Namba 2:2 - Nobonob Baibel

² “Israel dilag huu okkai anen anen ag dahil mettid haknu peh lag danab ah appa qagmetteb ele, ag amu taliliattak haen tutu dayaknu aab kalaglag, amge nakok piɗe, guguittak iitta. Danab anen anen oh ag dayak aben ahilkad, ag mamelkad baelkadppan pilak guguittak kalan daaglag,” awa aum. ⌊Yawe Nug Moses, Aron ele amelahppa anam a dooya, aa Israel amelagppa inam apiɗ.⌋

Namba 2:2 Iomraidhean Croise

Sam 74:4

Nahipad kekeɗ ag na lautppa ig eɗigppignu enan daappig. Ag ig eɗigppig laa ippunadkkunu ahilag pilak appa qabappig.

Sam 76:11

Ag Yawe, ahilag Kayak, ag Nug amegppa keeke genabnab hekkulagnu nai anan qakkeg! Amu ag aɗi keeke hekkulagnu akkulag amu, ag heig! Ao, danab ah wan laala miag miag daatteb oh ag nuhig keeke ena ena akkan uɗin metteg! Nuhignuib danab ag ebehilag oh bodoetta le mekkunu elele; laa iitta.

Aisaia 12:6

O danab ah Sion daatteb, Israel dilag Kayak Oppiaawak Ele, Nug nuhig ɠagattag okkaippa ag ehanatta, atognoadtte amu, Nug ag oolagppa daatte amunu, ag baalag okkaippa enan, ag gamag ahakppa ele ahi etteg!

Aisaia 18:3

⌊Amu uug ahilagppa bekkunu nai am inam.⌋ Ag wan ohppan danab, ao, ag danab ah wan atu ohppa daatteb, ag ⌊wan laappa ban ahakkunu daatte miag anidkkulagnu,⌋ haen danab ag pilak qaukoppa qabappeppeg, ag anidkkulag! Ao, ag ⌊wan laappa ban ahakkunu daatte miag anidkkulagnu,⌋ haen danab ag trampet iwalppeppeg, ag daulagppa dooglag!

Esekiel 43:7

Nug aum. “Danab bekka, aben imuam dahil sia kingnu aben, da daakkulnu aben iikku. Aben imuppa da Israel oolagppa hanhan daakkul. Israel ag, ahilag king ele ag baula kayak hambuppuak noolagppa dup nona binalag ii memana; ag ele ahilag king dottog aon qappan, amuppa ag da onil oppiaawak ele heeg, danab ah laa dilag neekkakppa nau dayom amu, ag amu baula ii hemana.

Sekaraia 9:16

Deɗ amu uɗieb amu, Yawe, ahilag Kayak, Nug nuhikkud danab ah ehanatteb, ag ii mauhmana. Sipsip gumak danab nug doɗ nau laa nuhikkud sipsip heeb nauhmananu sipsip nuhikkud atognoadtte bia, Yawe Nug nuhikkud danab ah atognoadkku amunu, haen amuppa Israel danab ah ag Yawenu wanppa men daden nob okkainab ele king haɗppa amemɗiag aotte, amubia ag nuhig wanppa anam daaglag.

Namba 1:50

Iitta. Na Lewi buɗub, ag mettid haknu peh lag men maha aɗit ɗo nai yaak niitte ele appa daattep, ag amu dabmettanna atognokkulagnu otiatte! Ag geha mettid haknu peh lag amu ooppanu keeke oh, amu nuhig keeke laa oh elenu gumak danab anuqak daaglag. Ag geha dahil mettid haknu peh lag, nuhig keeke oh ele, ag amu maonna, laih gokkulag; ag amu dabmettan atognonana, ag haen tutu dayaknu aab kalan, mettid haknu peh lag amu talilidna daaglag.

Namba 10:14

Juda huu, amu huu laa Juda guguittak haen tutu dayaknu aab kalan daappig ele amu, ag anuqna ahan goppig. Ag ahilag pilak maonna goppig. Aminadap bekka Nason, nug am Juda huunu ikki danab dayom.

Namba 10:18

Ruben huu, amu huu laa Ruben guguittak haen tutu dayaknu aab kalan daappig ele amu, ag ag dim lamadppig. Ag ahilag pilak maonna goppig. Sedeur bekka Elisur, nug am Ruben huunu ikki dayom.

Namba 10:22

Aria, ag dim lamattak am Epraim huu, amu huu laa Epraim huu guguittak haen tutu dayaknu aab kalan daappig ele, ag ahan goppig. Ag ahilag pilak maonna goppig. Amihut bekka Elisama, nug am Epraim huunu ikki dayom.

Namba 10:25

Dan huu, amu huu laa Dan guguittak haen tutu dayaknu aab kalan daappig ele, ag ahan, ag dim lamadppig. Ag kekeɗ ag Israel dim lamadnana, hadappeg nauhmananu dabmattak dim goppig. Ag ahilag pilak maonna goppig. Amisadai bekka Ahieser, nug am Dan huunu ikki dayom.

Namba 2:1

Amu Yawe Nug Moses, Aron ele amelahppa aum.

Namba 2:10

Aria, mettid haknu peh lagnu, laih yau uɗitteppanu, Ruben huuppanu danab ag huu naunau anen anen ag ahilag pilak guguittak aben aon, haen tutu dayaknu aab kalan daaglag. Ruben huu dilag ikki danab am, Sedeur bekka Elisur. Nuhig huunu ebqak am 46,500.

Namba 2:3

Mettid haknu peh lagnu, laih kaɗag uɗitteppanu, amuam aam bedeppanu amu, Juda huuppanu danab ag huu naunau anen anen ag ahilag pilak guguittak aben aon, haen tutu dayaknu aab kalan daaglag. Juda dilag ikki danab am, Aminadap bekka Nason. Nuhig huunu ebqak am 74,600.

Namba 24:2

Haen Nug neekke ukke, Israel ag ahilag huu okkai anen anenppa haen tutu dayaknu aab kaladna daaegeg anattette amu, Kayak Ouɗi nuhigppa uɗiom.

1 Korint 14:33

Aɗinu? Kayak Nug mauhnoak dayak ii he bette. Iitta. Nug he, oo laippu, maɗoɗ ele dayak bette. Kristen tamaniak qagmak ohppa

1 Korint 14:40

amge ag Kristen tamaniak ooppa, qagmak ahilag, amuam elelenabib daakkunu, ag tutukku heig!

Pilipai 1:27

Anam, amge aɗi kobol bekku amu, ahilagnu keeke anuqak daatte am, ag oiyak ahilagppa, ag Kristusnu Nai Ena ag amu attem oiglagnu ippunadtte amu, ag anam dim lamidnana tutukku eleleppa oiyeg! Ag anam heppeg amu, da ag anadkkulnu gokkultai, iitta da naippulagib dookkultai am keeke okkai iitta, amge da ag oolag laippu ele daanna, ag dabmak laippu tamanin, ag nug ehanidnana, Jesusnu ooppa genab doyak ahilag aɗan daatteb dookkul.

Kolosi 2:19

Danab amu nug Kristus ele ouqak ii daattep. Jesus Nug ig Kristen, ig ikkinig daatte. Ikki nug beɗu oh ɠagattag medatta he, beɗu nug diɗippa tuɗittak ouqak laippu dayaya, ena daatte. Beɗu nug am Kayaknu ɠagattagppa ba okkai mette.

Josua 3:4

Ag anukka ib imuppa ii uɗippig amunu, danab amu ag ukkaknu ib ippunadkkulag. Amge ag aib Tituanak Nainu Kunup gukkuittak wappig. Lewi buɗub ag Tituanak Nainu Kunup maon, anuqna gona, 900 mita keeke gobeppeg, ag ahan, dim lamadna ukkeg! Ag gukkuittak aib goppig!” aon appig.