Namba 23:2 - Nobonob Baibel

² Balam anam a, Balak nug nai amu dim lamitte, aria Balak, Balam ele aa makau dawai, amu sipsip dawai ele babaittak daappig, aa qaɗab anen anenppa makau gaiɗ laippu, sipsip dawai laippu ele mana mettak hepiɗ.

Namba 23:2 Iomraidhean Croise

Esekiel 45:23

Pasowanu Hobul deɗ eblaih aɗit daatte, amu deɗ eblaih aɗit ele amu anen anenppa danab okkai nug mana mettak danab doɗ inam madakku: makau dawai eblaih aɗit ele, sipsip dawai eblaih aɗit ele, beɗulagppa eheɗ laa ii daatte ele, amu meeme dawai laippu. Mana mettak danab ag makau dawai, sipsip ele aona, manaknu ofa hekkulagnu manadna, da meɗaglag. Amu ag meeme aona, ib etta hipunin haknu ofa daakkunu main, da meɗaglag.

Namba 23:1

Balak nug Balam omale, Israel daappigppa goya anatta, nug aum. “Qaɗab eblaih aɗit ele doɗ mana mettaknu aqana meɗana, makau gaiɗ eblaih aɗit ele, amu sipsip dawai eblaih aɗit ele, qaɗab amuppa manattaknu babaitte!” awa aum.

Namba 23:14

Balak nug nai amu Balam amegppa awowa amu, nug omale, qauko Pisga, appa uɗem laa onig Sopim, aa appa tepiɗ. Appa amu, nug qaɗab eblaih aɗit ele aqa, nug makau gaiɗ laippu, amu sipsip dawai laippu ele qaɗab anen anenppa mana mettak heum.

Namba 23:29

Aa appa teya daayya amu, Balam nug Balak amegppa aum. “Qaɗab eblaih aɗit ele dahilnu ippa aqana, makau gaiɗ eblaih aɗit ele, amu sipsip dawai eblaih aɗit ele da qaɗab amuppa manadkkulnu babaitte!” awa aum.

Namba 23:3

Aa makau dawai, sipsip dawai ele mana mettak hewoya amu, Balam nug Balak amegppa aum. “Na inam manaknu ofa nahip guman daappe, da dakka am laih wakkul. Da anam wain daappi, Yawe geha da gumiɗa nekkutai. Nug gumiɗa na, Nug aɗi keeke laa ippuniɗkku amu, da na amenppa akkul,” awa aum. Balam nug anam awowa, nug qauko laa attannab haɗaettak amuppa teum.

Namba 23:30

Balam nug anam a amu, Balak nug, nug aum bia ha, Balak nug makau gaiɗ, amu sipsip dawai ele qaɗab anen anenppa manattom.