Namba 23:11 - Nobonob Baibel

¹¹ Balam nug Yawe nug anam akkunu aum, nug amu mattia male, amu Balak nug aum. “Na dahilnu aɗi heme? Na dahil kekeɗ dilagnu na appe, ag eheɗ laa awaknu anak waappa daaglagnu omaitte uɗimi, amge na amu haknu aɗitai laa ahilagnu ii heme. Iitta! Na ag itittak ena mattame!” awa aum.

Namba 23:11 Iomraidhean Croise

Nehemaia 13:2

Amon danab, Moap danab ele ag Israel oolagppa laippunab ii daamnanu diig am, haen Israel ag Isip wan uun uɗippig, ag uɗiegeg, Amon danab, Moap danab ele ag ee, le ele aon, Israel ii madappig. Iitta. Ag amu hak uun, Moap dilag king nug Balam heeb, Israel ag eheɗ laa awaknu anak waappa daaglagnu men doɗo mettom. Nug amu he, Balam nug amu hekkunu heum, amge Kayak he, eheɗ laa awaknu anak waappa dayaknu nai amu eɗua, itittak ena dayom.

Namba 22:11

‘Danab ah laa ag Isip uun ahan uɗippig ele, ag wan oh tonan malan daatteb. Amu na uɗin, na dahilnu, ag eheɗ laa awaknu anak waappa daaglagnu a! Na anam heppe amu, da geha ag ele ban hetat, lamadppi, ag wan imu uun, oolna gokkulagtai,’ ” awa aum.

Namba 23:12

Balak nug anam a, Balam nug nob ma aum. “Da aɗitai keeke laa hekkulnu elele iitta. Yawe Nug da aɗi akkulnu atte amu, da akkuloitte. Ib laa iitta,” awa aum.

Namba 24:10

Balam nug nai amu mattie, Balak nug nuhignu oo huana nauhom. Nug eppeg bitakka, eppeg oo laih oa, nug aum. “Na uɗin, dahil kekeɗ dilag appe, ag eheɗ laa awaknu anak waappa daaglagnu, da ai uɗime, amge na haen ewam imu oh, na ag itittak ena mattame.