Namba 20:1 - Nobonob Baibel

¹ Amu kalam digmakppa Israel oh ag atu taɗak onig Sin, ag appa wana, ag aab onig Kades guguittak daappig. Ag appa daaegeg, Miriam mauhe, appa amu ag nug boumppig.

Namba 20:1 Iomraidhean Croise

Genesis 14:7

Aben amuppa batana, ag eɗun, Enmispat, onig laa Kades, ag appa uɗina, ag Amalek danab oh eɗadppig. Eɗadna amu, ag Amo danab, Hasason Tamar daappig amu, ag ag ele eɗadppig.

Sam 29:8

Yawe Nug baag oqottinu ɠagattagppa he, atu taɗak uɗaltte. Yo, Yawe Nug he, atu taɗak onig Kades uɗaltte.

Eksodas 15:20

amu dimppa, propet ah Miriam, Aron appinag, nug ahi ettaknu keeke onig tambarin, nug amu awa uɗalele, ah laala oh ahan, Miriam dim lamidna ukkaeg, Miriam ag ele oh tambarin uɗalnan, ahi ettanna goɗappig.

Eksodas 2:4

Nug mewowa ⌊he⌋, nid amu apag, nug piɗe hibaitta dayaya, keeke laa attem beeb anidkkunu dabmetta dayom.

Eksodas 2:7

Paro aɗeg nug anam awa a, amu nid yuɗ apag amu doa, Paro aɗeg inam oɗ mettom. “Da ukke, Hibru ah laa amegppa appi uɗia, nid huh medatta gumakkunu oɗ medakkulte?” awa aum.

Esekiel 47:19

Amu Israelnu yau uɗitteppanu tom am Tamar appa digmekku. Appa digma ugakka, le laa onig Kades Meriba, appa ukka, digma oolnu noak onig Isip dim lamitta ugakka, Mediterenia yuppa batakku. Amuam Israel dilag tom, yau uɗitteppanu aakku.

Maika 6:4

Aɗinu? Da Isipnu omalatti uɗippig. Ao, da Isip wanppanu, ag appa begbeg maɗi nid daappig amu, da appanu begbeg maɗi nid dayaknu qagaiettakppanu eɗua uhuqak hemi. Da amu heinne, da Moses ag noolag awa gokkunu mattami; Aron, Miriam ele.

Namba 12:1

Miriam, Aron ele aa digmeya Mosesnu nai nau madipiɗ. Aɗinu? Moses nug ah laa Kus buɗubppanu, nug wau daakkunu awom.

Namba 12:10

Aria, haen lombig mettid haknu peh lag uuitta attan te amu, Miriam nug gaɗa oɗe nau ele hibaitta dayom. Nug beɗu oh hakkab eppa dayom. Aron nug Miriam nug noobppa daakkunu eɗua amu, nug Miriam gaɗa oɗe nau ele dayeye anttom.

Namba 12:15

Yawe Nug anam haknu aum amunu, deɗ eblaih aɗit amu Miriam meeg ukka, haen tutu dayaknu aab kalak dimittim dayeye, danab ah ag ahan ii oippig ukke, Miriam eɗun aon uɗieg, ag ahan oippig.

Namba 13:21

Moses nug anam ha aum amunu, ag aakku gona, wan laih Sin atu taɗakppanu, laih Rehop aab okkaippanu ukkak, appa anidnan goppig. Rehop nug am aab okkai Lebo Hamat guguittak dayom.

Namba 13:26

Lokkumakppa atu italak danab ag Moses, Aron, amu Israel laa oh ele, ag Kades daaegeg, ag eɗun gona anadppig. Kades amu Paran atu taɗak, appa dayom. Ag eɗun gona, amu ag aɗi keeke anidppig Moses, Aron, amu Israel laa oh ele amelagppa madippig. Ag ad meu keeke, wan amuppanu aoppig ele ippunadppig.

Namba 20:16

Heikkegeg, ig amunu Yawe ehanigkkunu unuqittut, Nug doya, engel laa ig ehanikka, wan amuppanu awikka omaigkkunu me ne, nug awikka, omaikka uɗiom. Gemu amu, ig nahip wan tomppa, Kades aab okkai guguittak, haen tutu dayaknu aab kalakppa daattem.

Namba 20:22

Edom dilag king nug ag nuhig wanppa ii wana gomananu heum dimppa amu, Israel danab ah oh ag Kades uun, ahan Hor qaukoppa goppig.

Namba 20:28

Ag Hor qauko igippa tena amu, Moses nug Aronnu mana mettak uɗat lamen uɗitta awa, nug bekka Eleasar aɗuitte teum. Aron nug qauko igippa appa mauhom. Nug mauhe amu, Moses, Eleasar ele aa qaukoppanu nepiɗ.

Namba 26:59

Amram wau am Jokebet, Lewi buɗubppan ah, Lewi danab laa Isip appa nug menuom. Amram am nug gamu, amu nug Aron, Moses am aa apalah Miriam ele menuattom.

Namba 27:14

Na Aron ele oh, aa Sin atu taɗakppa appa dahil nai tappaeh neum. Haen danab ah ag le moɗ Meriba appa naittuɗ menan heegeg amu, aa da am Yawe oppiaawak daattem, aa da haknunab ami bia Israel ippunadkkulahnu ii hepiɗ. Amuam Sin atu taɗakppa, le moɗ Meriba, Kades guguittak, appa anam beum,” awa aum.

Namba 33:36

Ag Esiongeber uun, ahan gona, Kades, Sin Atu Taɗakppa, appa haen tutu dayaknu aab kalan daappig.

Duteronomi 1:46

Amu ig Israel, ig Kades appa haen nakok elab daamut.

Duteronomi 2:14

Anukka ig Kades Barneanu ahat ukkaut, maɗ 38 uue, ig anam Seretnu oolnu noak oppat-ta gomut. Am Yawe Nug anam daakkunu nuhig nai ɠagattag qetta aum bia, danab ag Kades Barnea tatam appa daanna, ban haknu ɠagattag elele amu, ag maɗ 38 amu ooppa ohnab mauhadppig.

Duteronomi 32:51

Na Aron ele aa oh da ippunatminu oo metta ii uuak kobol ii dim lamidya, aa hipunin heeh, Israel danab ah aa anatppig. Aa kobol amu Meribanu leppa, Kades appa, Sin atu taɗakppa, aa appa hepiɗ. Aa da oppiaawak daattem amu, aa Israel danab ah ii ippunadpiɗ, ag da dim lamidkkulagnunab daatteb am ii hepiɗ,

Ikki Danab 11:16

Aɗinu? Haen Israel danab ag Isipnu ahan gona, ag atu taɗakppa gona, Le Kokoɗppa tena mataɗna, ag Kades wana,