Namba 18:9 - Nobonob Baibel

⁹ Ag mana mettak maha dahilnu tituanaknab daatte laih aab aɗuppa ii managlag, danab ah ag da meɗaglag ele amu, laih amuam ahilag daakku. Israel danab ah ag mana mettak attem attem aon, dahilnu tituanaknab dayebeb meɗaglag, amuam ee aegnu ofa, o iitta ib etta hipunin haknu ofa, o iitta eheɗ haknu ofa amu, ag mana mettak amu laa aon wakkulag dayeb, ag aɗi keeke laa maha laa ii manak ele amu, amuam na, na begapad ele, ahilag.

Namba 18:9 Iomraidhean Croise

2 King 12:17

Juda dilag king Joas nug Yawenu mettid lag bappaidkkulagnu danab otiattom, amu dimppa Aram dilag king Hasael nug ban danab nuhikkud diie uɗin, Gat aab okkaippa ban hena, ag Gat eɗadna, aab ahilag amu aoppig. Aria, ag aab amu awona, ag Jerusalem aqaglagnu eɗun goppig.

Nehemaia 10:36

Ɗoppa yaak niitte bia amu, ig ihinkad nid danab tatam dotteb, ihinkad makau, sipsip, meeme, doɗ laa ele dawai tatam dotteb amu ele, ig amu aot, ihinig Kayak laug, amuppa mana mettak danab ag laa Kayaknu ehanittak madatteb amu, ig appa aot uɗit, ag eppelagppa mekkunig.

Esekiel 42:13

Lag aɗit amu aakku anam daattep, amu danab nug melemel meum ele nug da amelppa aum. “Lag aɗit amu oh aa Kayaknu tituanak daattep. Lag aɗit amuppa mana mettak danab ag Yawe toppa gotteb ele, ag amuppa ofa Kayaknu tituanaknab daatteb lakkulag. Lag amunu oo oh am Kayaknu tituanak daatteb amunu, mana mettak danab ag mana mettaknu ee aeg, le, doɗ teppu ⌊ag lakkulagnu⌋ Kayaknu tituanaknab daatte amu, ag amu aguppa mekkulag. Mana mettak amuam ee aegnu ofa, ib etta hipunin haknu ofa, amu eheɗ haknu ofa ele.

Esekiel 44:29

Mana mettak danab ag Israel danab ah dilag ee aegnu ofanu aeg, amu ib etta hipunin haknu ofanu teppu laa, amu eheɗ haknu ofanu teppu laa ele aon lakkulag. Ag amu lakkulag, amu aɗi keeke Israel ooppa Yawenuib nuhig pelemppa daatte ele amu, amuam ele mana mettak danab dilag aakku.

Lewitikas 10:17

“Ib etta, hipunin haknu ofanu amu, mana mettak amuam Kayaknu tituanaknab daatte amunu, aɗinu ag mana mettak amunu doɗ teppu aben Kayaknu tituanak daatte ele imuppa ii daanna lappig? Yawe Nug ag mana mettak amu hekkulagnu aum. Mana mettak amuppa Nug he, danab ah ag beɗulagppa aab iitta daatteb. Yawe noobppa mana mettak amuppa ag danab ah dilagnu hipuninnu nob nau doɗ tiigppa iitta meeb elele medakkunu hetteb.

Lewitikas 14:13

Nug geha mettid haknu peh lagnu od haɗap-ppa, aben amuam Kayaknu tituanak daatte amu, aben amuppa ag ib etta hipunin haknu ofa, amu manaknu ofa hena, doɗ baalag otaɗatteb, aben amuppa sipsip gaiɗ baag otaɗeb mauhkku. Nug amu hekkunu diig am, ib etta hipunin haknu ofa, amuam mana mettak danab, nuhig daatte, amubia eheɗ haknu ofa ele, am mana mettak danabnu daakku. Mana mettak amuam Kayaknu tituanaknab daatte.

Lewitikas 2:10

Ee aegnu ofa, amunu maha laa oh amu, ag Aron, bekkod ele, ahilag ee daakkunu mattaglag. Mana mettak imunu maha amu, am mana mettak oh ag Yawe mettaknu aab aɗunu ofa hetteb, ofa amu oolagppan maha laala am Yawenu tituanaknab daatteb, amu maha Aron bekkod ele aoglag amu, am amunu laa aakku.

Lewitikas 22:11

Amge mana mettak danab nug laa nuhig begbeg maɗi nid daakkunu men doɗoppa daden mekku dayeb, begbeg maɗi nid amu nug ee amu lakkunu elele. Begbeg maɗi nid amu ag nid menuglag dayeb, nid amu ele ag ele ee amu lakkulagnu elele.

Lewitikas 22:7

Haen aam noobob amu, nug eɗua Kayak ele ouqa dayaknu elele daakku. Nug anam daya, nug ofa Kayaknu tituanak daatte ele amu, nug amu lakku. Aɗinu? Amuam ahilag ee aakku.

Lewitikas 4:22

Am haen Israel dilag ikki danab laa nug ii doyaya ib apiɗitta, Yawe, nuhig Kayak, Nug keeke ii haknunab aum amu haaha, hipunin hekku dayeb, nug aakku beɗuppa aab ele.

Lewitikas 4:27

Aun laa Israel ooppa nug ii doyaya Yawenu ib apiɗitta, Yawe Nug keeke ii haknunab aum amu haaha, hipunin hekku dayeb, nug aakku beɗuppa aab ele.

Lewitikas 5:1

Aun nug laa kobol he antta doyom, diig amunu ⌊epeɗiak danab⌋ ag nug hettoɗiakppa aɗi anttomnu madikkunu onigppa eppeg, nug madikkunu uukku dayeb, nug aakku eheɗ ha, nug amunu bu aokku.

Lewitikas 5:6

Nug nuhig hipunin miag uhuqowa, nug hipunin amu heum, amunu nug sipsip balatte, o meeme balatte laa awa, Yawe toppa wakkuoitte. Amuam nuhig ib etta hipunin haknu ofa aakku. Mana mettak amuppa amu, mana mettak danab nug heeb, eheɗ haknu nob nau doɗ tiigppa iitta meeb elele medakku.

Lewitikas 6:17

Ag plaua amu mainna, ag yis ele ii kabolimnanu, ag dabmenan hekkulagoitte. ⌊Yawe atte,⌋ ‘Da Yawe, da danab ah ag ee aegnu ofa, da meɗaglagnu dahilppa aon uɗippeg, da mana mettak danab ag ahilag ee daakkunu maha amu ag mattami,’ awa atte. Mana mettak amuam aab aɗunu ofa. Amuam ib etta hipunin haknu ofa, amu eheɗ haknu ofa ele, aa Kayaknu tituanaknab daattep, amubia ee aegnu ofa maha Aron, bekkod dilag amu, amu ele amubia aakku.

Lewitikas 6:19

Yawe Nug imu ele Moses amegppa a, ⌊nug Israel danab ah amelagppa mattiom⌋.

Lewitikas 6:30

Amge mana mettak danab nug doɗ laa ib etta hipunin haknu ofa daattenu tiig awa, mettid haknu peh lag danab ah appa qagmetteb ele, nug tiig amu awa, lag amu ooppa Oo Gun Eleppa ukka, mana mettak amu tiigppa nug eheɗ haknu nob nau doɗ tiigppa iitta meeb elele medakkunu hette amu, laa nug doɗ amu teppu nakok laa iinab lama. Teppu amu manappeg, ewa iitta mekkuoitte.

Lewitikas 7:1

Nai imuam eheɗ haknu ofa haknu ɗo iikku. Mana mettak amuam Yawenu tituanaknab daatte.

Lewitikas 7:6

Mana mettak danab baegppan amu, amuppan danab oh ag mana mettak amu lakkulagnu elele. Amge ag aben, Yawenu tituanak daatte ele, amuppa daanna lakkulagoitte. Ee amuam Yawenu tituanaknab daatte.

Lewitikas 7:7

Ib etta, hipunin haknu ofa, aria eheɗ haknu ofa ele amu, mana mettak aɗit amunu doɗ teppu am mana mettak danab aun nug doɗ amuppa, eheɗ haknu nob nau doɗ amu tiigppa iitta meeb elele medakkunu hette amu, teppu amuam nuhig.

Namba 18:10

Ag mana mettak amunu, am Yawenu tituanaknab daatte doon lakkulag. Ag mana mettak danab oolagppan, danab oh ag amu lakkulag. Ag ee amunu, am Yawenu tituanak daatte dooglagoitte.

Duteronomi 18:1

Mana mettak danab, ag ele Lewi buɗub, amu Lewi buɗub laa oh ele, ag Israel dilag huu okkai laala, ag wan ahilagnab, ag aulag daakkunu aotteb bia ii aotteb; ag aulag wan laa iitta, ag amu dabmetteg! Ag amu anam iitta amunu, ag mana mettak maha laa, ag Yawe mettaknu aab aɗunu ofa hadatteb ele amu, ag amuppanu aoglag. Keeke amuam ag aulag bia daakku.