Namba 12:2 - Nobonob Baibel

² Miriam, Aron ele aa ⌊anen anen aa laanu, dahilppa anam daalo dooya, aa oo aeg bak dooya,⌋ aa nai inam iikku apiɗ. “Moses nug aakkuibte, Yawe Nug, nug amegppa nai mattieye, nug nai amu danab ah amelagppa maditte? Nug i amenihppa ele iite nai mattieye, i danab ah amelagppa attep?” aoya apiɗ. Aa anam apiɗ amu, Yawe Nug doyom.

Namba 12:2 Iomraidhean Croise

Genesis 29:33

Dimppa Jakop, Lea ele aa oiyya, Lea nug baula oo ele daya oiyaya, nug nid danab baula menua, nug aum. “Yawe Nug da gamul dahilnu oo ii mauhtte anttom amunu, nug nid danab imu ele meɗom,” awa aum. Anam ana amu, nug nid onig Simeon ataɗom.

2 Samuel 11:27

Nug mahitte ukke, elele te, Dawit he, nug laugppa te, aa ewau matulak aoya, ewau daayya, Batseba nug Dawitnu nid danab awom. Nug nid danab awom, amge Dawit kobol heum ele amu, Yawe Nug amunu ena ii doyom.

2 King 19:4

Asiria dilag king nug he, nuhig ban daup ikki banppa o ban guguittakppa daatte, nug Kayak hanhan bau daatte awa awa qedakkunu uɗia, ⌊anam heum⌋ amunu, Yawe, nahip Kayak, Nug awa awa qettak nai amu Nug doyom ele, Nug nai amu dabmedakkutai. Nug dabmedatta, Nug Asiria dilag king bu medakkutai. Anam amunu, na ig Juda oɗo yaak daattem ele, na Yawe Nug ehanigkkunu unuqidkkutnu oɗ medattem,’ awa atte,” aon appig.

Eksodas 4:14

Moses nug anam a amu, Yawe Nug oo nauhe, Nug Moses amegppa aum. “Attem hak? Na awan Aron, nug am Lewi buɗub, amu nug daatte. Da nug nai elelenab madikkunu elele doottem. Nug am gehanab iikku na anidkkunu uɗitte. Haen nug na anitta, nug gamag ahakku.

Eksodas 4:30

Aron nug keeke oh Yawe, Moses amegppa aum amu, ag amelagppa a, Moses nug Kayak dabmettaknu kobol danab haknu elele iitta amu, danab ah anidkkulagnu heum.

Eksodas 5:1

Aria, amu dimppa amu Moses, Aron ele aa Paro gumidya goya apiɗ. “Yawe, Nug ig Israel, ihinig Kayak, Nug atte. ‘Na dahil danab ah uuadppe, ag da dabmeɗanna qagmak gamag ahak ele hekkulagnu atu taɗakppa ukkeg!’ Yawe Nug anam atte.” Aa Paro amegppa anam aoya apiɗ.

Eksodas 7:10

Nug anam a amunu, Moses, Aron ele aa Paro gumidya goya, Yawe Nug amelahppa haknunab aum bianab aa hepiɗ. Aron nug dudqak hokkat amu Paro, am nuhikkud ehanittak anuqak danab ele noolagppa buɗie, wanppa noa, dudqak hokkat amu eɗua mat beum.

Prowerb 13:10

Dada hak danab nug laa oɗeppanu ulum ena awaknu uutte amunu, nug laa ele, ag nug uɗa aoɗtteb; amge laa nug ulum ena awa, ooppa mette amu, nug am doyak dabmak ena ele.

Aisaia 37:4

Asiria dilag king nug he, nuhig ban daup ikki banppa o ban guguittakppa daatte, nug Kayak hanhan bau daatte awa awa qedakkunu uɗia, ⌊anam heum⌋ amunu Yawe, Nug nahip Kayak, Nug awa awa qettak nai amu Nug doyom ele, Nug nai amu dabmedakkutai. Nug dabmedatta, Nug Asiria dilag king bu medakkutai. Anam amunu, na ig Juda oɗo yaak daattem ele, na Yawe Nug ehanigkkunu unuqidkkutnu oɗ medattem,’ awa atte, aon appig.”

Maika 6:4

Aɗinu? Da Isipnu omalatti uɗippig. Ao, da Isip wanppanu, ag appa begbeg maɗi nid daappig amu, da appanu begbeg maɗi nid dayaknu qagaiettakppanu eɗua uhuqak hemi. Da amu heinne, da Moses ag noolag awa gokkunu mattami; Aron, Miriam ele.

Namba 11:1

Amu Israel ag uug laala ag oolagppa beppig amu, ag amunu naittuɗ meppig. Ag naittuɗ meeg, Yawe Nug doya, Nug oo nauhe, Nug he, aab ewewe, peh lag laala, keeke ele haen tutu dayaknu aab kalak daugppa daappig am nauhppig.

Namba 11:29

Josua anam aum, amge Moses nug nai nob ma aum. “Na aa da abenal aomyanu baɗattemte? Yawenu danab ah oh ag propet daaglagnu, Yawe Nug nuhig Ouɗi nuhikkud danab ah oh madakkunu ool daatte,” awa aum.

Namba 12:3

Aa anam apiɗ, amge Moses nug nukka nug onig qe nettom. Nug, nukka onig nakok laa ii humattom. Danab ah laala ag onilag qeeg neum, amge Moses nug onig qe na auta autanab awom.

Namba 16:3

Danab amu ag qagmena, Moses, Aron ele aa ahilag dabmakppa eheɗ hepiɗ amu appeg dooglahnu gumatna tena, ag amelahppa appig. “Aa ena haknu tom tippalya, eheɗ hepiɗ! Aɗinu? Tamaniak danab ah imu oh ag Yawenu tituanak daatteb; Yawe Nug ag oolagppa aakku daatte. Aa aɗinu, Yawenu danab ah imu tippalattak attannab daattep doottep?” aon appig.

Rom 12:10

Amu ag lailkad ena daaglagnu oolag mattan, ahilagnu oolag mauhaɗ! Ag oh nug binag mettak elelenab heig!

Rom 12:3

Kayak Nug da ehanittak okkai hamu meɗom amu, da amuppa ag anen anen amelagppa attem. Ag akka anen anen ag, “Dahil hak, dahil oiyak ele am enanag,” amge nahip hak, nahip oiyak ele am melemel amuppa ii bette amu, ag anambia aib dabmeppig. Iitta. Kayak Nug ooppa genab doyak ahilag ag anen anen matte, ag uɗat hetteb ele amu, ag amu dabmenan, ag akka anen anen ag dabmak tutukku aon oiyeg!

Pilipai 2:14

Ag anam henana, ag Kayaknu neekkakppa oolagppa kaliak laa iitta, oppiak ele wan imuppan kobol eheɗ ooppa, wan imuppan eheɗ hak danab ele oolagppa, Kayak bekkod oolagppa kaliak laa iitta ele daaglagnu, ag aɗi hetteb ele amu, ag naittuɗ mak, a ona a doak ele uuna heig! Ag hoɗoppai gatatuppa amahalna, miag atiak daatteb, amubia ag am Kayaknu danab daatteb, doyak amu miag atiak daakkunu ag nai bauklel ele aɗan, wan imuppanu danab laa, ag kobol tutukku uuna, eheɗ hetteb ele amu, ag amu ippunadkkulagoitte. Ag anam hekkulag dayeb amu, da Kristusnu deɗppa ahilagnu oo gamag ahak dookkulnu, da uɗat hamu ii hein, ɠagattag dahil hamu ii kakidmi ele dookkulnu elele daakkul.

Pilipai 2:3

Ag akka akka ahilagnuib dabmenan, keeke laa aib heppig. Amu ele ag akka hamu onilag humanna, keeke laa aib heppig. Ag akka ag onilag qeppeg neeb, danab laa dilagnu, “Da ag eɗadttem,” aib dooppig.

1 Pita 5:5

Ag danab bau ag onilag qeppeg neeb, ikki danab waalagppa dayeg! Ag oh ag ag onilkad qeppeg neeb, ag nug ehanittak kobol heig! Aɗinu? Kayak naippa, nai amunu inam daatte. “Kayak Nug dada danab ippulag oo nette, amge danab ag akka onilag qeeg nette ele, Nug ahilagnu ii helo bia me, Nug ag ehanadtte.”