Namba 17:2 - Nobonob Baibel

² “Na Israel danab ah amelagppa inam appe doyeg!” awa aum. ⌊Nug anam a amu, Moses nug Israel amelagppa inam aum.⌋ “Israel dilag huu okkai anen anen, huu ag tatam beppig daatteb amu, ag ahilkad ikki danab appeg, ag dudqak hokkat ahilkad na mettaglag. Dud qak hokkat amu ebqak am 12 daakku, amu ikki danab anen anen dilag hokkatppa ag onilkad yaak dayaɗ!

Namba 17:2 Iomraidhean Croise

Genesis 49:10

Juda nug hanhan kingnu qakun aɗa daakku. Ao, Juda buɗub laa ag hanhan king daan oiglag. Ag anam daappeg ukkebeb, dimppa laa nug kingnu qakun mamegnab nug uɗia aweb batakku. Nug uɗieb amu, wan laalappan oh ag nuhig nai dim lamidkkulag.

2 Stori 31:17

Mana mettak danab ag onilag am baekkudppan onilkad anen anen waappa Lewi buɗub onilkad yaaknu bukppa niippig ele amu, ag ib amuppa keeke amu mattaeg aoppig. Aria, Lewi buɗubppan mana mettak danab iitta, ag ahilag maɗ 20 o 20 eɗittak amu, ag uɗat aɗi aɗi heppig, ag obatak attenppa daappig amu, ag amu dabmenana, ag ib amuppa keeke amu mattaeg aoppig.

Sam 110:2

Yawe Nug heeb, na danab ah kuɗum Sionnu gumadppe, nahip gumak am ɠagattag daakku. Ao, na kekeɗ nahipad ag talilidna daatteb gumadkkut.

Sam 125:3

Anam amunu, nau hak danab ag genab tutukku hak danab iinab hanhan gumadmana. Ag anam helob amu, genab tutukku hak danab ag eɗun, nau helobtai.

Eksodas 30:26

Na goɗen amu hewona, na laih aon, dahil mettid haknu peh lag danab ah appa qagmetteb ele, na lag amu Tituanak Nainu Kunup kontrak inak ele, aria

Eksodas 4:17

Aria, na gonana, na dudqak hokkat nahip imu ele aon ukke! Dimppa na geha dahilnu dabmettaknu kobol danab haknu elele iitta, amuppa hekkut,” awa aum.

Eksodas 4:2

Moses nug anam a amu, Yawe nug oɗ mettom. “Na aɗi aɗattem?” A amu, Moses nug aum. “Da dudqak hokkat aɗattem,” awa aum.

Esekiel 19:14

Gadon, anam daye, muɗi amu eppeg okkai laappanu aab aha, muɗi amu meu aakku he, iitta meum. Gadon, muɗi amuppa eppeg laippu laa, kingnu qakun daakkunu laa ii daatte, eppeg oh am gai-iitta.” Yawe Nug Esekiel nai amu mettom. Amu nai amuam nai oo doyak ele, amu laa nug Israelnu oo doyak dookku dayeb, nug nai imu edakkun daatte.

Esekiel 21:10

Qep elab amuam danab aqeb mauhkkulagnu uɗikkak daatte. Qep amuam laa he, amemɗiag aotte, amemɗi bia. Ag Israel, ag ahilag king nug hanhan daakku dabmena, “Uug laa ihinigppa iinab bema,” atteb am, ag enate atteb? Dahil qep elab am Israel dilag kingnu ena iinab dootte.

Esekiel 21:13

Aɗinu? Israel dilag kekeɗ ⌊ag dahil qep elab aɗan goppeg,⌋ ag Israel ele ban hekkulag amu, ban amuppa kekeɗ, Israel ele aa oh nug eɗidkkulahnu ɠagattag, wagai mekkulah. Ag anam hekkulag, amge Israel ag kekeɗ eɗadkkulagte? Iitta! Kekeɗ ag Israel dilagnu nau ninig ele dootteb, ag Israel eɗadppeg, Israel ag kekeɗ eppelagppa daaglag.’ ” Naɗi Yawe Nug anam atte.

Maika 7:14

O Yawe, sipsip gumak danab nug dudqak hokkat nuhigppa nuhikkud sipsip gumadtte, amubia na nahipad danab ah gumadkkutnu ool daatte. Nahipad danab ah ag am sipsip nahipad, na aut bia daatteb. Ag sipsip piɗe atuppa daattebbia daatteb, amge atu amu oh daug daug amu, wan gikkiɗah enanag ele daatte amunu, na heppe, ag wan ena Basan, am wan ena laa Gileat, ag aguppa, anukka daan oittappig bia hekkulagnu oɗ medattem.

Namba 17:1

Amu Yawe Moses amegppa aum.

Namba 17:3

Lewi buɗub dilag hokkatppa amu Aron onig ye! Aɗinu? Israel dilag huu okkai anen anen, ag tatam beppig daatteb amu, ag oh ahilkad dudqak hokkat anen anen laippu daakkuoitte.

Namba 7:1

Moses nug mettid haknu peh lag qappa malowa amu, deɗ amuppa, nug peh amu, amuppan keeke ele, aria qaɗab, amu mana mettak danab, ag qaɗab amuppa keeke aɗi aɗi aɗan amunu uɗat hekkulag ele, nug keeke amu oh goɗen gokkaɗakppa tituanatta, Yawenu tituana mettom.