Namba 11:1 - Nobonob Baibel

¹ Amu Israel ag uug laala ag oolagppa beppig amu, ag amunu naittuɗ meppig. Ag naittuɗ meeg, Yawe Nug doya, Nug oo nauhe, Nug he, aab ewewe, peh lag laala, keeke ele haen tutu dayaknu aab kalak daugppa daappig am nauhppig.

Namba 11:1 Iomraidhean Croise

Genesis 38:10

Nug kobol anam he, kobol amuam Yawe noobppa kobol nau ele amunu, Yawe Nug nug ele he mauhom.

2 Samuel 11:27

Nug mahitte ukke, elele te, Dawit he, nug laugppa te, aa ewau matulak aoya, ewau daayya, Batseba nug Dawitnu nid danab awom. Nug nid danab awom, amge Dawit kobol heum ele amu, Yawe Nug amunu ena ii doyom.

2 King 1:12

Nug anam a amu, Elaiya nug oɗeppa awa, amegppa aum. “Amu genab da am Kayaknu danab laa daattem dayeb, habppanu aab aɗu na, am na, nahip ban danab 50 ele ag ewatteb, iitta meig!” awa aum. Aakku habppanu aab aɗu na, ban daup ikki, amu ban danab nuhikkud ele ewatte, iitta meppig.

Job 1:16

Danab amu nug uɗia, nai amu Job amegppa mattia dayeye, nai awa uɗiak danab laa nug qaietta uɗia, Job toppa ta, amegppa aum. “Kayaknu aab aɗu, hab attannu na, sipsip oh, gumitta danab oh ele ewatte, iitta meppig. Da dakka aab da ii eiɗe, da oole, na amenppa akkulnu uɗimi,” awa aum.

Sam 106:18

Anam amu, aa lailti laa aab ewatta hatte nauhppig. Ao, aab dittiak am nau hak danab amu ewattom.

Sam 78:21

Ag anam aeg Yawe Nug doyatta, Nug oo huana nauhom Nuhig oo nauhak amu aab ewak bia Jakopnu danab ah dilagnu doyom. Ge, Nug Israel dilagnu oppoɗi beum.

Sam 78:63

Aab aɗu keeke ewa nauhtte, amubia kekeɗ ag Israel dilag nid bau heeg mauhppig. Ao, ⌊diig amunu⌋ ah bau ag nid danab diiglagnu elele iitta.

Eksodas 16:9

Amu Moses nug Israel danab ah amelagppa anam awowa, nug Aron amegppa inam aum. “Yawe Nug Israel danab ah oh dilag naittuɗ mak doyom amunu, na ag oh amelagppa appe, ag uɗin, ag Nug noobppa dayeg!” awa aum.

Aisaia 10:17

Yawe, Israel dilag amahlak, Nug aab ewak bia daakku. Ao, Israel dilag Kayak Oppiaawak Ele, Nug aab aɗu bia daakku. Nug anam dayaya, aab uud keeke qaun ele qaɗaiettaknab oh ewe iitta mette, amubia deɗ laippuppa Nug heeb, Asiria dilag daup ag padal mekkulag.

Aisaia 30:33

Amu bekkunu diig am, danab mauhe, ag gaɗa aab aɗuppa heeg ewa iitta mette, amubia Yawe Nug anukkanab he, Asiria dilag king, ⌊Asiria ele⌋ iitta mena autnanab aoglagnu babaittom daatte. Ao, Yawe Nug matu ⌊Asiria,⌋ ahilag king ele aab ewakppa iitta mekkulagnu babaittom daatte. Amuam laa ag danab gaɗa maiglagnu aben okkai, uma noa ukkak bapaidna, aab huanak akkaeg te, aben akka eɗitta te, gaɗa amu qaɗeppa meeg dayeye, kalu laa huana eotte onig salpa le nag gotte bia uɗia aab amote, aab gakkaɗaknab ewawa, gaɗa ewe iitta mette, amubia Yawe Nug heeb, Asiria dilag king, ⌊Asiria ele ag⌋ iitta mekkulag.

Aisaia 33:14

Hipunin hak danab ah Sion daatteb ele, ag eheɗ nau baɗatteb. Ao, Kayaknu nuhig haknu ele uuak danab ag hahaɗtteb. Ag hahaɗnan atteb. “Ig oonigppanu amu, aun nug Kayak, Kayak Nug aab aɗu keeke oh ewe iitta mette bia daatte amu, aun nug Nug ele daaglahnu elele?” Ao, ag hahaɗnan, “Ig oonigppanu aun nug Kayak, Kayak Nug aab aɗu keeke oh ewe iitta mette bia daatte amu, aun nug Nug ele hanhan daaglahnu elele?” atteb.

Gayak Nai 3:39

Anam amunu, danab auntai laa nug hipunin heeb, Yawe Nug amunu bu metteb; danab amu nug bu mettom, nug amunu naittuɗ mekku dayeb, nug ena hekkute?

Esekiel 20:36

Da ag mamelkad aɗi ag Isip wan uun, atu taɗakppa oinna, eheɗ heeg epeɗiadmi, amubia da ag epeɗiadkkul.” Naɗi Yawe, Nug anam atte.

Lewitikas 10:2

Aa anam hepiɗ amunu, aab aɗu Yawe toppan na, aa ewate, aa Yawe noobppa mauhpiɗ.

Nahum 1:5

Yawe Nug oiyeye, qauko ag uɗaltteb. Ao, qauko nakok am keeke le ma, noa gotte bia hetteb. Nug dayeye, wan oh uɗaltteb. Ao, keeke oh amuppa daatteb ele hahaɗtteb.

Habakuk 3:5

Oɗe nau danab kuɗum aqe mauhtteb ele ⌊danab nau hetteb ele aqaknu⌋ Nug noobppa ukke; oɗe digdig Nug dim lamidna uɗippig.

Namba 10:33

Moses nug Hobap ele aa amu mattiya malaeh, dimppa amu Israel danab ah ag Sinai qauko uuna, ag digmena, deɗ ewam goppig. Laa ag Yawenu Tituanak Nainu Kunup kontrak inak ele, laa ag amu maoppig ele amu, ag Yawe Nug ag haen tutu dayak aab adekkuppa kalaglagnu ippuanatteb daaglagnu, ag danab ah noolag aon anuqna goppig.

Namba 11:18

Amu Yawe Nug anam awowa, Nug tuɗitta Moses amegppa aum. “Na danab ah inam appe doyeg!” awa aum. ⌊Nug anam a amu, Moses nug Israel amelagppa inam aum.⌋ “Ag buttinu, ag Yawenu tituana mettak daaglagnu hena dayeg! Ag amu hena, ag butti doɗ teppu lakkulag. Aɗinu? Ag Yawe noobppa gaanna, ‘Ig doɗ teppu latu! Ig Isip wanppa ena daamut; gemu ig nauhmut daattem,’ appig amunu, gemu amu, Yawe Nug heeb, ag genab doɗ teppu lakkulag.

Namba 12:2

Miriam, Aron ele aa ⌊anen anen aa laanu, dahilppa anam daalo dooya, aa oo aeg bak dooya,⌋ aa nai inam iikku apiɗ. “Moses nug aakkuibte, Yawe Nug, nug amegppa nai mattieye, nug nai amu danab ah amelagppa maditte? Nug i amenihppa ele iite nai mattieye, i danab ah amelagppa attep?” aoya apiɗ. Aa anam apiɗ amu, Yawe Nug doyom.

Namba 14:2

Israel danab ah ag Moses, Aron ele dilah naittuɗ menana, ahilahnu appig. “Ig Isip uppa, o iitta, atu taɗakppa ippa mauhlom am ena.

Namba 14:22

danab ag binag amahlak oppiaawak ele dahil anidna, dahilnu dabmettaknu kobol danab haknu elele iitta, da Isip appa, atu taɗakppa ele hemi, amu ele ag anidna, ag wan imu da ag mamelkad aɗi amelagppa dahil nai ɠagattag qetten madakkulnu ami amu, ag wan amu iinab anidmana. Ag hak dahil, keeke anidppig, amge ag da oɗel ii doona, ag haen kuɗum ma anttak meɗan, ag dahilnu, ‘Keeke hamunab’ dooiɗppig amunu, ag wan amu iinab anidmana.

Namba 14:27

“Danab ah nau imu ag da hettemnu haen kuɗum naittuɗ meegeg uɗie, gemu ele hetteb; amu haen gane laa ele ukkeb, ag amu hak uuglag. Israel danab ah imu, ag am naittuɗ mak danab ah, da ahilag naittuɗ mak amu doomi.

Namba 14:28

Amunu na ag amelagppa appe doyeg! ‘Da Yawe, da attem. Da genab bau daattem, genab amubia da heppi, ag mattieg doomi, amubianab ahilagppa bekku.

Namba 16:11

Haen ag Aronnu naittuɗ metteb amu, ag naippa nugnab ii yaatteb. Iitta. Ag Yawe dimettan, nuhig nai tappaeg ne, Nug waappa ii daamnanu hetteb,” awa aum.

Namba 16:35

Amu ag wan ooppa noeg, Yawe Nug he, danab 250 ag kalu danab ile muttuɗig enanag bette ele maippig, ag aab ewatte mauhppig.

Namba 17:5

Na anam maadppe daappeg, danab laa da nug mana mettak danab daakkunu tituanmi ele amu, nuhig dudqak hokkat amu qaɗu bekku. Ib amuppa da heppi, Israel danab ag nahipnu naittuɗ heegeg da doottem ele amu uuglag,” awa aum.

Namba 21:5

Ag bahilag ye, ag Kayaknu, Mosesnu ele naittuɗ menana, ag Moses amegppa appig. “Ig ee iitta. Le ele iitta. Ee imu ig hanhan aot lattem ele amu, ig ee amunu oonigppa uuaknab doottem amunu, aɗinu na hee, ig Isip wan uut, ig atu taɗak imuppa mauhkkunignu oittem,” aon appig.

1 Korint 10:10

Amu ag Kayaknu naittuɗ, Israel oolagppa danab ah laala heppig bia aib heppig. Ag Kayaknu naittuɗ nai mattieg amu aqakkunu engel nug aqe mauhppig.

Duteronomi 25:18

Ag ebehilag bodoettak dayeye, ag gai-iitta mena daanna, ag oolagppanu laa ag qinonob dim uɗiegeg, Amelek danab amu ag banelag uɗin, ag laa dim uɗippig ele aqappig. Amelek danab amu ag Kayaknu baɗak iitta ele heppig.

Duteronomi 32:22

Aɗinu? Da oppoɗil bette, amu oppoɗi bak dahil amu aab aɗu bia keeke oh unuqagnu ewa, qaɗeppa tette, amubia bette. Ao, am wan etetuab ewadkku, qauko diig unuqag ukku ele ewadkku.

Duteronomi 9:22

Ag Tabera, Masa, Kibrot Hatawa ele, appa ele heeg, Yawe oo nauhom.

Hibru 12:29

Aɗinu? Ihinig Kayak Nug am aab dittiak naɗi, keeke oh ewatte iitta metteb, Nug amubia daatte.

Jems 5:4

Antteg! Uɗat nid ag ahilag uɗat heppig, me ag enub danab ag uɗat nid amu buppualadnana, uɗat heppignu daden nob ii madappig amu, men doɗo amu eɗua danab baag bia, “Ag eheɗ heppig,” awa maditte. Uɗat nid amu dilag ewak, nai amuam Naɗi Ɠagattag Oh Ele, Nug daugppa noum daatte.

Jut 1:16

Danab amu ag naittuɗ mak naunab metteb. Ag ahilagppa kobol aɗi bette, ag amunu oolag nauhtte. Ag beɗu kobol eheɗ ahilag dim lamidtteb. Ag akka beɗulag humaglagnu oɗelag alala ebatte. Amu ag danab laa dilag keeke aoglagnu dittuanin mattan, oo eeɗaknu nai ittag ele maditteb.