Namba 15:3 - Nobonob Baibel

^3-4 ag anen anen deɗ laala aab aɗunu ofa henana, Yawe mettaglagnu doɗ aon, Nug gumidna wana, Nug mettaglag. Ag mana mettak hena, doɗ maippeppeg, muttuɗig teebeb, Yawe Nug mana mettak amunu muttuɗignu ooppa ena dookku. Doɗ laala amu makau, laala amu sipsip, o iitta meeme. Mana mettak amuam manaknu ofa, o iitta mana mettak laala daaglag. Mana mettak amuam nai genab ana qakkaknu ofatai, o iitta mana mettak amuam ɗo hamu mettaknu ofatai, o iitta mana mettak amuam hobul dayaknu haen epeɗiaknu ofatai. Amge ag aɗi mana mettak aon, Yawe gumidna wana mettaglag amu, auntai laa nug anam hette amu, nug ee aegnu ofa ele awa, Yawe gumitta ukka medakku. Mana mettak amu haknu am 1 kilogram plaua enanag, 1 lita goɗen ele kabolia, mana Kayak medakku.

Namba 15:3 Iomraidhean Croise

Genesis 8:21

Mana mettette, Yawe Nug mana mettak amu muttuɗignu ooppa ena doya, Nug nukka, Nug ooppa inam aum. “Da danab dilag eheɗ hak amunu wan eheɗ laa awaknu anak waappa daakkunu memi imubia baula iinab hepa. Aɗinu? Da doottem, danab nug menuak haenppa ukka ukka, mauhak nuhigppa amu, keeke laa nug danab ooppa hipuninppa eeɗkkunu daatte. Amu laa ele, da hemi bia, da keeke oh bau daatteb ele amu, baula heppi, ii mauhmana.

Esra 7:17

Na amu aon gona, Jerusalem appa na men doɗo amuppa makau dawai, sipsip dawai, sipsip gaiɗ ele daden mena, doɗ amu manadna, Kayak mettaknu mana mettak haknu ee aegnu ofa hekkutnu daatte, aria wain gokkaɗaknu ofa ele hekkutnu daatte ele, na ee aeg, wain amu ele daden mena, na nahip Kayaknu mettid lag, Jerusalem appa daatte, na amunu qaɗabppa manadna, Kayak mette!

Sam 54:6

O Yawe, na am ena amunu, da na noomppa ɗo hamu mettaknu ofa hekkul. Da na binan mekkul.

Eksodas 29:18

na sipsip dawai amu oh qaɗabppa main, da meɗe! Amuam da, Yawe, da meɗaknu manaknu ofa. Ao, amuam da, Yawe, da meɗaknu aab aɗunu ofa. Mana mettak amunu muttuɗignu da, Yawe, da oolppa ena doottem.

Eksodas 29:25

Ag amu hena malappeg, na keeke amu oh ag eppelagppanu aon, doɗ laa, manaknu ofa dayeye, na qaɗabppa main meɗame ele amu, na keeke ag eppelagppanu aome ele, na amu ele qaɗabppa mane! Amuam da Yawe, da meɗaknu aab aɗunu ofa. Mana mettak amunu muttuɗignu da Yawe, da oolppa ena doottem.

Eksodas 29:41

Aria, tuebnab ag sipsip laa main meɗaglag, amu ag haen amuppa ee aegnu ofa, wain gokkaɗaknu ofa ele buttua heppig bia heig! Mana mettak amuam da, Yawe, da meɗaknu aab aɗunu ofa. Mana mettak amunu muttuɗignu amu, da, Yawe, da oolppa ena doottem.

Lewitikas 10:13

Amuam keeke Yawe mettaknu aab aɗunu ofa, amu mana mettak amunu maha laa am ahilagnu, aria ag buɗulkad ele, ahilagnu daatte amunu, ag aben Kayaknu tituanak daatte ele, ag amuppa daanna lakkulagoitte. Aɗinu? Da, ag anamnab hekkulagnunab nai anam aomi.

Lewitikas 27:2

“Na nai imu Israel danab ah amelagppa appe doyeg!” awa aum. ⌊Nug anam a amu, Moses nug inam Israel amelagppa aum.⌋ “Haen laa, haen amuppa, ⌊aɗi kobol laa hanhan ii bette ele,⌋ haen amuppa kobol amu danab laa, nuhigppa beeb, nug danab o ah laa nug Yawenu tituana mettak daakkunu genabnab hekkunu nai ana qagakku dayeb amu, nug danab o ah amu en mettakppa uhuqkkunu amu, nug daden inam mekku.

Lewitikas 7:16

Amge aun laa nug nai genab ana qakkaknu ofa hekkunu, o laa ɗo hamu mettaknu ofa hekkunu doɗ awa watte amu, doɗ teppu amu, deɗ amuppa lanaknu; amge laih laa daakku dayeb, wagɗeb deɗ amuppa lanaknu elele.

Namba 28:27

Ag deɗ amuppa Yawenu manaknu ofa hekkulagnu, ag doɗ amu aon, Yawe gumidna wana, Nug metteg! Mana mettak amuam manaknu ofa daakku, amu doɗ ag manan, Nug mettaglag am iikku: makau gaiɗ aɗit, sipsip dawai laippu, sipsip gaiɗ eblaih aɗit ele maɗ laippu awak. Mana mettak amunu muttuɗignu, Yawe Nug ooppa ena dootte.

Namba 29:8

Yawe Nug mana mettak amunu muttuɗignu ooppa ena dookkunu, ag makau gaiɗ laippu laa, sipsip dawai laippu, sipsip gaiɗ eblaih aɗit ele maɗ laippu awak, doɗ oh beɗulagppa eheɗ laa iitta ele aon, Yawe gumidna wana, Nug mettaglag. Amuam manaknu ofa aakku.

Namba 6:15

Nug Yawe aum bia, doɗ amu oh mana, Yawe medatta, nug ee aegnu ofa, wain gokkaɗaknu ofa ele diiata, Yawe gumitta ukka, Nug medakkuoitte. Nug kaleg bret yis iitta inak, nug amu laa ele Yawe medakkuoitte. Bret amuam diig aɗit inam dayad! Laa amu bret batappatak, yis iitta, amu plaua enanag, goɗen ele kaboliak; laa am bisket teppu iitta, yis iitta, qaɗeppa goɗen laittak ele.

Matyu 3:17

Kayak Ouɗi anam ne amu, baag laa hab aabppanu aum. “Imuam da bekkal, da nuhignu ool mauhtte. Nuhignu ele da oolppa enanag doottem,” ewa aum.

2 Korint 2:15

Aɗinu? Danab laa nug ad uɗug muttuɗig enanag ele eɗippa me, muttuɗig otte amubia, ig Kayak noobppa Kristusnu muttuɗig enanag daatta, danab Kayak eɗua diiom, ag padal mekkulagnu ii oitteb, amu danab ag oolagppa genab ii dootteb, padal mekkulagnu oitteb ele amu, ag oh Kristusnu muttuɗig dootteb. Amge ag oh ahilagppa amu, muttuɗig amuam laippu bia ii daatte. Iitta.

2 Korint 2:16

Danab laala ag Kayaknu oolagppa genab ii dootteb, padal mekkulagnu oitteb ele amu, ag am muttuɗig ena otte amubia ii dootteb; ag eheɗ, mauhak beɗak uɗig otte anam bia dootteb, amge danab ag oolagppa genab doona, padal ii memananu oitteb amu, ag am muttuɗig ena otte amubia dootteb; ag am bau dayak muttuɗig dootteb. Ig anam bia daattem amge aun nug uɗat anam hekkunu elele? Ig oh am elele iitta.

Epesus 5:2

Ag nug oo mauhakppa, Kristus Nug ihinignu oo mauhe, Nug nukka Nug bau dayak nuhig ig ehanigkkunu uua, ihinignu mauhom bia oiyeg! Kristus Nug danab ag doɗ main Kayak muttuɗig ena dookkunu medatteb bia, nukka nuhigppa anam heum.

Duteronomi 12:11

ag keeke oh da ag haknunab attem amu, ag amu oh akkan, Yawe, ahilag Kayak, Nug onig aguppa daakkunu aben epeɗikku ele, ag amuppa wakkulagoitte. Keeke amuam inam: manaknu ofa, mana mettak laala ele, keeke obatak eblaih tanig ele ooppanu obatak laippu Kayak mettak, Kayak hamu ɗo mettak, aria aɗi keeke ena ena ag nai genab ana qakkaknu ofa hekkulagnu appig ele.

Duteronomi 12:17

Amge ag mana mettak haknu keeke laa ele amu laulkadppa ii lakkulagoitte. Amuam, ag ee aeg, wain bau, olip goɗen bau ele obatak eblaih tanig ele ooppanu obatak laippu am Kayak mettak, aria makau ⌊dawai⌋ tatamnu, sipsip ⌊dawai⌋ tatamnu, meeme ⌊dawai⌋ tatamnu ele, amu nai genab ana qakkaknu ofa, ɗo hamu mettaknu ofa, amu keeke ag Kayak ɗo hamu mettaglagnu dabmetteb ele amu, ag amu oh ag laulkadppa ii lakkulagoitte.

Duteronomi 12:6

Am Yawe Nug aben laa ag Nug noobppa dup nona binag mekkulagnu ippuanatteb amu, ag manaknu ofa, mana mettak laala, keeke obatak eblaih tanig ele ooppanu obatak laippu Kayak mettak, keeke Kayak hamu ɗo mettak, nai genab ana qakkaknu ofa, amu laippu dayaknu ofa, makau, amu sipsip ele nalkad ⌊dawai⌋ tatamnu ele oh, ag aben amuppa Yawenu akkan wakkulag.

Pilipai 4:18

Ag Epaproditus eppegppa keeke meeg dahilppa uɗiom amu, da awen, da keeke kuɗumnab, elelenab daattem. Keeke ag meɗappig ele, keeke amuam mana mettak muttuɗig ena ele ag Kayak medappig bia daatteb. Kayak Nug mana mettak anam awa amu, Nug oo enanag ele daatte.