Namba 12:1 - Nobonob Baibel

¹ Miriam, Aron ele aa digmeya Mosesnu nai nau madipiɗ. Aɗinu? Moses nug ah laa Kus buɗubppanu, nug wau daakkunu awom.

Namba 12:1 Iomraidhean Croise

Genesis 24:3

na Yawe, Nug hab aabppanu Kayak, wanppanu Kayak ele daatte amu, na Nug onigppa nahip nai ɠagattag qena, na da bekkal wau Kanan danab, da ag oolagppa oittem, na ahilagppanu da bekkalnu ah laa ii aomna.

Genesis 24:37

Amu danab okkai dahil nug he, da hekkulnu ɠagattag qetta anak nai, nug aum bia ami. Nug da inam hekkulnu aum. ‘Na da bekkalnu ah ippanu aib aon mettame. Da Kanan danab oolagppa oittem, amge nuhig ah ahilagppanu aib aome.

Genesis 27:46

Rebeka nug Jakop amegppa awowa, nug ukka Aisak amegppa aum. “Da Hit ahnu ool bahi yaatte. Jakop nug ag oolagppanu ah laa aolo amu, da mauhlom am ena,” awa aum.

Genesis 41:45

Anam ana amu, Paro nug Josep onig bau, Sapenat Panea ataɗom. Laa ele Paro nug aab onig On dilag mana mettak danab onig Potipera aɗeg Asenat nug wau daakkunu Josep mettom. Aakku Josep nug Isip wanppa oiyom.

Eksodas 2:16

Midian wan amuppa amu, mana mettak danab laa dayom, ⌊nug onig Jetro⌋. Nug am aɗekkud eblaih aɗit ele. Ah amu ag ⌊hanhan⌋ uɗin, ag mamelagnu sipsip, meeme ele le lakkulagnu ⌊le moɗ amuppanu⌋ le itan, doɗ dilag le lanak tappiɗppa gokkaɗeg noum.

Eksodas 2:21

Ag anam heeg ⌊ukke, dimppa amu Jetro nug Moses nug ele oh daaglahnu oo dayom amu,⌋ Moses nug ele appa daaglahnu oo daye, “Ena,” awa a, aakku Jetro nug aɗeg laa Sipora awa, Moses mette, aa ewau matulak aopiɗ.

Eksodas 34:16

Am laa amu, ag Israel ag danab ah amu ele nug tituanak hekkulag dayeb amu, haen ag ahilkad nid bau dilag ah huu amuppanu diiglag, am geha ah amu ag kayak hambuppuak ahilkad noolagppa dup nona binalag menana, ag ag gamulkad eeɗadppeg, ag da uuiɗna, kayak hambuppuak amu noolagppa dup nona binalag mekkulag. Kobol amuam dahil neekkakppa gappai aɗa oiyak kobol bia daatte,” awa aum.

Lewitikas 21:14

Nug ah gamu mauhe, qab daatte, ah nuhig ewau matulak awak otaɗak ele, o ah nug ib baag oiyak ah, ib baag ah nug nuhig kobol amuppa nug dahil neekkakppa nug ooppa dubuttid teum daatte amu, nug ah anam ele am ii aoma. Mana mettak ikki danab nug Israel danab ah, nug amuppanu ah laa, danab laa ele ii niipiɗ aokkuoitte.

Namba 14:22

danab ag binag amahlak oppiaawak ele dahil anidna, dahilnu dabmettaknu kobol danab haknu elele iitta, da Isip appa, atu taɗakppa ele hemi, amu ele ag anidna, ag wan imu da ag mamelkad aɗi amelagppa dahil nai ɠagattag qetten madakkulnu ami amu, ag wan amu iinab anidmana. Ag hak dahil, keeke anidppig, amge ag da oɗel ii doona, ag haen kuɗum ma anttak meɗan, ag dahilnu, ‘Keeke hamunab’ dooiɗppig amunu, ag wan amu iinab anidmana.

Namba 16:2

Ag Moses abenabppanu lamidkkulagnu hena, nuhig nai tappaeg ne heegeg, Israel danab 250 laa, Israel ag, ag ikki danab daaglagnu otiadppig ele amu, ag ahan, danab waɗele amu dim lamadna ehanadppig.

Namba 26:59

Amram wau am Jokebet, Lewi buɗubppan ah, Lewi danab laa Isip appa nug menuom. Amram am nug gamu, amu nug Aron, Moses am aa apalah Miriam ele menuattom.

Matyu 10:36

Danabnu kekeɗ ag nug baekkudppan danab ah daaglag.

Matyu 12:48

Anam a amu, Jesus Nug oɗeppa awa aum. “Da anil am aun? Da amalad ele am aun aɗi?” awa aum.

Jon 15:20

Nai da ag amelagppa ami ele amu daulagppa doaɗ! Nai amuam inam. ‘Maɗi nid nug okkai nuhig ii eɗidtte.’ Amu aun aɗi laa ag da eheɗ heiɗppig amu, ag ag ele eheɗ hattaglag. Aun laa ag dahil nai dim lamidppig ele amu, ag am ahilag nai ele dim lamidkkulag.

Jon 7:5

Aɗinu? Jesus amakkud ag ele nuhignu oolagppa genab ii dooppig.

Galesia 4:16

Gemu da nai doyak diig genabibppanu ag amelagppa attem amunu, diig amunu ag dahilnu, “Nug ihinig kekeɗ beum daatte,” attebte?