkku, am laa iitta.

Namba 14:35

Da, da Yawe, geha da keeke imu oh genab, danab oh ag da diimeɗan, nau heppig ele, da ahilagppa hekkulnunab ami amu hekkul. Ag oh tamanin, da nai ami amu tappaeg neum. Ag geha atu taɗakppa iitta mekkulag; ag geha aben amuppa mauhkkulag,” awa aum.

Namba 16:19

Amu Kora nug heehe, Israel danab ah oh ag Moses, Aron ele dimatan, ahilah nai ele tappaeg neum amu, nug he, danab ah ag mettid haknu peh lag danab ah appa qagmetteb ele, ag lag amu odppa daaegeg, Yawenu binag amahlak oppiaawak ele Israel danab ah oh noolagppa ne anidppig.

Namba 16:49

Oɗe danab kuɗum aqe mauhtteb ele amu malom, amge ii malom haenppa amu 14,700 danab ah ag oɗe amuppa mauhppig. Danab ag Kora, nuhig hak nau amuppa mauhppig ele, ag amu ebqak amuppa ii daatteb.

Namba 26:33

Heper bekka Selopehad nug nid danab laa iitta: nug nid ahib. Ag onilag amu Malah, Noa, Hoglah, Milkah am Tirsah ele.

Namba 27:2

ag mettid haknu peh lag danab ah appa qagmetteb ele, ag lag amu odppa nona, Moses, mana mettak danab Eleasar, amu Israel oh dilag ikki danab ele noolagppa hippaidna daanna, ag appig.

Namba 27:4

Nug bekka laa iitta, amge diig amunu ig mamenig nug onig, nuhig aab ikki ooppa qettoɗkku am ena iitta amunu, ig mamenignu aab ikki ooppan, nuhigppan ig, na ig nug aug, keeke megakkutnu oɗ medattem,” aon appig.

Jon 8:21

Amu Jesus baula ag amelagppa aum. “Da gokkulnu hettem, amu ag tuɗidna oiglag, amge hipunin ahilag am ag tonatteb mauhkkulag. Aben da gottem ele, amuppa ag gokkulagnu elele iitta,” awa aum.

Jon 8:24

Diig amunu da ag amelagppa tatam ami. ‘Ag hipunin ahilag amu ag tonadppeg mauhkkulag.’ Am genab, ag da am Kayak Bekka oolagppa genab ii dooglag dayeb amu, ahilag hipunin genab tonadppeg mauhkkulag,” awa aum.

Rom 5:12

Aria, danab laippu laa hipunin heum, amuppa hipunin kobol oh wanppa daatte. Hipuninnu nob am mauhak amunu, mauhak am danab ah oh tonattom daatte. Aɗinu? Danab ah oh ag hipunin aakku heppig.

Rom 5:21

amunu, hipunin nug he, mauhak danab tonattom daatte, amubia Kayaknu ehanittak okkai hamu mettak, amuam he, ihinig Naɗi Jesus Kristus, nuhigppa danab ag genab tutukku hak danab bena, bauklel hanhannu aotteb.

Rom 6:23

Hipuninnu nob am mauhak, amge Kayak Nug ig ihinig Naɗi, Kristus Jesusnu uɗatppa bauklel hanhannu ihinig daakkunu hamu megatte.