Namba 16:3 - Nobonob Baibel

³ Danab amu ag qagmena, Moses, Aron ele aa ahilag dabmakppa eheɗ hepiɗ amu appeg dooglahnu gumatna tena, ag amelahppa appig. “Aa ena haknu tom tippalya, eheɗ hepiɗ! Aɗinu? Tamaniak danab ah imu oh ag Yawenu tituanak daatteb; Yawe Nug ag oolagppa aakku daatte. Aa aɗinu, Yawenu danab ah imu tippalattak attannab daattep doottep?” aon appig.

Namba 16:3 Iomraidhean Croise

Esra 9:2

Israel danab ag danab laa umu aɗelkad, ahilkad ah daaglagnu diion, appanu ah diin, ag bekkalkad dilag ah daaglagnu mattanna, ib amuppa ag heeg, ig danab ah, ig Yawenu tituanak daattem, ig laa ag Yawenu danab ah iitta amu, ig tiinig aakku kaboliak daatte. Amu Israel dilag ikki danab, ahilag ehanittak anuqak danab ele, ag Kayak kobol amunu ippunikkomnu oo metta ii uuak kobol ii dim lamidna, amu hekkulagnu danab ah noolag aon ukkaeg, Israel laa ag amu hetteb.” Ag da amelppa anam appig.

Sam 106:16

Danab ah ag aab haen tutu dayaknu kalappigppa daappig amu, ag Mosesnu amelag qe oolag elele ii dayom. Ao, ag Aron, nug Yawenu mana mettak danab, Yawenu tituana mettak dayom amu, ag nuhignu ele anam dooppig.

Sam 68:17

Kayak Nug bannu karis huanaknab ele; bannu karis amuam ebqaknu elele iitta. Naɗi Nug bannu karis amu oh Sinai qaukoppanu diie, ele uɗin, Nug nuhig mettid lag ooppa noum.

Eksodas 19:6

Ag anam hekkulag dayeb amu, ag geha dahilnu danab ah tituanak oppiaawak ele daanna, dahil mana mettak danab ele daan, ag dahilnu daaglag.’ Na Israel danab ah amelagppa anam appe dooglag.” Yawe Nug nai amu Moses amegppa aum.

Namba 14:14

Na danab ah imu heppe, padal mekkulag dayeb amu, Isip ag danab ah wan ig gottemppa daatteb, ag amu amelagppa nahip ɠagattag okkaippa danab ah imu ehanatte, ag Isip uun uɗieg, ippa na hee, padal mena, iitta meppig appeg dooglag. O Yawe, ig gottem ele, danab wan amuppanu ag na danab ah imu ag ele daattem amu, ag dooppig daatteb. O Yawe, danab wan amuppanu, ag na Israel, na ahilagppa tulan wae anidttebnu amu, ag dooppig. Nahip lombig am Israel, ag tonatta daattenu amu, ag dooppig. Na amunppa lombig teppu ele attan tak amuppa daanna, noolag aon omaladna gonana, tuqanppa na aab ewak okkai attan takppa daanna, ag noolag aon omaladna gottem amu, ag dooppig.

Namba 16:11

Haen ag Aronnu naittuɗ metteb amu, ag naippa nugnab ii yaatteb. Iitta. Ag Yawe dimettan, nuhig nai tappaeg ne, Nug waappa ii daamnanu hetteb,” awa aum.

Namba 16:41

Aria, wagɗe deɗ amuppa, Israel danab ah ag baula Moses, Aron ele dilahppa naittuɗ mena appig. “Aa Yawenu danab laala aqapiɗ,” aon appig.

Namba 23:21

Nauhak laa Jakop buɗub dilagppa bekkunu gemu ii daatte. Ao, Israel danab ah ag qagaiettak laa anidkkulagnu ii daatte. Yawe, ahilag Kayak, Nug ag ele daatteb. Yo, Nug ahilag king daatte, amu ewak amu ahilagppa daatte.

Namba 35:34

Da, Yawe, da ag Israel danab ah oolagppa daattem amunu, ag wan ag daattebppa, da ele daattemppa, ag wan amu aib heppeg, dahil neekkakppa dubuttid tak ele dayom.” Yawe Nug anam aum.

Namba 5:3

Ag danabte, o iitta ahte ag uug amu laa ele amu, ag oh maadppeg, aab dimittim gokkulag. Ag aab kalakppa daanna amu, geha heppeg, dahil neekkakppa ahilag aab am dubuttid tak ele daakku. Da ag Israel, ag oolagppa daattem amunu, danab ah amu ag aab heppeg, dahil neekkakppa dubuttid tak ele daamanu amu, ag maadppeg, aab dimittim gona dayeg!” awa aum.

Aposel 7:39

Amge ig mamelkad ag Moses oɗe dim lamidkkulagnu uuppig. Ag nug guhuɗidnana, ag eɗun Isip gokkulagnu amu oolag guattom.

Aposel 7:51

Aria, Israel ag am tappe nak danab, ag oolag, daulag ele am ituak, iitta aɗi danab bia amunu, ag mamelkad aɗi heppig amubia, ag hanhan Kayak Ouɗi dimedatteb.