Namba 24:11 - Nobonob Baibel

¹¹ Na anam heme amunu, na appanppa pahanab ukke! Da ami, na uɗin, dahil kekeɗ dilagnu ag eheɗ laa anak waappa daaglagnu akkut amu, da na nob okkainab medakkul ami, amge Yawe Nug na nob okkai aomnanu ib keldoum,” awa aum.

Namba 24:11 Iomraidhean Croise

Namba 22:37

Aa nug uɗa teya amu, Balak nug Balam amegppa aum. “Da na paha uɗikkutnu matu ami. Na aɗinu ii uɗime? Da na keeke enanag, nob okkai ele medakkulnu elele iite daattem,” awa aum.

Namba 24:10

Balam nug nai amu mattie, Balak nug nuhignu oo huana nauhom. Nug eppeg bitakka, eppeg oo laih oa, nug aum. “Na uɗin, dahil kekeɗ dilag appe, ag eheɗ laa awaknu anak waappa daaglagnu, da ai uɗime, amge na haen ewam imu oh, na ag itittak ena mattame.

Namba 24:12

Balak anam a amu, Balam nug nai nob ma aum. “Da nai awa ukkak danab, na maatte goppig ele amu, da ag amelagppa ami. ‘Balak nug heeb, nuhig lag enanagnab, lag amuam silwa, gol ele ambak dayeb, nug da meɗakkutai, me da Yawe, dahil Kayak, da nuhig haknunab nai tippalen, dahil dabmak dim lamitten, keeke ena laa, oo iitta keeke nau laa hekkulnu elele iitta. Laa amu, Yawe Nug da aɗi akkulnu aum aakkuib akkuloitte,’ awe ami.

Aposel 8:20

Saimon nug aum, amge Pita nug amegppa aum. “Na Kayak Nug keeke ihinig daakkunu hamu megatte men doɗoppa aokkutnu hettem. Men doɗo nahip amu na ele oh padal memayanu na dabme!

Pilipai 3:8

Amu da keeke amunuib ii attem. Iitta. Da aɗi keeke laa awen, Jesus ele ouaqaten, laippu elele bia daattep dookkulnu elele iittanab iitta doottem. Jesus nukka am enanag. Keeke laa ohnu, da keeke amunu am keeke ena, keeke genab ele ii doottem. Laippuib am Kristus Jesus, Nug am dahil Naɗi, doyak amuam keeke genabnab doottem. Amu da Kristusnuib daakkulnu dabmein, keeke laa oh akkai goppig. Keeke amuam kinipan bia doottem. Amu da Kristusnuib daakkulnu, Nug ele laippu daagnihnu aakkuib ool daatte. Amu da ɗo dim lamittak kobolppa genab tutukku hak danab daakkulnu ool ii daatte. Iitta. Da genab tutukku hak danab daakkulnu amu, da Kristusnu oolppa genab doottem, amuppa Kayak Nug dahilnu, “Genab tutukku hak danab,” awa akkunu ool daatte. Genab tutukku dayak amunu diig am da iitta, am Kayak, amu danab nug ooppa genab doyakppa aotte.

2 Jon 1:8

Amu ag tamaniak ooppa daatteb ele, ag Kayaknu keeke aoglagnu uɗat heppig, amu laa amu ag heppeg, keeke amu iitta memanu dabmeig! Ag geha nob ena oh aoglagnu heig!