Namba 10:21 - Nobonob Baibel

²¹ Amu dim lamattak amu, Kohat buɗub ag ahan goppig. Ag mettid haknu peh lag ooppan keeke, Yawenu tituanak daatteb amu, ag amu mawadppig. Laa ag mettid haknu peh lag maoppig ele, ag anuqppig. Aɗinu? Peh lag amu ag tatam qabappeg amu, Kohat buɗub ag tekkulag. Yawe Nug aum bia, nuhig mettid haknu peh lag aben laappa tatam qappak dayeb, Kohat danab ag peh amunu keeke, keeke amuam Kayaknu tituanak daatte, ag amu maon tekkulag amunu, laa ag mettid haknu peh lag maoppig, ag anuqna goppig.

Namba 10:21 Iomraidhean Croise

1 Stori 15:2

Nug amu oh ha malowa, nug aum. “Yawe Nug Lewi buɗub aakkuib ag haen oh Kayaknu Tituanak Nainu Kunup maoglagnu, agib Nug noobppa nuhig ɗo maɗoɗnu uɗat hekkulagnu tituanattom amunu, ag Yawenu Tituanak Nainu Kunup maoglagoitte. Laa iinab maomna,” awa aum.

1 Stori 23:24

Amu ag Lewi buɗub aakku. Danab ag ag onilkad yaappig ele ag aab ikki anen anen onilkad yaan, amu waappa ag baelkadppan danab okkai daappig amu, ag onilkad anen anen yaan, amu waappa Lewi buɗub onilkad anen anen yaappig. Ag danab ahilag maɗ am 20, o 20 eɗittak onilag yaappig. Danab amu ag Yawenu mettid lagppa uɗat heppig.

Namba 1:51

Ag dahil mettid haknu peh lag amu hiɗan, aon laih laih gokkulag haenppa amu, Lewi buɗub agib hiɗaglag. Haen ag dahil mettid haknu peh lag qappaglag amu, Lewi buɗub agib qappaglag. Aun laa ag amu gukkuittak wappeg amu, ag aqappeg mauhkkulag.

Namba 10:17

Ag mettid haknu peh lag auteg ne, mawaknu babaitteg, Gerson buɗub, Merari buɗub ele ag maoppig. Ag Juda, amu laa ag Juda ele goppig, ag amu dim lamadppig.

Namba 10:20

amu Deuel bekka Eliasap, nug Gad huunu ikki dayom.

Namba 2:17

Aria, ag ahan goppeg amu, Lewi buɗub ag ahan, peh lag, danab ah ag appa qagmetteb, ag amu maon dim lamadna gokkulag. Ag Israel dilag huu okkai laala gamalagppa daaglag. Israel ag dayak aben ahilag ippu laippu anamnab aakku bappaidna daaglag, anamib aha ukkak haenppa ag nug dim lamittak amu dim lamidkkulag. Huu anen anen ag haen tutu dayaknu aben ahilag kalan, ahilag pilak guguittak daaglag.

Namba 7:9

Amge Moses nug Kohat buɗub keeke laa iinab mattom. Ag keeke laa ii mattom diig amu, ag mettid haknu peh lagnu keeke, Yawenu tituanak daatte, amuppa mana mettak danab ag Kayaknu uɗat hetteb, ag keeke amu gukkalagppa maoglagnu daappig. Ahilag uɗat amuam ag hekkulagnu mattak.