Namba 16:11 - Nobonob Baibel

¹¹ Haen ag Aronnu naittuɗ metteb amu, ag naippa nugnab ii yaatteb. Iitta. Ag Yawe dimettan, nuhig nai tappaeg ne, Nug waappa ii daamnanu hetteb,” awa aum.

Namba 16:11 Iomraidhean Croise

1 Stori 26:19

Danab ag Yawenu mettid lagnu od gumaglagnu daappig amu, ahilag obatak aakku. Ag am Kora, Merari ele buɗulti.

Sam 106:16

Danab ah ag aab haen tutu dayaknu kalappigppa daappig amu, ag Mosesnu amelag qe oolag elele ii dayom. Ao, ag Aron, nug Yawenu mana mettak danab, Yawenu tituana mettak dayom amu, ag nuhignu ele anam dooppig.

Eksodas 17:2

danab ah ag Moses ele aeg ona aeg do, ag appig. “Le mekke! Ig le lakkunig,” aon appig. Aria, Moses nug eɗua amelagppa aum. “Aɗinu ag da ele nai aut ona aut dotte? Aɗinu ag Yawe ma anttak medatteb?” awa aum.

Namba 11:1

Amu Israel ag uug laala ag oolagppa beppig amu, ag amunu naittuɗ meppig. Ag naittuɗ meeg, Yawe Nug doya, Nug oo nauhe, Nug he, aab ewewe, peh lag laala, keeke ele haen tutu dayaknu aab kalak daugppa daappig am nauhppig.

Namba 16:12

Moses nug nai anam Kora amegppa awowa amu, nug Eliap bekoɗ, Datan, Abiram ele onilahppa eum. Nug aa onilahppa eum, amge aa ii gumidya uɗipiɗ. Iitta aa nai imu Moses dookkunu meeh ukkom. “I na gumidɗa ii gomaɗa!

Namba 16:3

Danab amu ag qagmena, Moses, Aron ele aa ahilag dabmakppa eheɗ hepiɗ amu appeg dooglahnu gumatna tena, ag amelahppa appig. “Aa ena haknu tom tippalya, eheɗ hepiɗ! Aɗinu? Tamaniak danab ah imu oh ag Yawenu tituanak daatteb; Yawe Nug ag oolagppa aakku daatte. Aa aɗinu, Yawenu danab ah imu tippalattak attannab daattep doottep?” aon appig.

Luk 10:16

Jesus Nug anam ana, Nug ippunittak awak danab amelagppa aum. “Danab nug ahilag nai dootte amu, nug dahil nai dootte. Am danab nug ag dimadatte amu, nug da dimeɗatte. Danab nug da dimeɗatte, nug laa Nug he da uɗimi ele amu, Nug dimedatte,” awa aum.

Jon 13:20

Da genabnab genab ag amelagppa attem. Laa nug maɗi nid, da nug mei gotte ele, nug nug oo metta humidtte amu, nug da aakku oo meɗa humiɗtte. Laa nug da oo meɗa humiɗtte, nug laa, da meiɗe uɗimi ele amu, Nug oo metta humidtte,” awa aum.

Aposel 5:4

Na tatam wan amu laa aokkunu ii meeme, am nakka nahip dayom. Am dimppa na ae, daden meeg, men doɗo amu ele nahipib dayom. Amu aɗinu na kobol amu hekkutnu ootppa dabmeme? Na heme amu danab ii buppuidme. Iitta. Na Kayak amegppa hambuppuak nai mattime,” awa aum.

Rom 13:2

amunu, danab nug danab gumaknu ehah ele waappa ii daya tappe nak kobol hette, nug keeke Kayak qappom waappa ii daya tappe nak kobol hette. Amu danab ag kobol anam hetteb amu, ag geha ahilag hak nau amunu nob nau aoglag.

1 Korint 10:10

Amu ag Kayaknu naittuɗ, Israel oolagppa danab ah laala heppig bia aib heppig. Ag Kayaknu naittuɗ nai mattieg amu aqakkunu engel nug aqe mauhppig.

1 Korint 3:5

Ag tutukku dabmak aon antteg! Apolos nug am aun? Am da Pol am aun? I am maɗi nidib; Naɗi Nug i uɗat ihinih piɗe piɗe metom. Nug uɗat amu mete, i uɗat amu heuɗuɗ, ag Kristusnu oolagppa genab dooppig.

Jut 1:16

Danab amu ag naittuɗ mak naunab metteb. Ag ahilagppa kobol aɗi bette, ag amunu oolag nauhtte. Ag beɗu kobol eheɗ ahilag dim lamidtteb. Ag akka beɗulag humaglagnu oɗelag alala ebatte. Amu ag danab laa dilag keeke aoglagnu dittuanin mattan, oo eeɗaknu nai ittag ele maditteb.

1 Samuel 8:7

Nug Yawe amegppa unuqitta a, Yawe Samuel amegppa aum. “Na keeke oh ag na hekkutnu atteb amu, na amu hekkut! Aɗinu? Ag na ahilag okkai daakkutnu di ii medappig. Iitta! Ag da ahilag king daakkulnu dimeɗappig.