Namba 13:4 - Nobonob Baibel

⁴ Ag onilag amu inam: Israel dilag huu okkai Rubennu am, Sakur bekka Samua.

Namba 13:4 Iomraidhean Croise

Genesis 35:22

Israel nug wan atu amuppa dayeye amu, Ruben nug mameg wau amge waunab iitta Bilha ele niieh, Israel nug doyom.

Genesis 35:23

Jakop nug bekkod 12 ele. Lea bekkod am Ruben, nug Jakopnu nid danab naanaeg, Simeon, Lewi, Juda, Isakar, Seblon ele.

1 Stori 2:1

Israel bekkod am inam; Ruben, Simeon, Lewi, Juda, Isakar, Seblon,

Esekiel 48:1

Amu Yawe Nug tuɗitta atte. “Israel dilag huu okkai anen anen, ag oh ahilag wan aoglag. Ag ahilag anen anen oh dilag tom laih am kaɗag uɗitteppanu dayeb, tom laih, qaban uɗitteppanu am Mediterenia yu. Aria, ag oh, ahilag yawalti uɗitteppanu tom, ahilag yau uɗitteppanu tom ele, anen anen dilag tom aɗit, amuam wan ohnu yawalti uɗitteppanu tom, yau uɗitteppanu tom ele gottep bia aa gamalahppa, tom gamag gamag ele daaglag. Israel oh dilag wannu tom yawalti uɗitteppanu daatte, tom amuam aab Hetlon, Lebo Hamat eleppa ugakka, Hasarenan appa batatte. Hasarenan am Damaskus, Hamat ele dilah tomppa daatte. Hamat am tom amunu yawalti uɗitteppanu daatte. Damaskus am tom amunu yau uɗitteppanu daatte. Aria, wan paniaknu ele am obatak piɗe piɗe, yawalti uɗitteppanu tomppa digma, yau uɗitteppanu ugakka, ⌊Lewi buɗubppan mana mettak danab, Lewi buɗubppan mana mettak danab iitta, da laul ele daaglagnu wan okkai gamagppa daatte, amu tomppa⌋ batak am inam: Dan, Aser, Naptali, Manase, Epraim, Ruben amu Juda ele. Huu amu oh aben amuppa ahilag wan anen anen anam anam aoglag.

Namba 13:3

Yawe Nug anam haknunab aum amunu, Moses nug Paran atu taɗakppa, appanu danab amu maatte goppig. Danab amu oh ag Israel dilag ikki danab.

Namba 13:5

Israel dilag huu okkai Simeonnu am, Hori bekka Sapat.

Namba 14:36

Am Moses nug danab 12, ag lokkumakppa wan amu italna anidkkulagnu maatte goppig amu, danab amu oolagppa eblaih tanig ele, ag eɗun uɗin heeg, Israel laa oh ag Yawenu naittuɗ meppig. Ag wan amunu nai eheɗ mattieg,

Namba 32:7

Yawe Nug wan Jodan le mataɗak, laih umu Israel danab ah ig mekkom amunu, ag aɗinu Israel danab ah laala oh, Yawe Nug ag gona, ban hena, wan aoglagnu mattom, ag amu aoglagnu dabmetteb amu, aɗinu ag ahilag dabmak qeppeg neeb, appa ii gomananu hetteb?

Namba 34:19

Israel dilag huu okkai anen anenppanu danab otiadkkulag ele onilag amu iikku. Kalep, nug am Jepune bekka. Nug am Israel dilag huu okkai Judanu.

Revelesen 7:5

Israel dilag huu okkai Judanu amu 12,000, Israel dilag huu okkai Rubennu am 12,000, Israel dilag huu okkai Gadnu 12,000,