Namba 15:9 - Nobonob Baibel

⁹ Ag amu hekkulag amu, ag ee aegnu ofa ele hekkulag. Ag ee aegnu ofa makau gaiɗppa hekkulagnu amu, ag 3 kilogram plaua enanag, 2 lita goɗen ele kaboliglag.

Namba 15:9 Iomraidhean Croise

1 Stori 21:23

Dawit nug anam a, Arauna nug Dawit amegppa aum. “Na ee aeg mumuɗaknu aben imu awe! O naɗi dahil, na king, na ootppa attem attem hekkutnu ena doottem amu, na anamib he! Antte! ⌊Da wanib ii medapa. Iitta!⌋ Na manaknu ofa hekkutnu, da makau okkai ebehi ele imu medakkul. Ee aeg mumuɗaknu keeke palang otala okkaippa hak, da amu ele na mette, wit aeg, na ee aegnu ofa hekkutnu ele da medattem. Da keeke oh amu na medattem,” awa aum.

Nehemaia 10:33

Men doɗo amuppa Lewi buɗub ag bret henan, balalppa hanhan maknu hetteb ele amu, ag amu hekkulag; ag deɗ anen anen oh ee aegnu ofa, manaknu ofa ele hetteb, ag amu hekkulag; ag Sabat deɗppa, kalam baunu qagmak gamag ahak elenu deɗppa, amu ag hobul dayaknu haen Kayak epeɗiatta maattom, deɗ amuppa ele ag mana mettak hekkulagnu daatte hekkulag; ag mana mettak Kayaknu tituanak daatteb hekkulag; ag Israel dilag ib etta hipunin haknu ofa hena, amuppa ag heeg, eheɗ haknu nob nau doɗ tiigppa iitta mekkunu elele medakkunu hekkulag; aria, ag aɗi keeke laa Kayaknu mettid lag, amuppa henana, keeke daden metteb amu, ag men doɗo amuppa keeke amu oh daden mena hekkulag.

Esekiel 42:13

Lag aɗit amu aakku anam daattep, amu danab nug melemel meum ele nug da amelppa aum. “Lag aɗit amu oh aa Kayaknu tituanak daattep. Lag aɗit amuppa mana mettak danab ag Yawe toppa gotteb ele, ag amuppa ofa Kayaknu tituanaknab daatteb lakkulag. Lag amunu oo oh am Kayaknu tituanak daatteb amunu, mana mettak danab ag mana mettaknu ee aeg, le, doɗ teppu ⌊ag lakkulagnu⌋ Kayaknu tituanaknab daatte amu, ag amu aguppa mekkulag. Mana mettak amuam ee aegnu ofa, ib etta hipunin haknu ofa, amu eheɗ haknu ofa ele.

Esekiel 46:11

Qagmak gamag ahak eleppa, amu hobul dayaknu haen epeɗiak, appa ele Israel dilag okkai nug makau gaiɗ mana meɗakku amu, mana mettak amunu nug ee aegnu ofa hekkunu, nug ee aeg ganuɗak 14 kilogramppa hekku. Sipsip dawai ele am anamib. Amu sipsip gaiɗ dilagnu amu, nug ee aegnu ofa hekkunu, nug ee aeg ganuɗak ele kilogram gane meɗakknu dabmette amu, anamib daakku. Aria, ee aeg ganuɗak ele 14 kilogram anen anen ohnu am 3 lita olip goɗen ele daakku.

Esekiel 46:15

Nug sipsip gaiɗ maɗ laippu awak ele, ee aegnu ofa, goɗen ele buttua oh anamib babaittebeb, mana mettak danab ag manaknu ofa daakkunu main, da meɗeg!” Yawe Nug anam atte.

Esekiel 46:5

Nug sipsip dawai, sipsip gaiɗ ele diiata uɗia, nug mana mettak amu hamu ii hema. Iitta. Nug meeme dawai mana mettak haaha, nug ee aegnu ofa ele hekku. Amu hekkunu amu, nug 14 kilogram ee aeg ganuɗak ele, nug amu ele awa uɗiaɗ! Amu sipsip gaiɗ dilag amu, nug nukka, nug ee aeg ganuɗak kilogram gane meɗakkunu dabmette ele amu, nug anamib awa uɗikku. Aria, nug ee aeg ganuɗak ele ee aegnu ofa gane hekkunu awa uɗitte amu, anen anennu nug 3 lita olip goɗen ele awa uɗikku.

Esekiel 46:7

Nug makau gaiɗ, sipsip dawai ele diiata uɗia, nug doɗ aɗit amu anen anennu ee aegnu ofa hekkunu, nug 14 kilogram ee aeg ganuɗak ele awa uɗiaɗ! Amu nug sipsip gaiɗ anen anen dilagnu amu, nug nukka, nug ee aegnu ofa hekkunu, nug ee aeg ganuɗak ele kilogram gane meɗakkunu dabmette ele amu, nug anamib awa uɗikku. Aria, nug ee aeg ganuɗak ele ee aegnu ofa gane hekkunu awa uɗitte amu, anen anennu nug 3 lita olip goɗen ele awa uɗikku

Joel 1:9

Tap-lokus ag heeg, ee aegnu ofa laa ii daatte. Wain gokkaɗaknu ofa ele ii daatte. Anam daatte amunu, mana mettak danab ag uug doon mahitteb. Ao, danab ag Yawe noobppa nuhig ɗo maɗoɗnu uɗat hetteb ele amu, ag mahitteb.

Joel 2:14

Amu haen imuppa ele Nug eɗua, oo gai-iitta doya oo matta ehanadkkutai. Nug eɗua itittak ena matteb, wanppa keeke ena ba, meu ob, ag ee aegnu ofa, am wain gokkaɗaknu ofa ele Yawe, ahilag Kayak, ag Nug mettaglagnu elele daan mettaglag.

Lewitikas 14:10

Am deɗ laa, deɗ eblaih ewamppa amu, laa nug beɗu ena dayom ele nug sipsip gaiɗ aɗit, amu sipsip balat laippu, maɗ laippu awak ele, ag beɗulagppa eheɗ laa iitta ele, amu 3 kilogram plaua enanag olip goɗenppa kaboliak, ee aegnu ofa daakkunu, amu olip goɗen kap aɗit ele diia, wakkuoitte.

Lewitikas 6:14

Amu Yawe Nug tuɗitta, nai imu ele aum. “Imuam ib dim lamitta, ee aegnu ofa haknu nai. Aron bekkod ag mana mettak imu akkan, qaɗab guguittak, Yawe toppa wakkulagoitte.

Lewitikas 7:37

Mana mettaknu ɗo amu oh, Yawe, Moses mettom amu, amuam dim lamitta haknu ɗo, manaknu ofanu, ee aegnu ofanu, ib etta hipunin haknu ofanu, eheɗ haknu ofanu, baɗ awaknu ofanu, laippu dayaknu ofanu ele; am amu oh dilag ɗo aakku.

Namba 15:10

Ag wain gokkaɗaknu ofa, mana mettak amu ele hekkulagnu amu, ag 2 lita wain aon hekkulag. Mana mettak amuam aab aɗunu ofa, nuhig muttuɗignu Yawe Nug ooppa ena dootte.

Namba 15:8

Ag makau gaiɗ laappa Yawenu manaknu ofa hekkulagtai, o iitta ag makau amuppa nai genab ana qakkaknu ofa hekkulagtai, o iitta ag laippu dayaknu ofa hekkulagtai.

Namba 28:12

Makau gaiɗ anen anen ele oohoak haknu amu, ag ee aegnu ofa ele hekkulag. Amu hekkulagnu, ag 3 kilogram plaua enanag, goɗen ele kaboliglag. Sipsip dawai ele oohoak haknu amu, ag ee aegnu ofa am ele hekkulag. Amu hekkulagnu, ag 2 kilogram plaua enanag, goɗen ele kaboliglag. Sipsip gaiɗ maɗ laippu awak ele anen anen oohoak haknu amu, ag ee aegnu ofa ele hekkulag. Amu hekkulagnu, ag 1 kilogram plaua enanag, goɗen ele kaboliglag. Amuam manaknu ofa hak aakku. Mana mettak amuam Yawe mettaknu aab aɗunu ofa, nuhig muttuɗignu Yawe Nug ooppa ena dootte.

Namba 28:14

Doɗ anen anen mana mettak henana amu, ag wain gokkaɗaknu ofa ele hekkulag. Makau dawai anen anen elenu amu, ag 2 lita wain aon hekkulag; sipsip dawai elenu amu ag 1 lita maha ele aon hekkulag; sipsip gaiɗ maɗ laippu awak elenu amu, ag 1 lita aon hekkulag. Mana mettak amuam maɗ ooppa, kalam anen anen oh, kalam kunum digma bette, haen amuppa hekkulag. Mana mettak amu oh am, manaknu ofa aakku.

Namba 29:6

Amu ag deɗ oh hanhan manaknu ofa, amunu ee aegnu ofa ele hetteb, amu kalam bau digmettenu mana mettak, amunu ee aegnu ofa ele hetteb, ahilag wain gokkaɗaknu ofa ele hetteb amu, ag amu hekkulag, amge ag mana mettak laala imu ele hekkulag. Mana mettak amuam Yawe mettaknu aab aɗunu ofa; ahilag muttuɗignu Yawe Nug ooppa ena dootte. Ag mana mettak amu henana, Yawe mettaglag,” awa aum.

1 Samuel 1:24

Aria, Hana nug huh aɗitta mala, nug Samuel omale, gamu ele Silo gopiɗ. Samuel nug nid okkai iitta, nug nid nakok, amge aa omalya goya, aa makau dawai, maɗ ewam ele, 10 kilogram plaua, amu wain doɗ gaɗappa inak, amu ele oh aoya gopiɗ. Aa omalya, Yawenu mettid haknu peh lag Silo aabppa dayom, appa gopiɗ.