Namba 23:7 - Nobonob Baibel

⁷ Balam eɗua uɗia, Balak hibaitta dayeye antta, nug digma, Yawe aɗi nai amegppa aum amu, nug nai meunab ele amu mattiom. Nug aum. “Balak nug da appal Aramnu ahe, ippa uɗikkulnu aum. Yo, Moap dilag king nug he, da qauko, kaɗag uɗitteppanu daatteb, da appanu ippa uɗimi. ‘Na uɗin, dahilnu Jakop buɗub ag eheɗ laa awaknu anak waappa daaglagnu a!’ awa aum. ‘Ao, na uɗin, Israel ag nauhkkulagnu a!’ awa aum.

Namba 23:7 Iomraidhean Croise

Genesis 10:22

Sem bekkod am Elam, Asur, Arpaksat, Lud, Aram ele.

Genesis 28:2

Na Mesopatemia gona, na anin mameg Betuel laugppa tena, Betuel bekka Laban, na anin awag, na nug aɗeg laippu, ah nahip daakkunu aokkut.

Genesis 28:7

Laa amu, Jakop nai amu doya, nug mameg oɗe dim lamitta, Mesopatemia ukkom.

2 Samuel 21:21

Nug danab naɗi, beɗu anam, amge nug Israel awa awa aqatte, Dawit awag Sama bekka Jonatan, nug nug qe mauhom.

2 Samuel 23:9

Danab Ewam oolagppa Jasobeam dimugppa am Aho ted onig Eleasar, nug Dodai bekka. Amu haen laa Dawit, Eleasar, amu Israel dilag daup laa ele ag Pilistia Pasdamim appa ban hekkulagnu qagmeeg, Israel ag Pilistia aon aon aqaegeg, Pilistia wagainab meeg, Israel ag eɗun oolppig.

Job 27:1

Job nug anam mattia mala, nug nai tuɗitta aum.

Job 29:1

Amu Job nug anam mattia mala, nug nai tuɗitta aum

Sam 49:5

Uug laa bette haenppa amu, da baɗakkulnu diig laa ii daatte. Ao, kekeɗ ag taliliɗna daatteb haenppa amu, da baɗakkulnu diig laa ii daatte.

Sam 78:2

Da keeke danab ag dootteb ii dootteb ele ouaqaten ippuanatten, nai madikkul. Ao, keeke tatam tatam beppig, lokkumak daatteb amu, da am mehuqe appi dooglag.

Prowerb 26:2

Danab laa nug eheɗ laa ii heum, me danab ag nug eheɗ laa awaknu anak waappa daakkunu akkulag dayeb, nai amuam meu ii oma; nai amuam ai naunau ag hagagaɗna laih laih gona, aben laippuppa ii daatteb, am amubia, nai amu danab amu, nuhigppa ii daama.

Esekiel 17:2

“Danab bekka, na keeke danab ag dootteb ii dootteb ele ouaqata ippunittak nai imu, am dottognu naippa keeke ippunigtte amu, na nai imu Israel danab ah amelagppa anan,

Esekiel 20:49

Yawe Nug anam a amu, da ami. “O Naɗi Yawe, gadon, na nai amubia laala ele meɗae, da mattimi, amge Israel danab ah ag tuɗidna, dahilnu, ‘Nug keeke danab ag dootteb ii dootteb ele ouaqata ippunittak nai aakkuib iite maditte,’ atteb amunu, da attem hein, nai amubia baula appi dooglag,” awe ami.

Maika 2:4

Da hekkul, deɗ amuppa danab laala ⌊ag Israel danab ah daatteb bia ippu hak hena⌋, ag ag aon aon aqaglag. Ao, ag ag aon aon aqana, ag ahi oo doyak naunab ele inam ettaglag. ‘Ig Israel, ig padal meta autta auttanab aomut. Kekeɗ ag ihinkad keeke oppatna aon, ahilag aɗatteb. Yawe Nug he, ihinig keeke ig eppenigppa ii daatte. Nug wan ihinkad, kekeɗ ihinkad eppelagppa meum.’ Ag ahi ettan, anam akkulag.” Yawe Nug anam atte.

Habakuk 2:6

Nug anam haaha daatte, amge da, Yawe, da heppi, wan atu ohppan danab ah ag nuhignu, ‘Keeke hamunab,’ iite doon, nug aon aon qettaglag? Ag nug aon aon qettan, inam akkulag. ‘Laa nug wagai ma, danab ah dilag keeke yab awa, qagmette ele, nuhignu am gadonnab gadon. Ao, laa nug keeke lokkumakppa awaknu duttuna hak kobol dim lamitta, en kuɗum aotte amu, nuhignu am gadonnab gadon. Nug amu tuɗitta ii hema,’ aon akkulag.

Namba 22:11

‘Danab ah laa ag Isip uun ahan uɗippig ele, ag wan oh tonan malan daatteb. Amu na uɗin, na dahilnu, ag eheɗ laa awaknu anak waappa daaglagnu a! Na anam heppe amu, da geha ag ele ban hetat, lamadppi, ag wan imu uun, oolna gokkulagtai,’ ” awa aum.

Namba 23:18

Balak nug Balam anam oɗ mette amu, Balam nug digma, Yawe oɗeppanu nai meunab ele mattiom. Nug aum. “Balak, na ahan, na nai doye! Ao, Sipor bekka, na da doiɗe!

Namba 23:6

Yawe Nug nai amu Balam amegppa aum amunu, Balam nug eɗua, Balak dayomppa ukkom. Nug eɗua ukka, nug Balak manaknu ofa nuhig guguittak hibaitta dayeye, Moap anuqak danab ag nug ele oh hippaidna daaegeg anattom.

Namba 24:15

Amu Balam nug nai meunab ele imu mattiom. Nug inam aum. “Laa ag amelagppa keeke miagib anidtteb; Ao, laa ag Kayak nai mattieye dootteb; Ge, ag Laa Attannab Laa Oh Eɗattak, ag Nug eppegppanu doyak aotteb; Laa ag Kayak Nukka ɠagattag Oh Ele tulegleg ippunatte anidtteb; Ao, laa ag Kayak noobppa gatelag qaun ona, gomelna, iɗulag wanppa meeg, Kayak he, ag amelag obat-tte. Laa dilagnu anam daatte, amu ag oolagppan laa nug nai meunab ele imu maditte. Amu laa amuam da Balam, Beor bekka.

Namba 24:21

Aria, nug neekka, Ken buɗub danab anatta, nug nai meunab ele imu mattiom. “Ahilag dayak ena am ai ag attannab, men laa qaɗeppa teɗ metteb, am amubia, amge geha Asiria ag uɗin, ag eɗadna aɗualadppeg, ag eppelagppa daappeg, ag Ken buɗuppud, ag aakku nauhkkulag,” awa aum.

Namba 24:23

Balam nug nai meunab ele amu mattia mala amu, nug nai meunab ele imu mattiom. “Geha uub okkai okkai ag yu ihi laih, Kitim appanu uɗiglag. Ag geha uɗin, Asiria, Eber ele hadappeg nauhkkulag, amge geha ahilkad kekeɗ ag hadappeg nauhkkulag. O gadon! Kayak anam heebeb amu, aun nug bau daakku?” Balam nug anam aum.

Namba 24:3

Kayak Ouɗi nuhigppa uɗie amu, nug nai meunab ele mattiom. Nug inam aum. “Laa ag amelagppa keeke miagib anidtteb. Ao, laa ag Kayak nai mattieye dootteb. Laa ag Kayak Nukka ɠagattag Oh Ele tulegleg ippunatte anidtteb. Ao, laa ag Kayak noobppa gateg qaun ona, gomelna, iɗulag wanppa meeg, Kayak he, ag amelag obat-tte. Laa dilagnu anam daatte, amu ag oolagppan laa nug nai meunab ele imu maditte. Amu laa amuam da Balam, Beor bekka.

Matyu 13:33

Ana amu Nug baula ele keeke danab ag dootteb ii dootteb ele ouaqata ippuanatta, amelagppa mattia inam aum. “Kayaknu ɗo maɗoɗ am yis bia. Ah laa nug plaua kuɗum awa, yis ele kabolie, dimppa plaua oh titiɗa okkai meum,” awa aum.

Matyu 13:35

Nuhig hak amuppa amu, propet laa nai mattiom, nai amu elele mettom. Propet nug inam aum. “Da oɗel oppaten, keeke danab ag dootteb ii dootteb ele ouaqaten ippuanatten, nai madikkul. Da keeke digmak haenppanu lokkumak daye uɗie gemu batak amunu akkul,” awa aum.

Mak 12:12

Jesus Nug anam a amu, Juda danab okkai ag Jesus Nug keeke danab ag dootteb ii dootteb ele ouaqata ippuanittak nai amu ag eheɗ hak ahilag anidkkulagnu mattiom dooppig amunu, ag Jesus aɗaglagnu ib madippig. Madippig amge ag danab ah kuɗum ⌊appa daappig⌋ ele baɗadppig amunu, ag Jesus uuidna goppig.

Duteronomi 23:4

Danab amu ag, ag haen ag Israel ag Isipnu ahan ukkaeg, ag ena hena, ee, le ele ii madappig. Iitta. Ag Beor bekka Balam, Peto ted Aram Naharaim uppanu amu, ag nug uɗia, ag eheɗ laa awaknu anak waappa daaglagnu akkunu, nug uɗat medappig.

1 Samuel 17:10

Gemu da ag Israel, da ag amelagppa guhig ahaknu nai inam attem; ag oolagppanu laippu laa nug neeb, da ele ban heɗu!” Goliat nug huan ɠagattag anam eum.

1 Samuel 17:36

Da, nahip maɗi nid, da laion am bea ele aqati mauhpiɗ, amubia Pilistia danab umu, nug iitta aɗi laa amu, da qeppi mauhkku. Aɗinu? Nug nuhig ewakppa, nug Kayak Bauklel elenu ban danab dilagnu guhig ahaknu nai eum.

1 Samuel 17:45

Goliat nug anam a amu, Dawit nug nob ma aum. “Na qep elab, ban elab, am ban tutu ele aon, da ele ban hekkunihnu uɗime, amge da Yawe Nukka Ɠagattag Oh Ele, da Nug onigppa, da na ele ban hekkunihnu uɗittem. Nug am Israel ban danab dilag Kayak. Na nuhignu guhig ahaknu nai ame.