Namba 13:22 - Nobonob Baibel

²² Ag wan laih laa onig Negeb oppatna gona, Hebron aabppa teppig. Hebron appa amu Ahiman, Sesai amu Talmai, ag am Anak buɗub, ag appa daappig. Danab ag Hebron aab kalaeg, maɗ eblaih aɗit uue, Isip wanppa appa danab ag aab onig Soan kalappig.

Namba 13:22 Iomraidhean Croise

Genesis 13:18

Yawe Nug anam a amu, Abram nug aha oiyaya, Hebron appa nug danab laa onig Mamre, nuhig ad ok daappig, aben amuppa nug peh lag nuhig qappowa dayom. Appa ele amu, nug Yawe noobppa dup noa binag mekkunu qaɗab qeum.

Genesis 23:2

nug Kanan wanppa aab onig Kiriat Arba onig laa Hebron, nug appa mauhom. Mauhe amu, Abraham nug Sarah mahidkkunu ukkom.

2 Samuel 2:1

Amu Saul mauhe ukke, dimppa Dawit nug Yawe oɗ mettom. “Da eɗuen, Juda wanppa aab laappa ukken daakkul, o iitta?” awa oɗ mettom. Oɗ mette am Yawe Nug eɗua amegppa aum. “Ahan, anam hekkut,” awa aum. Nug anam a amu, Dawit nug oɗ mettom. “Ge, da aab attenppa ukken daakkul?” awa oɗ mettom. Oɗ mette amu, Yawe Nug aum. “Hebron gona daakkut,” awa aum.

2 Samuel 2:11

Ag nug dim lamittegeg, Dawit nug Hebron appa maɗ eblaih aɗit, kalam eblaih laippu ele Juda dilag king dayom.

2 Samuel 21:16

Amu Pilistia dilag ban danab laa am Rapa buɗub onig Isbibenop. Nug nuhig qep elab am qep elab bau. Nuhig ban amu, amunu ikki am brasppa hak, uug nuhig am 3.5 kilogram maha ele. Danab amu nug Dawit qeeb mauhkkunu aum.

Sam 78:12

Ag mamelkad aɗi ag anttegeg, Nug keeke danab haknu elele iitta kuɗum heum. Ao, uppa Isip wanppa, wan atu onig Soan talilittak, appa Nug keeke danab haknu elele iitta kuɗum heum.

Sam 78:43

Nug nuhignu dabmettaknu kobol danab haknu elele iitta kuɗum uppa Isip heum ele amu, ag amu dab-ii-meppig. Ao, wan atu Soannu, appa Nug keeke danab haknu elele iitta heehe anidppig amu, ag amu ii dabmeppig.

Aisaia 19:11

Soan aab okkaippanu ikki danab ag dabmak iitta ele. Danab Paro ulum medatteb ele, ag ulum nai dabmak pehettak iitta medatteb. Ag Paronu ehanittak danab anam daatteb amu, ag Paro amegppa inam maditteb. “Ig am doyak dabmak ena ele danab anukka daappig, ig amu buɗulkad daattem; ig king anukkanab daappig amu, ig amu buɗulkad daattem,” aon atteb. Ag anam maditteb, amge aɗinu ag anam nug amegppa hambuppun atteb?

Aisaia 19:13

Soan aab okkaippan danab okkai ag am dabmak iitta ele. Mempis huunu ikki danab ag am dabmak hambuppuak dim lamidtteb. Isip danab okkai amu ag Isip danab ah ib ena ippunadkkulagnu daatteb, amge ag ib nau amuppa omaladppig.

Aisaia 30:4

Amu Juda dilag nai awa ukkak danab ag ⌊Isipnu ehanittak aoglagnu gona,⌋ Isip dilag aab okkai aɗit onilah Soan amu Hanes ele, ag appa tena daatteb. Ag appa daatteb, amge Isip danab ag ib laippuppa Juda nakok laa ehanadkkulagnu elele iitta amunu, Juda danab ah ag Isipnu ehanittak genabnab genab iinab aomna. Iitta. Ag uɗa nak nau guittak ele aoglag. Isip ag ehanittak Juda ii mattamna. Iitta. Ag uɗa nak mattaglag.” Yawe Nug anam atte.

Namba 13:17

Haen Moses nug ag Kanan wan anidkkulagnu maatteb gokkulagnu heegeg amu, Moses nug ag amelagppa aum. “Ag gona, wan laih laa onig Negeb anttona, ag gona, wan qauko qauko ele, ag amu ele mattan teig!

Namba 13:28

Amge danab ah ag appa daatteb, ag am ɠagattag ele. Ahilkad aab okkai am okkai okkai aɗ ele daatteb. Am keeke uug laa ele am, danab beɗu okkai onig Anak, nug buɗub am appa daaegeg ele anadmut

Namba 13:33

Am ig Nepil buɗub anadmut. Anak nug Nepil buɗub amunu, Anak buɗub, ag ele Nepil buɗulkad. Ig am nakok, ag am okkainab. Ig ikka ihinig neekkakppa, ahilag neekkakppa ele amu, ig am tap bia daautut, ag am danab bia daatteb. Ig anam anadmut,” aon appig.

Duteronomi 9:2

Danab amu ag am danab tikkuak, elab elab ele. Ag am Anak buɗub. Am laa ag inam aegeg dooppig. “Aun nug Anak danab eɗadkkunu elele?” Danab amu, am danab aakku.

Josua 10:36

Ag Eklon eɗitton amu, Josua nug Israel ban danab ele ag appanu ahan, Hebron banelag goppig

Josua 21:13

Israel ag aab amu aakku mana mettak danab Aron buɗub madappig; ag aab amu, aria aab amunu gikkiɗah dad okkai ele madappig. Hebron aab am ii doyaya laa qe mauhomnu ehanittak aab okkai laa. Ag Lipna,

Ikki Danab 1:10

Amu Juda ag banelag gona, Hebron, anukkan onig am Kiriat Arba amu, ag appa noeg, Kanan danab ag appa daappig, ag ag ele ban heppig. Hebron appa amu ag Sesai, Ahiman amu Talmai ele, ag ag, ahilkad ban daup ele eɗadppig.