Namba 12:11 - Nobonob Baibel

¹¹ Antta, nug Moses amegppa aum. “Dahil naɗi, da Miriam ele i dabmak tutukku iittappa heɗa, kobol amu dim lamidɗa, hipunin imu hemuɗ, amu na hipunin amu uhuqna metakkutnu oɗ medattem.

Namba 12:11 Iomraidhean Croise

2 Samuel 19:19

Nug king noobppa anam dayaya, nug aum. “O dahil naɗi, na da dahil eheɗ hak matunu nob meɗakkutnu ool ii daatte. Na, na am dahil naɗi, dahil king, amu na Jerusalem uun gome, deɗ amuppan hak nau dahil na dabmettem doottem, amge na da kobol da hemi ele amu, na kobol amu daut atikkunu oɗ medattem. Na heppe, am na dautppa ii daamanu ool daatte.

2 Samuel 24:10

Dawit nug he, Joap aɗi ag ban danab ebaqadna malaeg, Dawit dimppa nug nuhig ooppan oiyak ippunittaknu ulumppa amu, nug eheɗ doya, nug Yawe amegppa aum. “Da hemi imuppa amu, da hipunin okkainab hemi. Da hipunin hemi amunu, O Yawe, da, nahip maɗi nid, da na hipunin dahil uhuqna meɗakkunu ool ohppa oɗ medattem. Aɗinu? Da dabmak tutukku iittappa keeke laa iikku hemi.” Dawit nug Yawe anam unuqittom.

1 King 13:6

Aakku King Jeroboam nug Kayaknu propet amegppa aum. “Na Yawe, nahip Kayak, na Nug unuqidppe, nug da ehaniɗa heeb, da eppel imu eɗua ena daakkunu ool daatte,” awa aum. Nug anam a amu, Kayaknu propet nug Yawe, nuhig Kayak, nug Nug unuqitte, king eppeg eɗua, ena dayom bia dayom.

2 Stori 16:9

Aɗinu? Yawe Nug aun nug Nugib dim lamidkkunu meu ohppa dabmette ele antta, nug ɠagattag medakkunu hanhan danab wanppa oitteb ele neekkadtte. Nug na ele kekeɗ eɗadkkutnu ɠagattag mettalo. Na heme am, na dabmak tutukku iittappa heme amunu, na hanhan ban anidnan daakkut,” awa aum.

Eksodas 12:32

Ag sipsip, meeme, amu makau ele oh diin gokkulagnu apiɗ bia amu, ag amu oh akkan ukkeg! Am aa da ele itiɗeɗ!” awa aum.

Prowerb 30:32

Makau huh teppu ele tappiɗppa mena kopippa keeke huana kabolinna daakkut dayeb amu, keeke onig bata bekku; danab laa noob itoɗikkut dayeb amu, noob tiig nekku, amubia, laa nug aɗi heeb, laa nug oo nauhkku amu, nug mehqak aakku bekku. Anam amunu, na danab nug Kayak dab-ii-maama ii dim lamidtte ele bia hena, na nakka na binan okkai meme dayeb; o na kobol nau hekkutnu maittak aome dayeb; na pahanab uukkut. Aib tuɗidna heme!” Amuam Agur, nuhig nai aakku.

Jeremaia 42:2

Ag nug gumidna tena, nug amegppa appig. “Ig keeke laanu oɗ medapput, na ihinig oɗmak dookkutnu oɗ medattem. Na Yawe, nahip Kayak, na Nug unuqidppe, Nug ig Juda danab ah oɗo yaak daattem, Nug ig ehanikkeb, ig ena daagnignu oɗ medattem. Aɗinu? Ig Juda ig anukka kuɗumnab daamut, amge gemu na anidttem imu, ig laib laibib daattem.

Namba 11:2

Anam be amu, haen danab ah ag Moses ehanadkkunu gaappig amu, Moses nug Yawe unuqitte, aab amu qauhom.

Namba 12:12

Na Kayak oɗ medappe, Nug heeb, Miriam nug nid laa anig ooppa okkai ii meum, mauhe, gaɗa laih beɗa dimittim dotte, anam bia ii daamanu oɗ medattem,” awa aum.

Aposel 8:24

Pita anam awa a, Saimon nug inam aum. “Aa apiɗ dahilppa bemanu amu, aa Naɗi da ehaniɗkkunu unuqidkkulahnu oɗ matattem,” awa aum.

Revelesen 3:9

Iikkud antte! Da heppi laa ag, ‘Ig am Juda,’ aon atteb, amge ag am Juda tutukku iitta, ag am Satannu daupib, ag geha na noomppa dup nokkulag, da nahipnu ool mauhtte ele dooglag.

1 Samuel 12:19

Danab ah ag anam doon, ag Samuel amegppa appig. “Danab naɗi, ig hipunin kuɗum hetata daamut, amge amu aakkuib iitta. Iitta! Ig gemu tuɗidta, hipunin laa ele hemut. Ig Yawe Nug ihinig king daakkunu uut, na king laa tituanppe, ig gumigkkunu oɗ mettamut amunu, Yawe heeb, ig mauhmatanu amu na Yawe, nahip Kayak, na Nug ihinignu unuqitte!” aon appig.

1 Samuel 2:30

Amge na anam hettem amunu, Yawe, Israel dilag Kayak, Nug inam atte. ‘Anukka da ag Aron buɗub laa, ag na mamen anukka tiigppan uɗiak, ag haen oh da noolppa dahil ɗo maɗoɗ uɗat hekkulagnu nai qakken ami, amge gemu da nai imu attem. Ag amubia iinab hemana. Aɗinu? Aun aɗi ag da binal tutukku metteb amu, da ag binalag madakkul, amge aun aɗi ag dahilnu keeke hamu bia dootteb amu, da heppi, ag honopnab nokkulag.