Namba 2:3 - Nobonob Baibel

^3-4 Mettid haknu peh lagnu, laih kaɗag uɗitteppanu, amuam aam bedeppanu amu, Juda huuppanu danab ag huu naunau anen anen ag ahilag pilak guguittak aben aon, haen tutu dayaknu aab kalan daaglag. Juda dilag ikki danab am, Aminadap bekka Nason. Nuhig huunu ebqak am 74,600.

Namba 2:3 Iomraidhean Croise

Genesis 35:22

Israel nug wan atu amuppa dayeye amu, Ruben nug mameg wau amge waunab iitta Bilha ele niieh, Israel nug doyom.

Genesis 35:23

Jakop nug bekkod 12 ele. Lea bekkod am Ruben, nug Jakopnu nid danab naanaeg, Simeon, Lewi, Juda, Isakar, Seblon ele.

1 Stori 2:10

Ram bekka am Aminadap. Aminadap bekka am Nason, nug Juda dilag gumak danab dayom.

1 Stori 5:2

Judanu amu, Juda buɗub ag ɠagattagnab bena oippig, Juda awakkud, amakkud laa oh eɗattak; king nug buɗubppa ele beum, amge Josep buɗub ag nid naanaegnu binag aon oippig; Juda iitta.

Eksodas 6:23

Aron, nug wau am Eliseba. Nug am Aminadap aɗeg, Nason appinag. Eliseba nug Nadap, Abihu, Eleasar, Itamar ele menuattom; ag am Aron, Eliseba ele bekkalti aakku.

Namba 1:5

Danab ag aa ehanatkkulag ele am, ag onilag iikku. Ruben huuppanu am Elisur, nug am Sedeur bekka.

Namba 1:7

Juda huuppanu am Nason, nug am Aminadap bekka.

Namba 10:5

Haen Israel ag trampet huana iwalak ebqak 1 doona amu, Israel dilag huu okkai laa, ag laih aam bedeppa haen tutu dayaknu aab kalappig ele, ag digmen ahan gokkulag.

Namba 3:38

Moses, Aron, am Aron bekkod ele ag mettid haknu peh lag laih kaɗag uɗitteppanu, amuam aam bedeppanu, ag appa haen tutu dayaknu aab kalan daaglagnu daappig. Aben amuam mettid haknu peh lag danab ah appa qagmetteb ele, peh amu amegppa daatte. Danab amu ag mettid haknu peh lagppa, Israel dilag mana mattak uɗat oh hekkulagnu daappig. Amuam ahilag uɗat aakku. Aun aɗi laa oh ag mettid haknu peh lag amu guguittaknab, appa ukkaknu aib anak daatte amu, ag appa nokkulag amu, laa ag heppeg mauhkkulag.

Namba 7:12

Deɗ digmak ikki danab aun nug mana mettak, amu nuhig keeke ele Yawe mettom, amuam Aminadap bekka Nason. Nug am Israel dilag huu okkai Judanu ikki danab.

Matyu 1:4

Ram bekka am Aminadap. Aminadap bekka am Nason. Nason bekka am Salmon.