Namba 21:4 - Nobonob Baibel

⁴ Amu Israel danab ah ag Kanan wanppa gokkulagnu, ag ahan, Edom wan aiɗna wana gokkulagnu dayom amunu, ag ahan qauko onig Hor uun, ib Le Kokoɗppa gotte, ib amuppa goppig. Ag ahan ukkaeg ukkaeg, ibppa danab ah ag bahilag yom.

Namba 21:4 Iomraidhean Croise

2 King 3:8

Aria, Jehosapat nug eɗua, Joram inam oɗ mettom. “Amu ig ib atten dim lamidta gopput, ban hekkunig?” awa oɗ mettom. Joram nug oɗmak amu nob ma inam aum, “Geha ig Edom dilag atu taɗakppa ib gotte, ib amu dim lamidta gokkunig,” awa aum.

Eksodas 6:9

Moses nug nai amu Israel amelagppa aum, amge ag nai nuhig amu, ag amunu nai genab ii dooppig. Aɗinu? Ag uɗat eheɗ nau, ɠagattag heppig, ahilag dabmak ele am qe nak dayom.

Namba 14:25

Amalek danab, amu Kanan danab ele ag Kanan wanppanu oolnu noakppa daatteb. ⌊Israel danab ah ag hipunin qeppig amunu, da geha ag ii ehanadppi, ag danab amu ii eɗadmana⌋ amunu, ag butti eɗun aon, atu taɗakppa ib laa Le Kokoɗppa ukkak amu, ib amuppa ukkeg!” Yawe Nug anam aakku aum.

Namba 20:27

Yawe Nug anam aum amunu, Moses nug Yawe hekkununab aum bia heum. Moses, Aron, amu Elieser ele ag danab ah ag neekkadna daaegeg, Hor qauko teppig.

Namba 32:7

Yawe Nug wan Jodan le mataɗak, laih umu Israel danab ah ig mekkom amunu, ag aɗinu Israel danab ah laala oh, Yawe Nug ag gona, ban hena, wan aoglagnu mattom, ag amu aoglagnu dabmetteb amu, aɗinu ag ahilag dabmak qeppeg neeb, appa ii gomananu hetteb?

Namba 32:9

Ag ahan gona, oolnu noak onig Eskol, appa batak gonana, wan amu italna oiyona, ag eɗun uɗina, ag Israel danab ah laa oh, ag Yawe wan ag aoglagnu mattom ele, ag amuppa nokkulagnu dabmenan daappig, ag ahilag dabmak amu qeeg neum.

Namba 33:41

Ag qauko Hor uun, ahan gona, Salmona appa haen tutu dayaknu aab kalan daappig.

Aposel 14:22

Aa goyaya, aa Kristen ɠagattag aqai, ag ɠagattag daanna oiyegeg, ahilag ooppa genab doyak na qemanu ayaya, inam ele apiɗ. “Ig Kayaknu ɗo maɗoɗ ooppa nokkunignu, ig tatam uug kuɗum aot oignigoitte,” aoya apiɗ.

Duteronomi 1:40

Amge ag gemu daatteb amu, ag eɗun aon, atu taɗakppa gona, Le Kokoɗppa ukkaknu ib aon ukkeg!” awa aum.

Duteronomi 2:1

Aakku ig Yawe Nug ib ippuniɗom bia, eɗut aot, atu taɗakppa, Le Kokoɗnu ukkakppa gomut. Amu ig Seir wanppa laih qauko qauko daattebppa amu, ig haen elab aben amu talilita, aiɗta yawaidta oimut.

Ikki Danab 11:18

Daaeg ukke ukke, ag aakku Edom, Moap ele wan aiɗna wana, atu taɗakppa goppig. Ag Moap tom kaɗag uɗitteppanu daatte amu gona gona, Arnon le laih appa, ag haen tutu dayaknu aab kalappig. Amge ag Aron le mataɗna wana, Moap iinab wappig. Aɗinu? Le Arnon, am Moapnu tom aakku.