Namba 18:7 - Nobonob Baibel

⁷ Ag uɗat amu hekkulagnu tituanadmi, amge na, amu na begapad ele, ag aakkuib mana mettak uɗat qaɗabppanu, amu Oo Gun Eleppanu uɗat hekkulagnu daatteb. Da mana mettak uɗat haknu amu, da uɗat amu ahilag daakkunu hamu madattem. Aun laa nug onig amu iitta ele, nug dahil mettid haknu peh lag guguitta wakku amu, ag qeppeg mauhkkuoitte,” awa aum.

Namba 18:7 Iomraidhean Croise

Sam 115:10

O Aron buɗub, ag Yawenu oolagppa genab doyeg! Nug am ahilag ehanittak, ahilag guppiɗ ele daatte.

Eksodas 28:1

Aria, Yawe Nug nai amu tuɗitta inam aum. “⌊Dimppa na eɗun gona,⌋ na Israel oolagppanu na awan Aron, nug bekkod nid danab, ag am Nadap, Abihu, Eleasar am Itamar ele amu, ag dahil mana mettak danab daaglagnu otiadkkutnu, na ag onilagppa eppe, na gumidna uɗieg!

Eksodas 29:9

ikkilagppan lamen ele ikkilagppa itan, imualagppan lamen ele qakkalatte! Aron, nug bekkod ele ag mana mettak danab daanna, aria danab amu ag, amu ag bekkalkad, alalkad, buɗulkad uma ukkak, nid danab geha mana mettak uɗat amu agib hanhan hekkulag; ɗo anam daatte. Na Aron, nug bekkod ele ib amuppa baɗ madakkut.

Esekiel 44:15

Lewi buɗub amu, ag amu hekkulag, amge Lewi buɗub laa, ag Sadok buɗub amu, ag am mana mettak danab daaglag. Haen Israel laa ag da uuiɗna, uma ukkaeg amu, Sadok buɗub ag ahilag uɗat da noolppa mettid lag dahilppa hekkulagnu dayom amu aakku heppig. Ag amu heppig amunu, ag da gumiɗna uɗin, da noolppa dahil ɗo maɗoɗnu uɗat hekkulag; ag doɗ ittag manan meɗan, ag tiig ele gokkaɗkkulagnu aakku daatteb.” Naɗi Yawe Nug anam atte.

Esekiel 44:16

Amu Naɗi Yawe Nug inam atte. “Ag akka dahil mettid lag ooppa nokkulag. Ag akka dahil qaɗab gumidna wana, da noolppa daanna, dahil ɗo maɗoɗnu uɗat hekkulag. Ag da aɗi aɗi hekkulagnu ami amu, ag amu hekkulag.

Esekiel 44:8

Da ag keeke dahilnu tituanak daattebnu aɗi aɗi hekkulagnu ɗo memi amu, nai amu ag uun ii henana, ag heeg, danab mettid lag dahilppa daanna, appa uɗat hekkulagnu elele iitta ele amu daanna, uɗat amu gumappig,’ ” awa atte.

Lewitikas 16:2

Yawe Nug Moses amegppa inam aum. “Na awan Aron amegppa, nau aomanu dabmettak nai imu appe, nug Oo Gunnab Ele, Oo amuam Oo Gun Ele, Oo Gunnab Ele makkulaknu lamen dimugppa daatte amu, nug oo amu ooppa, nug nukka dabmette haenppa oo amuppa aib noum. Aben amuam Tituanak Nainu Kunup ameg, ameg amuam eheɗ haknu nob nau tiigppa iitta me elele medatte ippunadtte amu, am aben amu. Lombig laa, Tituanak Nainu Kunup ameg, amuam eheɗ haknu nob nau tiigppa iitta me elele medatte ippunadtte amu, lombig amu ameg amu attan daatte, am da, da lombig amuppa daattem amunu, Aron nug dabmak nuhigppa mauhnoak, nug appa gokkunu da ii ami dayebeb, nug appa gokku amu, nug mauhkku,” awa aum.

Lewitikas 7:35

Doɗ danab ag amuppa Yawenu aab aɗunu ofa hetteb ele amu, amuppanu laih Aron, bekkod ele dilag epeɗiak daatte am aakku. Haen Moses ag Yawenu mana mettak danab daaglagnu diiatta, Yawe gumitta wana, Nug mettom, haen amuppa epeɗiak amunu aakku beum.

Namba 1:51

Ag dahil mettid haknu peh lag amu hiɗan, aon laih laih gokkulag haenppa amu, Lewi buɗub agib hiɗaglag. Haen ag dahil mettid haknu peh lag qappaglag amu, Lewi buɗub agib qappaglag. Aun laa ag amu gukkuittak wappeg amu, ag aqappeg mauhkkulag.

Namba 16:40

Yawe Nug Moses amegppa a, Moses nug amelagppa nug anamnab hekkunu aum bianab heum. Anam haknu diig am, at amuam Israel danab ag amelagppa hanhan daakku. Anam dayeb amu, ag anidna, auntai laal iitta, Aron buɗubppan ag aakkuib Yawe noobppa kalu danab ile, muttuɗig enanag bette ele amu amotkkulag. Kora laikkud ele ag anam hena mauhppig, am laa ag ele anam helob amu, ag ele mauhlob.

Namba 18:20

Yawe Nug Aron amegppa anam awowa, Nug tuɗitta aum. “Israel laa ag wan da ag madattem, ag appa ag aulag daakkunu wan laa aoglag, amge ag Lewi buɗub amu, ag wan amuppa wan laa, ag aulag daakkunu ii aomna. Israel laa, ag wan ag aulag daakkunu aoglag, amge ag Lewi buɗub, ag wan laa amubia ag oolagppa ii aomna. Iitta. Da, Yawe, da ahilagnu anambia daakkul.

Namba 18:3

Danab amu ag nahip nai waappa daanna, ag appa peh laugppa aɗi uɗat laa ag hekkulagnu ami amu, ag uɗat amu oh hekkulagoitte, amge ag dahil mettid haknu peh lag ooppan keeke daatteb, o qaɗab ele gukkuidna ii wamana. Ag anam hekkulag amu, geha danab amu, ag ele, ag oh mauhkkulag.

Namba 3:10

Aron, nug bekkod ele amu, ag mana mettak danab daaglagnu otiatte! Ag aakkuib amu hekkulagnu daatteb. Danab laa nug amu heeb amu, ag qeppeg mauhkkuoitte,” awa aum.

Namba 3:38

Moses, Aron, am Aron bekkod ele ag mettid haknu peh lag laih kaɗag uɗitteppanu, amuam aam bedeppanu, ag appa haen tutu dayaknu aab kalan daaglagnu daappig. Aben amuam mettid haknu peh lag danab ah appa qagmetteb ele, peh amu amegppa daatte. Danab amu ag mettid haknu peh lagppa, Israel dilag mana mattak uɗat oh hekkulagnu daappig. Amuam ahilag uɗat aakku. Aun aɗi laa oh ag mettid haknu peh lag amu guguittaknab, appa ukkaknu aib anak daatte amu, ag appa nokkulag amu, laa ag heppeg mauhkkulag.

Matyu 10:8

Ag gona, oɗe danab bappaladnana, danab mauhppig maɗattanna, danab gaɗalag oɗe nau ele bappaladppeg, ena daappeg, amu ag ouɗi nau ele lamatteg! Keeke ag aoppig amu, ag daden mena ii aoppig, ag hamu aoppig amunu, ag hamu, daden iitta, ag matteg!

Jon 3:27

Anam aeg amu Jon oɗelagppa awa aum. “Kayak Nug hab aabppanu keeke laa danab eppegppa ii meeb amu, danab nug nukka nuhig dabmakppa keeke amu aokkunu elele iitta.

Epesus 3:8

Da am Kayaknu danab ah oppiaawak ele laa oh noolagppa keeke hamunab daattem, amge Kayak Nug ehanittak okkai hamu meɗa, Nug da iitta aɗi noolagppa Kristusnu keeke ena ohnu, danab nug amu antta dookkunu elele iitta, nai amu mehuqkkulnu meiɗom.

Duteronomi 18:2

Ag Israel laa oh oolagppa wan laa, ag aulag daakkunu, laa ii aɗamna. Yawe Nug ag amelagppa hekkununab nai anan qakkom bia, nuhig atognoattak, amuam ag aulag daatte.

Hibru 5:4

Aria, mana mettak ikki danab, amu dayaknu am binag ele, amu danab laa nug nukka nug nuhig dabmakppa nug binag amu awa, anam daakkunu ii hema. Iitta! Kayak Nug tatam, anukka Aron uɗat amu hekkunu onigppa eum amubia, Nug danab uɗat amu maokkunu, danab amu onigppa ekkuoitte.

Josua 18:7

Wan maha eblaih aɗit ele aakkuib daaglag. Aɗinu? Lewi buɗub ag geha ag oolagppa wan laa ii aomna. Aɗinu? Ag am Yawenu uɗat henana, amuppanu teppu keeke aon, amu ahilag uɗatppa keeke laala ele aoglag; amu keeke amuam ag aulag daakku. Israel dilag huu okkai laa Gad, Ruben, amu Israel dilag huu okkai Manase mahaib laa, ag matu wan, ag aulag daakkunu aoppig. Moses, Yawenu maɗi nid, nug Jodan le laih kaɗag uɗitteppanu, appa nug wan amu ag mattom,” awa aum.

1 Pita 5:2

Ag Kayaknu danab sipsip bia ag eppelagppa daatteb atognoadna autna aweg! Ag ɗo duttunakppa bia daanna, ahilag uɗat aib heppig. Iitta. Ag Kayak oo niitte amubia ena doonna hekkulag. Ag men doɗo aoglagnu aib dabmenana heppig, ag oolag ahebeb hekkulag.

1 Pita 5:3

Ag ikki danab, ag Kayaknu danab sipsip bia, Kayak Nug ag eppelagppa maattom daatteb ele amu, ag amu dilagnu hamu bia anadna, kobol ɠagattagppa gumadkkulagnu aib heppig. Iitta! Ag antte oo maittak danab daanna, amuppa ag ib tutukku ippuanatteg!

1 Samuel 2:28

Haen amuppa da na alan anukkanu onig Aron, Israel dilag huu okkai ohppanu, da nug mana mettak danab daakkunu, nug dahil qaɗabppa dahil uɗat hekkunu, nug kalu danab ile muttuɗig enanag bette manakkunu, nug lamen enanag-epod tagakka, da noolppa oikkunu tituanmi. Amu aakkuib iitta. Da Aron buɗub oh ag mana mettak danab daaglagnu ain, da ag doɗ oh, Israel danab ah ag aab aɗunu ofa henana, manan da meɗaglagnu aon uɗitteb ele amu, da doɗ amu ohppanu teppu maha, ag Aron buɗub daatteb ele, da ag lakkulagnu maha amu mattami.