Namba 20:3 - Nobonob Baibel

³ Ag Moses ele aeg ona aeg do, ag appig. “Ig Yawe noobppa, ig lainkad laala ele oh mauhlom amu ena!

Namba 20:3 Iomraidhean Croise

Sam 106:33

Aɗinu? Meriba appa amu, danab ah ag Kayak oɗe tappaeg ne, Moses nug oo nauhe, nug nukka doyomnu nai, Yawe Nug akkunu aum iitta, nug nuhig nai amu ag amelagppa aum. ⌊Nug amu heum, amu diig amunu Kayak bu mettom.⌋

Sam 78:19

Ag nai nau Kayaknu anan, inam appig. “Kayak Nug ig atu taɗakppa ee megakkunu elelete?

Eksodas 17:2

danab ah ag Moses ele aeg ona aeg do, ag appig. “Le mekke! Ig le lakkunig,” aon appig. Aria, Moses nug eɗua amelagppa aum. “Aɗinu ag da ele nai aut ona aut dotte? Aɗinu ag Yawe ma anttak medatteb?” awa aum.

Gayak Nai 4:9

Laa ag kekeɗ daan ban heegeg, qep elabppa mauhppig amu, ahilagnu am ena; laa enugnu mauhtteb, amuam ena iitta. Gemu laa daatteb, ag dattanu ee awaknu ib iitta amunu, ag enug eheɗnab aqeeqe, ag ebehilkad teete, ag mauhtteb. Ahilagnu am gadonnab gadon.

Namba 11:1

Amu Israel ag uug laala ag oolagppa beppig amu, ag amunu naittuɗ meppig. Ag naittuɗ meeg, Yawe Nug doya, Nug oo nauhe, Nug he, aab ewewe, peh lag laala, keeke ele haen tutu dayaknu aab kalak daugppa daappig am nauhppig.

Namba 14:3

Yawe Nug aɗinu omaikkeb, wan amuppa gokkunignu hette? Danab ag appa daatteb, ag am ihinig kekeɗ, ig ag ele ban heta amu, ag ig iqaglag. Ag iqappeg mauhpput amu, ag ihinkad ah, nid naunau ele aɗualadppeg, ag eppelagppa daaglag. Ig wan amuppa gokkunig am ena iitta. Ig eɗut Isip gokkunig amu ena,” aon appig.

Namba 16:49

Oɗe danab kuɗum aqe mauhtteb ele amu malom, amge ii malom haenppa amu 14,700 danab ah ag oɗe amuppa mauhppig. Danab ag Kora, nuhig hak nau amuppa mauhppig ele, ag amu ebqak amuppa ii daatteb.