Namba 19:5 - Nobonob Baibel

⁵ Elieser nug neekkebeb amu, laa nug makau balat am maneb eokku. Nug gaɗa, teppu, oo, biig ele, tiig, keeke ele oh manatteb eokku.

Namba 19:5 Iomraidhean Croise

Sam 22:14

Am danab laa nug le gokkaɗe ukkom bia, da mauhkkulnu male daattem. Da ebehilad oh am autak daatteb. Da oolppa ɠagattag iittanab. Ao, uppuh teɗ gakkaɗakppa le mette bia, da ool ɠagattag iitta daatte.

Eksodas 29:14

Amge makau teppu, gaɗa, biig, biig ooppan biilag amu, na amu oh haen tutu dayaknu aab kalak dimittim aab aɗuppa manappe ewaɗ! Makau amuam ib etta hipunin haknu ofa.

Aisaia 53:10

⌊Ag Yawenu maɗi nidnu anam ii helob⌋, amge ⌊ihinig hipunin uhuqkkunu ib laa iitta amunu,⌋ Yawe Nug nuhig maɗi nid nug amu maokkunu aum. Yo, ⌊ihinig hipunin uhuqkkunu ib laa iitta amunu,⌋ Yawe Nug ag nuhig maɗi nid guittak anam mettaglagnu ib babaittom. Yawe Nug he, nuhig maɗi nid nug eheɗ haknu ofa dayom amunu, Yawe Nug heeb, nuhig maɗi nid nug buɗub ele dayaya, buɗub anadkku. Nug dayaya heeb, Yawenu dabmak am ena ma, okkai mekku.

Lewitikas 4:21

Am mana mettak danab nug makau gaiɗ amunu huppu laala daatteb, amu oh haen tutu dayaknu aab kalak dimittim awa ukka, appa maneb eokkuoitte. Amu laa nug ib etta hipunin haknu ofa hekkunu, mana mettak ikki danab hipunin hewowa heumbianab hekkuoitte. Amuam ib etta hipunin haknu ofa, Israel dilag tamaniak oh dilag aakku.