Namba 26:10 - Nobonob Baibel

¹⁰ Wan oɗe obata, ag, am Koranu laa ele toppuatta ukkom. Danab laala Kora dim lamidppig ele, 250 ag bau daappig amu, aab ewatte mauhppig. Danab mauhppig amu, ag Israel laala, ag heppig bia hemananu, at daappig.

Namba 26:10 Iomraidhean Croise

Eksodas 16:35

Am Israel ag maɗ 40 maana laeg ukke, ag haen amuppa gona, Kanan wanppa, danab ah appa daappig amu, ag daaegeg, ag gona appa tena, ag maana baula ii lappig.

Jeremaia 29:22

Danab aɗit amu aa Israel oolagppa eheɗ nau hepiɗ, gemu ele hettep amu, da doottem. Da anat-ttem. Aa mudippan lailti dilag ah ele ewau pakkua gappai heya, aa hambuppuak nai da ii matami, da aa mattiglahnu ii ami amu, aa nai amu mattiya, da ippuanatmi attep amunu, aa eheɗ hak ahilah, diig amunu qinob aa nob naunab aopeɗ, Juda danab ah oh ag Babilon wanppa diia ukka laih me dayak danab ah daatteb, ag laanu nug eheɗ laa awaknu anak waappa daakkunu akkulagnu hekkulag amu, ag inam akkulag. ‘Babilon dilag king nug Sedekaia, amu Ahap ele aab aɗuppa manate mauhpiɗ, amubia Yawe Nug heeb, nahip-ppa baɗ!’ aon akkulag.” Yawe Nug anam awa atte.

Esekiel 14:8

Da danab amu, da nuhig hak amunu eheɗ doyeye, ool ii metten ⌊heppi nauheb⌋, nuhigppa beum am laa dilag antte oo maittaknu keeke dayebeb, laa ag nug am nau bekkunu at daatte dabmekkulag. Da heppi, nug Israel oolagppanu geɗittak daakku. Da anam heppi amu, ag laa ag dooglag, da am Yawe.

Namba 16:2

Ag Moses abenabppanu lamidkkulagnu hena, nuhig nai tappaeg ne heegeg, Israel danab 250 laa, Israel ag, ag ikki danab daaglagnu otiadppig ele amu, ag ahan, danab waɗele amu dim lamadna ehanadppig.

Namba 16:38

Bras tappiɗ amu, danab ag hipunin qeppig ele, ag aɗappig. Ag hipunin qeppig amunu, mauhppig. Bras tappiɗ amu danab mauhppig ele, ag amuppa mana mettak hena, ag aon, da, Yawe, da gumiɗna uɗina, da meɗappig amunu, tappiɗ amu ag dahilnu tituanak daatteb amunu, na heppe, hamappa oadppeg, otalna, teppu iitta beppeg, ag qaɗab dahil qaɗeppa maatteg! Na anam heppe, amuam Israel danab ah dilag at dayebeb anidna, ag hipunin hemananu dabmekkulag,” awa aum.

Namba 17:3

Lewi buɗub dilag hokkatppa amu Aron onig ye! Aɗinu? Israel dilag huu okkai anen anen, ag tatam beppig daatteb amu, ag oh ahilkad dudqak hokkat anen anen laippu daakkuoitte.

Namba 27:3

“Ig mamenig am atu taɗakppa mauhom. Nug am Koranu huuppa ii dayom. Danab amu ag Yawe waappa daaglagnu uun, nuhig nai tappaeg neum. Nug am ahilag huuppan iitta. Iitta. Nug nuhig hipunin, diig amunu nug mauhom. Nug mauhom, amge nug bekkod iitta.

Duteronomi 11:6

amu haen Yawe he, Israel oolagppanab Datan, Abiram ele, aa Ruben buɗubppan danab Eliap bekoɗ, aa wan oɗe matule amu, aa, aa baeltippa ele, ahilti peh, amu keeke ahilti oh ele ooppa nopiɗ, ag Israel, ag ahilkad nid ag amu oh ii anidppig.

Duteronomi 28:46

Ag Yawe dimedappeg, Nug heeb, eheɗ laa awaknu anak waappa dayak amu beppeg, amuam uɗat naɗi, Kayak heumnu at daatte ippunattatta, uɗat ɠagattag Kayak heum ele ippunadkku. Am anam daakku, am ahilagnu, ag buɗulkad dilag ele hanhan anamib daaglag.

2 Pita 2:6

Amu Kayak Nug he, aab okkai aɗit, Sodom Gomora ele, aa iite padal mepiɗ? Yo, Nug he, aab naɗi ewatom. Kobol amu danab laa oh ag aab okkai aɗit nauhpiɗ, amu dilah haen dimppa daanna, Kayaknu nuhig haknu ele uuak danab oiglag amu, ag Sodom Gomora danab padal mak aoppig anam aakku ahilagppa uɗikku, ag amu anidna dabmekkulagnu heum.

Jut 1:7

Kobol amubia laa ele am ag Sodom, Gomora ele, amu aab laala taliliatak eleppa anidkkulag. Appan danab ag gappai henana, ag danab danab ele, o ah ah ele gappai ele heppig amunu, nob nau ahilagppa beum. Nob nau amuam aab ewatte, ag padal mena autna aoeg, hanhan daatte. Ag hak naunu nob nau awaknu antte oo maittaknu kobol daatteb.

1 Samuel 2:34

Am kobol amu oh genab bekkulag amu, amunu at am inam. Na begapaɗ aɗit, Hopni, Pinias ele, aa oh deɗ laippuppa mauhkkulah.