Namba 24:5 - Nobonob Baibel

⁵ O Jakop buɗuppud, danab laa nug peh lag oh, ag Israel, ag amuppa daatteb ele amu anadtte amu, nug enanag anadtte. Yo, danab laa nug peh lag oh, ag appa daan oitteb ele amu anadtte am, nug keeke enanag anadtte.

Namba 24:5 Iomraidhean Croise

Nehemaia 13:2

Amon danab, Moap danab ele ag Israel oolagppa laippunab ii daamnanu diig am, haen Israel ag Isip wan uun uɗippig, ag uɗiegeg, Amon danab, Moap danab ele ag ee, le ele aon, Israel ii madappig. Iitta. Ag amu hak uun, Moap dilag king nug Balam heeb, Israel ag eheɗ laa awaknu anak waappa daaglagnu men doɗo mettom. Nug amu he, Balam nug amu hekkunu heum, amge Kayak he, eheɗ laa awaknu anak waappa dayaknu nai amu eɗua, itittak ena dayom.

Sam 84:2

Da Yawe daatteppa wain daakkulnu ool huanaknab hette. Ao, da ool, meul ohppa ele, da wain Kayak bau daatte ele daagnihnu ool daatte.

Eksodas 38:21

Imuam keeke oh ag Kayaknu mettid haknu peh lag, amuam mettid haknu peh lag men maha aɗit ɗo nai yaak niitte ele appa daattep, ag peh lag amu hekkulagnu keeke aon, uɗat medappignu ebqak. Moses nug Lewi buɗub amelagppa haknunab a, ag Aron, nug am mana mettak danab, ag nug bekka Itamar waappa daan, keeke amu oh ebqena yaappig.

Solomonnu Ahi 4:7

O ah dahil, da nahipnu ool huan mauhtte. Na ah iɗun tuqak ele, enanag daattem; na beɗun ohppa laih laa anttaknu nau nakok laa ii daatte.

Solomonnu Ahi 6:4

O ah dahil, da nahipnu ool huan mauhtte. Na am ah iɗun tuqak ele. Aab onig Tirsa, nug neekkak nuhig enanag, amu na ele amubia daattem. Ao, Jerusalem am neekkak enanag, am na ele amubia daattem. Genab, na bannu huu laa ag ahilag pilak aɗan, neekkaknu enanag ele daatteb amu, na amubia daattem.

Lewitikas 23:42

Am hobul dayak amunu deɗ eblaih aɗit amu ohppa amu, ag Israelnab danab ah, ag peh waappaib daaglagoitte.

Malakai 2:12

Da Yawe Nug Israel oolagppan danab ag amu hetteb, amge dimppa ag Yawe Nukka Ɠagattag Oh Ele laugppa tena, doɗ laa main Yawe medatteb amu, Nug ag otaɗatteb, ag baula Israel danab ah oolagppa ii daamnanu ool daatte.

Namba 2:34

Aakku Israel ag keeke oh Yawe Nug Moses anam hekkununab amegppa aum amu, ag heppig. Yawe Nug ag dayak aben ahilag attem hekkulagnu aum, ag ahilag pilak guguittak daaglagnu aum, amu ag anam aakku heppig. Ag aben laih goppig, haen amu ag attemnab gokkulagnu Yawe Nug aum amu, ag anam aakku goppig. Danab ah anen anen ag aab ikki ahilag, amu nug baekkudppa ele anamppa daanna goppig.

Namba 24:2

Haen Nug neekke ukke, Israel ag ahilag huu okkai anen anenppa haen tutu dayaknu aab kaladna daaegeg anattette amu, Kayak Ouɗi nuhigppa uɗiom.

Namba 24:6

Peh lag amuam uttu kuɗum eppak daatteb bia anadttem. Yo, ag am dad enanag, le laa ihippa daatte bia daatteb. Amu genab, ag am Yawe Nug keeke onig alo, sinamon, o wanila bia eppalatte bena daatteb bia daatteb. Ao ag ad sida le daugppa bena daatteb, ag amubia daatteb.

Duteronomi 33:29

O, Israel, ag itittak ena aon malappig! Auntai laa ag bia laa iitta. Yawe Nug nukka ag padal memananu ehanattom. Nug am ahilag guppiɗ, ahilag ehanittak, ahilag qep elab enanag ele. Ahilkad kekeɗ ag ag noolagppa ag beɗulkad aɗappeg neeb, ag Israel ag ahan, tappaladppeg nokkulag,” awa aum.

Josua 24:10

amge da nug anam akkunu uuen, nug amu amananu ib keldomi. Da anam heine hei, Balam nug ag haen nakok kuɗum itattom, amunu Balak nug ag aqamanu da ib oo nemi.