Namba 16:16 - Nobonob Baibel

¹⁶ Moses nug Yawe amegppa anam awowa, nug Kora amegppa aum. “Na amu, na laipad ele, ag oh butti Yawe noobppa wakkulag. Ag, amu Aron ele oh.

Namba 16:16 Iomraidhean Croise

Eksodas 16:9

Amu Moses nug Israel danab ah amelagppa anam awowa, nug Aron amegppa inam aum. “Yawe Nug Israel danab ah oh dilag naittuɗ mak doyom amunu, na ag oh amelagppa appe, ag uɗin, ag Nug noobppa dayeg!” awa aum.

Namba 12:4

Moses nug, nug am danab anam aakku, amu Miriam, Aron ele aa nai madipiɗ amunu, Yawe Nug pahanab Moses, Aron amu Miriam ele amelagppa aum. “Ag ewam oh, ag mettid haknu peh lag danab ah appa qagmetteb ele, ag peh amuppa uɗieg!” awa aum. Nug anam a amu, ag goppig.

Namba 16:15

Aa nai anam aeh, Moses nug oo huana nauhe, nug Yawe amegppa aum. “Ag nahipnu mana mettak heppeg amu, na aib aome. Da eheɗ ahilagnu laa iinab hemi, ahilagppanu doɗ donki keeke, da amu laa ahilag iinab aomi,” awa aum.

Namba 16:17

Danab anen anen ag bras tappiɗ, mana mettak danab ag amuppa uɗat hetteb amu, ag tappiɗ ahilkad aon, kalu danab ile muttuɗig enanag bette ele amuppa maadkkulag. Geha bras tappiɗ 250, na laipad ag amuppa uɗat hekkulagnu daaglag. Ag maadna aɗualadna, ag aon, Yawe gumidna wana, Nug mettaglag. Aria, na, Aron ele, aa ele anam hekkulah.” Moses nug Kora amegppa anam aum.

2 Timoti 2:14

Na haen oh keeke imu oh nahipad danab ah ag daulagppa dokkunu amelagppa appe doyeg! Na Kayak noobppa ag amelagppa ag nau aomnanu nai ana, ag nai onig digdignu nug aib qeppig. Nai onignu nug qak, amuam meu iitta, danab laa ele ii ehanidtte. Kobol amuam danab ag nai amu dootteb amu, am ag he nauhtteb aakkuib.

1 Samuel 12:3

Amu gemu da ag noolagppa dayeye, ag amelagppa imu attem. Da ahilagnu eheɗ laa hemi dayeb amu, ag geha Yawe noobppa, king Yawe nug goɗen gokkaɗakppa tituanom, nug noobppa ele, ag geha appeg doyei! Da danab laanu makau, o donki yabbia aomite? O iitta, da hambuppuak kobolppa danab laanu keeke aomite? O iitta, da ag gumadmi, amuppa da ɠagattag dahilppa danab laa hei nauhomte? O iitta, epeɗiakppa da danab laa eppegppanu lokkumakppa eheɗ haknu ehanittak aomite? Da keeke amubia laa hemi dayeb amu, ag appeg doyen, da bappaidkkul,” awa aum.

1 Samuel 12:7

Amunu ag gemu ippa hippaidna daappeg, da Yawe, Nug ag, amu ag mamelkad aɗi ele ehanadkkunu kobol genab tutukku okkai ele hattom, da amunu ag daulagppa eɗua dokkunu appi dooglag.