Namba 11:23 - Nobonob Baibel

²³ Moses anam aum, amge Yawe nob ma aum. “Da anam hekkulnu dahil ɠagattag iittate? Gemu amu, na amenppanab keeke bekkute, iitta, iite bekku amu anidkkut,” awa aum.

Namba 11:23 Iomraidhean Croise

Genesis 18:14

Da Yawe, da keeke oh hekkulnu elele iittate? Da matu ami, amubia, haen da memippa, haen amuppa da geha eɗue uɗippi, amu haen gamag amuppa Sarah nug nid danab aweb daakku,” awa aum.

2 King 4:43

Nug anam aum, amge maɗi nid nug Elisa amegppa aum. “Ee imuam nagnag, propet danab 100 ag ee imu eɗidtteb; lappeg oolag iinab aɗama,” awa aum. Nug anam aum, amge Elisa nug eɗua maɗi nid amegppa aum. “Am elele. Na bret amu propet danab madappe, ag lakkulag. Aɗinu? Yawe Nug atte. ‘Ag geha bret amu lappeg, oolag dittieb, big daakku,’ awa atte,” awa aum.

2 King 7:2

Elisa nug anam a amu, ban daup ikki laa king ehanidtte, nug king ele oh uɗipiɗ, nug Elisa nai amu a doya, nug nob ma inam aum. “Yawe Nug habnu od matulatta, ee kuɗum gokkaɗeb neeb mekkeb amu, ig men doɗo nakokppa ee anam ii daden memata,” awa aum. Nug anam a, Elisa nug danab amu amegppa aum. “Na amu attem, amge da ami am genabnab genab, keeke amu geha beeb na amenppa anidkkut, amge na ee amu nakok laa ii lamana,” awa aum.

Sam 78:41

Haen kuɗum ag Kayak ma anttak medappig. Ao, ag eɗuna heeg, Israel dilag Kayak Oppiaawak Ele, Nug oo nauhom.

Eksodas 6:1

Moses nug anam aum, amge Yawe Nug Moses amegppa aum. “Gemu amu, da Paro, nuhigppa keeke hekkul amu, na anidkkut. Da dahil ɠagattagppa ⌊eheɗ hedappi,⌋ diig amunu nug geha ag Israel uuatteb gokkulag. Ao, geha da dahil ɠagattagppa ⌊nug eheɗ naunab hedappi,⌋ diig amunu nug ag wan nuhigppanu lamatteb gokkulag,” awa aum.

Aisaia 50:2

Da uɗien, ag onilagppa emi, amge ag oolagppan laa nug nai dahil ii awom. Ao, da ag onilagppa emi, amge laa nug nob laa ii meɗom. Dahil ɠagattag tutu meum amunu, da ag qagaiettakppanu ehanittak okkaippa uhuqadkkulnu elele iittate? Iitta! Ge, da ɠagattag iitta amunu da ag ehanadppi, ag qagaiettakppa ii daamnanu elele iittate? Iitta. Dahil ɠagattag am elele. Ao, da oɗelppaib nai matti, yu qaɗaiedatte. Da hei, le gottomppa am atu taɗak daatte. Yo, da anam hei, kakai ag mauheg, beɗulag beɗatteb.

Aisaia 59:1

Antteg! Yawe Nug ɠagattag daatte. Nuhig ɠagattag amuppa Nug danab ah padal memananu ehanadtte amu, ɠagattag amu ii iitta meum. Amu Nug danab dilag unuqittak dookkunu ele elele daatte

Jeremaia 14:9

o na danab laa, nug uug laa bekkunu ii dabmette, amge laippun be, aɗittai laa hekkunu elele iitta, na danab amubia daattemnu, o na ban danab laa, nug ɠagattag nuhig oh iitta me, nug laa ehanidkkunu elele iitta, na amubia daattemnu diig appe dookkulnu oɗ medattem. O Yawe, na ig oonigppa daattem. Na onin ihinigppa daatte. Na uuigna gomananu oɗ medattem,” awe unuqidmi.

Jeremaia 32:17

“O Naɗi Yawe, na ɠagattag nahip-ppa, nakka ebehinppa ele hab, wan ele heme. Aɗi keeke uug ele na hekkutnu elele iitta laa ii daatte.

Jeremaia 32:27

“Da am Yawe. Da danab oh dilag Kayak daattem. Keeke laa haknu uug nau ele amu, uug amu nug da eɗile, da hekkulnu elele iitta daattemte? Iitta!” awa atte.

Esekiel 12:25

Haen amuppa laa nug anam ii hema, amge da, Yawe, da aɗi hekkulnu hettem amu, da anam appi, paha meu okku, diig amunu ag gemu Israel wanppa daatteb, ag nai tappe nak danab ah amu, ag wanppa bau dayak haen ahilagppa da aɗi attem amu, da heppi, meu okku. Da Naɗi Yawe, da anam attem,” awa aum.

Esekiel 24:14

Da Yawe, da iikku ain malami. Da ag bu madakkulnu haen aakku gogppa teum daatte. Da ag oolag eɗukkunu haen nakok laa ii madapa. Da oppoɗil beebe, aɗi hekkulnu ippuniɗtte amu, da anamib hekkul. Da ahilagnu oo gai-iitta doya oo metta ehanittak kobol doyen ii hepa. Da bu madappi ukkeb, gogppa teeb batakkul. Bu mattak am gamagppa ii uupa. Ag ahilag hak naunu, ahilag oiyak eheɗnu bu aoglagnu daatteb amu, da amuppa epeɗiatten, bu amununab aakku madakkul.” Naɗi Yawe Nug anam awa atte.

Daniel 6:20

King nug ukka, moɗ naɗi laion daatteb guguittak ukka, nug baag oo doyak eleppa Daniel onigppa ewa aum. “O Daniel, na Kayak bau daatte elenu maɗi nid, nahip Kayak, na hanhan Nug waappa daan, nuhig maɗi nid daattem, Nug ehanitte, na qagaiettakppa ii daanna, laion eheɗ laa ii heidmananu elele daamete, o iittate?” ewa oɗ mettom.

Maika 2:7

⌊Amge,⌋ O Israel danab ah, danab laa nug inam akkutai. “Yawenu Ouɗi Nug ihinignu oo nauhom daattete? ⌊Iitta!⌋ Genab, nai uug ele ihinignu amu, Nug anam he anidttemte? ⌊Iitta!⌋” Laa anam akkutai, amge nug anam akku dayeb am, nug ena akkute? Iitta! Am ena iitta. Amu Yawe Nug inam atte. “Danab genab tutukku hak kobol dim lamidtte ele, nuhignu amu, nai dahil nug ehanidtte,

Namba 11:22

⌊Amu ig imu ii hemata,⌋ amge ig sipsip, makau ele ihinkad ohnab aqat lalom amu, amuam teppu amu haknu elele iitta. O iitta, ig yuppanu kakai oh aognig, amuam ig anam hekkunig elele iitta,” awa aum.

Namba 23:19

Danab ag hambubutteb, amge Kayak Nug am danab iitta, amu Nug ham-ii-bubutte. Ao, danab ag ahilag dabmak baolitteb, amge Nug am danab bekka iitta, amu nug nuhig dabmak ii baolitte. Yawe Nug keeke hekkunu atte amu, Nug hette. Nug keeke hekkunu nai ana qagatte amu, Nug genab anamib aakku hette.

Matyu 19:26

Ag anam aeg amu, Jesus Nug ag tutukku neekkattatta, amelagppa aum. “Danab ag akka elele iitta, amge Kayak Nug keeke oh hekkunu elele,” awa aum.

Matyu 24:35

Hab wan ele am iitta mekkulah, amge nai dahil am iitta iinab mema.

Luk 1:37

Antte! Kayak Nug keeke oh hekkunu elele,” awa aum.