Namba 23:1 - Nobonob Baibel

¹ Balak nug Balam omale, Israel daappigppa goya anatta, nug aum. “Qaɗab eblaih aɗit ele doɗ mana mettaknu aqana meɗana, makau gaiɗ eblaih aɗit ele, amu sipsip dawai eblaih aɗit ele, qaɗab amuppa manattaknu babaitte!” awa aum.

Namba 23:1 Iomraidhean Croise

2 King 18:22

Amu Asiria dilag ban daup ikki banppa o ban guguittakppa daatte, nug anam awowa, nug nai tuɗitta aum. “Amu ag inam da amelppa akkulagtai. ‘Ig Yawe, Nug am ihinig Kayak, ig Nug ehanigkkunu dabmettem.’ Ag anam akkulagtai, amge Hesekaia nug ag Juda danab ah oh, laa Jerusalemnu, laa Juda wanppa laih laihnu amu, nug ag amelagppa, ‘Ag qaɗab laippu, Jerusalem iikku daatte, qaɗab amuppa aakkuib ag Yawe noobppa dup nona binag mekkulag; laa ohppa am iitta,’ awa ana he, ag Kayak amunu qaɗab, nuhig aabaabppanu mettid lag nakok ele amu, ag amu iite hatteg nauhppig?” awa aum.

1 Stori 15:26

Ag ahan gona, Lewi buɗub ag Yawenu Tituanak Nainu Kunup kontrak inak ele maoegeg, Kayak ehanatte, ⌊laa Usa mauhom bia ii mauhom⌋ amunu, ag makau dawai eblaih aɗit ele, sipsip dawai eblaih aɗit ele, ag doɗ amu oh manadna, Yawe medappig.

2 Stori 29:21

Ag gona, ag makau dawai eblaih aɗit ele, sipsip dawai eblaih aɗit ele, sipsip gaiɗ eblaih aɗit ele, amu meeme dawai eblaih aɗit ele diin goppig. Doɗ amu oh am ib etta hipunin haknu ofa daappig. Hesekaia, danab okkai ele ag mana mettak danab ag doɗ amu manadna, Kayak medappeg, Juda okkai dilag hipunin uhuqak daaglagnu, Juda danab ah dilag hipunin uhuqak daaglagnu, Yawenu mettid lag ele nuhig neekkakppa oppiak daakkunu diin goppig. Ag diin gona, king nug mana mettak danab, ag Aron buɗub amu, nug ag qaɗabppa doɗ amu manadna, Yawe mettaglagnu ag amelagppa haknunab aum.

Job 42:8

Ag eheɗ anam madippig amunu, ag makau gaiɗ eblaih aɗit ele, sipsip dawai eblaih aɗit ele, ag amu ele aon, dahil maɗi nid Job gumidna gona, ag doɗ amu manaknu ofa daaglagnu manadna meɗeg! Ag amu heppeg, dahil maɗi nid Job nug ahilagnu da unuqilkku. Nug anam unuqilkku, da nuhig unuqittak doyen, diig amunu da ag dahilnu dab-ii-maama hak kobol dim lamidppig amu, da kobol amunu bu madappi aolob ii madapa. ⌊Da ii madapa, amge ag bu aoglagnu daappig.⌋ Aɗinu? Ag dahil maɗi nid Job, Nug dahilnu nai tutukku mattiom bia ii madippig. Ag eheɗ madippig,” awa aum.

Eksodas 20:24

Yawe Nug anam anana amu, Nug Moses amegppa nug Israel amelagppa ab dooglagnu nai tuɗitta aum. “Ag doɗ main meɗaglagnu amu, ag wan akkan, qaɗab hena, ag qaɗab amuppa main meɗaglag! Ag ahilag manaknu ofa, amu laippu dayaknu ofa ahilag ele, ag amu hekkulagnu ag doɗ sipsip, meeme, amu makau ele ahilag qaɗab amuppaib main meɗaglag. Da aben ohppa da onil mekkul ele amu, da amuppa ahilagppa uɗien, da ag itittak ena madakkul.

Prowerb 15:8

Haen nau hak danab nug mana mettak laa hette amu, Yawe Nug mana mettak amunu ooppa uuaknab dootte; amge haen genab tutukku hak danab ag unuqittak hetteb amu, Nug amunu ooppa ena dootte.

Esekiel 33:31

Danab ah amu, ag dahilad danab ah, ag hanhan na noomppa uɗin daanna, nahip nai dootteb, amge ag nahip nai da na medattem amu, ag nai amu ii dim lamidtteb. Aɗinu? Ag oɗelagppaib da dim lamiɗkkulagnu atteb, amge ag ib eheɗppa baubau awaknu hik aqeeqe oitteb.

Esekiel 45:23

Pasowanu Hobul deɗ eblaih aɗit daatte, amu deɗ eblaih aɗit ele amu anen anenppa danab okkai nug mana mettak danab doɗ inam madakku: makau dawai eblaih aɗit ele, sipsip dawai eblaih aɗit ele, beɗulagppa eheɗ laa ii daatte ele, amu meeme dawai laippu. Mana mettak danab ag makau dawai, sipsip ele aona, manaknu ofa hekkulagnu manadna, da meɗaglag. Amu ag meeme aona, ib etta hipunin haknu ofa daakkunu main, da meɗaglag.

Namba 22:41

Aria, deɗ amu uue, wagɗe buttua Balak nug Balam omale, aab okkai Bamotbal, appa tepiɗ. ⌊Aben amuam nakok attan amunu⌋ appanu amu, Balam nug Israel laala anadkkunu elele.

Namba 23:2

Balam anam a, Balak nug nai amu dim lamitte, aria Balak, Balam ele aa makau dawai, amu sipsip dawai ele babaittak daappig, aa qaɗab anen anenppa makau gaiɗ laippu, sipsip dawai laippu ele mana mettak hepiɗ.

Namba 23:29

Aa appa teya daayya amu, Balam nug Balak amegppa aum. “Qaɗab eblaih aɗit ele dahilnu ippa aqana, makau gaiɗ eblaih aɗit ele, amu sipsip dawai eblaih aɗit ele da qaɗab amuppa manadkkulnu babaitte!” awa aum.

Namba 23:30

Balam nug anam a amu, Balak nug, nug aum bia ha, Balak nug makau gaiɗ, amu sipsip dawai ele qaɗab anen anenppa manattom.

Namba 29:32

Aria, hobul imunu deɗ laa, deɗ eblaih aɗitppa amu, ag mana mettak imu ele hena, Yawe mettaglag: makau gaiɗ eblaih aɗit ele, sipsip dawai aɗit, sipsip gaiɗ 14 maɗ laippu awak ele; ag beɗulagppa eheɗ laa iitta ele.

Matyu 23:13

O gadonnab gadon, ag ɗo gumak danab-Parasia amu ɗo mehuqak danab ele. Ag hambuppuak danab. Ag dabmeig! Ag Kayaknu ɗo maɗoɗnu od danab ah amelagppa maitteb. Ag akka amu ag amuppa ii notteb. Am danab ah ag amuppa nokkulagnu hetteb amu, ag ippulag oo netteb.

Jut 1:11

Danab amunu am gadonnab gadon. Ag Kainnu kobol hena oitteb. Ag men doɗonuib dabmena, Balam kobol eheɗ heum bia hetteb. Ag anukka Kora tappe nak ha nauhom, amubia ag anam hena, padal metteb.

1 Samuel 15:22

Saul nug anam aum, amge Samuel nug eɗua amegppa aum. “Yawe Nug manaknu ofa, amu mana mettak laala elenu oo hette, amge Nug danab ag Nug oɗe dim lamidkkulagnu amu, Nug amunu oo huanaknab hette. Yawe oɗe dim lamittaknu, am mana mettak eɗidtte. Ao, Yawenu nai doon dim lamittaknu, am sipsip dawai ittag mana, Kayak mettaknu eɗidtte.