Namba 1:53 - Nobonob Baibel

⁵³ Danab laa, nug Lewi buɗub iitta, nug hib guitta haaha, dahil mettid haknu peh lag, nug appa hamu guguitta ukkeb, da oppoɗil beeb, Israel danab ah oh bu madapanu, Lewi buɗub, ag mettid haknu peh lag men maha aɗit ɗo nai yaak niitte ele appa daattep, ag amu talilittak daaglag. Lewi buɗub ag dahil nainu mettid haknu peh lag, ag amunu dabmekkulag.” Yawe Nug anam Moses amegppa aum.

Namba 1:53 Iomraidhean Croise

1 Stori 23:32

Amu Lewi buɗubppan mana mettak danab iitta, ag anam hekkulagnu daappig. Ag mettid haknu peh lag danab ah appa qagmetteb ele, ag amuppa, ag aben gun ele, appa, amu ag tiilag laippu ele, Aron buɗub, ag ag waalagppa Yawenu mettid lagppa ele ahilag uɗat aakku heppig.

2 Stori 13:10

Ihinignu amu, Yawe Nug ihinig Kayak daatte. Ig Nug ii uumut. Mana mettak danab ag Nug waappa daanna, Nug oɗe dim lamidtteb amu, ag am Aron buɗub. Ag Aron buɗub daaeg, Lewi buɗubppan mana mettak danab iitta, ag ag ehanadtteb.

2 Stori 13:11

Ag deɗ oh hanhan buttua, tueb ele manaknu ofa hena, Yawe mettan, ag kalu danab ile muttuɗig enanag bette ele amotna, Nug medatteb. Ag hanhan bret balal Yawe noobppa oppiaawak daatteppa meeg, ag lam, lam maattaknu balal golppa hak attan daatteb ele hanhan tueb amotadtteb. Aɗinu ig anam hettem? Ig Yawe, ihinig Kayak, Nug attem attem hekkunignu aum amu, ig hettem, amge ag Yawe ii dim lamidtteb. Ag Nug uuppig.

Jeremaia 23:15

Propet Jerusalem daatteb, ag amu hetteb amunu, Yawe Nukka Ɠagattag Oh Ele, nug propet amu dilag inam atte. “Da heppi, ag danab uud ad tiig mua ele lana, ena ii dootte, ag amubia dooglag. Ao, da heppi, ag danab uud tiig mua nau ele lana eheɗ aotte, amubia ag bu dahil eheɗ aoglag. Aɗinu da amu hekkul? Propet Jerusalem daatteb ag heeg, kobol nau, amuam dahilnu, dahil haknu ele uuak kobol, kobol amuam Juda wan oh tonappig daatte,” awa atte.

Jeremaia 5:31

Kobol naunab nau ag hetteb am inam. Propet danab ag doonna, propet nai hambuppuak maditteb. Mana mettak danab ag akka, ahilag dabmak dim lamidna, danab ah gumadtteb. Propet, mana mettak danab ele ag anam aakku hetteb, amge dahilad danab ah ag kobol amunu oolag mauhtte. Anam, amge ib amu batakppa ag attem anidkkulag?” awa atte.

Lewitikas 10:6

Aakku Moses nug Aron, amu nug bekoɗ aɗit, Eleasar, Itamar ele amelagppa aum. “Ag mauhmananu, Yawe Nug Israel dilag tamaniak danab ah oh dilagnu oo nauhmanu, ag aib heppeg, ikkilag uɗug mauhnoak dayom, o iitta aib lamen ahilkad pattiɗadppig. Israel laala, amu na laipad ele ag amu, ag Nadap, Abihu ele dilah, Yawe Nug aab aɗuppa he nauhpiɗ ele, ag ahilahnu mahiglagnu nai iitta.

Namba 1:50

Iitta. Na Lewi buɗub, ag mettid haknu peh lag men maha aɗit ɗo nai yaak niitte ele appa daattep, ag amu dabmettanna atognokkulagnu otiatte! Ag geha mettid haknu peh lag amu ooppanu keeke oh, amu nuhig keeke laa oh elenu gumak danab anuqak daaglag. Ag geha dahil mettid haknu peh lag, nuhig keeke oh ele, ag amu maonna, laih gokkulag; ag amu dabmettan atognonana, ag haen tutu dayaknu aab kalan, mettid haknu peh lag amu talilidna daaglag.

Namba 1:54

Yawe Nug anam Moses amegppa a amu, Israel ag keeke oh Yawe Moses hekkununab aum, ag amubianab heppig.

Namba 16:46

Anam heya amu, Moses, Aron amegppa aum. “Na bras tappiɗ nahip aon, kalu danab ile muttuɗig enanag bette ele amu ooppa inan, qaɗabnu aab ele aon, pahanab Israel danab ah daattebppa gona, eheɗ haknu noob nau amuppa iitta mekkunu na amu he! Aɗinu? Yawe Nug ahilagnu oppoɗi huana be, Nug he, oɗe nau danab kuɗum aqe mauhtteb ele aakku digma, aqe mauhtteb. Laa mauhmananu amu, na amu he!” awa aum.

Namba 16:9

Israel dilag Kayak Nug ag Israel laa oh oolagppanu tituanatte, ag nuhikkud, piɗe laa daatteb. Nug ag diia he, ag Nug Yawe, nuhig peh laugppa uɗat hekkulagnu Nug guguittak daatteb. Ag am Israel laa oh noolagppa daanna, Kayaknu ehanittak mattaglagnu, ag Nug guguittak daatteb. Anam amu, amuam ahilagnu elele iittate?

Namba 17:7

Aria, Moses nug peh lag men maha aɗit ɗo nai yaak niitte ele appa daattep, nug amuppa Yawe noobppa hokkat oh qagmaattom.

Namba 2:17

Aria, ag ahan goppeg amu, Lewi buɗub ag ahan, peh lag, danab ah ag appa qagmetteb, ag amu maon dim lamadna gokkulag. Ag Israel dilag huu okkai laala gamalagppa daaglag. Israel ag dayak aben ahilag ippu laippu anamnab aakku bappaidna daaglag, anamib aha ukkak haenppa ag nug dim lamittak amu dim lamidkkulag. Huu anen anen ag haen tutu dayaknu aben ahilag kalan, ahilag pilak guguittak daaglag.

Namba 3:23

Aab ikki Gerson buɗubppanu, ag mettid haknu peh lag laih qaban uɗitteppanu haen tutu dayaknu aab kalan daaglagnu daappig. Aben amuam mettid haknu peh lag bitobppa daatte.

Namba 3:29

Aab ikki Kohat buɗubppanu, ag mettid haknu peh lag laih yau uɗitteppanu haen tutu dayaknu aab kalan daaglagnu daappig.

Namba 3:35

Merari buɗubppan aab ikki, ahilag okkai am Abihail bekka Suriel. Ag am mettid haknu peh lag laih yawalti uɗitteppanu haen tutu dayaknu aab kalan daaglagnu daappig.

Namba 3:38

Moses, Aron, am Aron bekkod ele ag mettid haknu peh lag laih kaɗag uɗitteppanu, amuam aam bedeppanu, ag appa haen tutu dayaknu aab kalan daaglagnu daappig. Aben amuam mettid haknu peh lag danab ah appa qagmetteb ele, peh amu amegppa daatte. Danab amu ag mettid haknu peh lagppa, Israel dilag mana mattak uɗat oh hekkulagnu daappig. Amuam ahilag uɗat aakku. Aun aɗi laa oh ag mettid haknu peh lag amu guguittaknab, appa ukkaknu aib anak daatte amu, ag appa nokkulag amu, laa ag heppeg mauhkkulag.

Namba 31:30

Ag anam hena malana amu, ag Israel danab ah dilag amu ii mattak haenppa, ag makau 50 ebaqana, laippu am da, Yawe, ag da meɗaglagnu otieg! Anam heppeg ukkeb ukkeb, makau oh am ebaqak daakku. Sipsip ele anamib hekkulag, donki ele anamib hekkulag, meeme ele anamib hekkulag, amu ah ele anamib hekkulag. Keeke amu oh am Lewi buɗub mattaglag. Ag aakku da, Yawe, ag dahil mettid haknu peh lag dabmedatteb.” Yawe anam aum.

Namba 31:47

Moses nug ah amu, doɗ ele Israel mattak amuppanu 50 ebaqa, laippu awa, Yawenu daakkunu otiom. Nug Yawe, anam hekkununab aum bia heum. Nug oh ebaqa mala amu, nug tituanattom ele, amu Lewi buɗub mattom. Lewi buɗub ag amu mettid haknu peh lag dabmedattappig.

Namba 8:19

Da Lewi buɗubppan mana mettak danab iitta ag Israel danab ah oolagppanu diien, da ag uɗat henan, Aron bekkod ele ehanadppeg, Aron, bekkod ele ag dahil mettid haknu peh lag danab ah appa qagmetteb ele, ag heppeg, appa Israel dilag eheɗ haknu nob nau doɗ tiigppa iitta mekkunu elele medappeg, Israel ag mettid haknu peh lag dahilppa gukkuidna wappeg, oɗe nau danab kuɗum aqe mauhtteb ele, ahilagppa bemanu mattami,” awa aum.

2 Timoti 4:2

Na amunu dabmak aonna, nai nuhig mehuqe! Danab ag nahip nai dooglagtai o iitta iitai doomna, amge na haen oh Kristusnu nai mehuqe! Haen oh ag Kayaknu kobol dim lamidkkulagnu na ag toliadna, daulag batan, oolag ɠagattag ele aqe! Na amu henana amu, na oo maɗoɗ doon, ippunittak ele pehettaknab he!

1 Samuel 6:19

Amu Betsemesnu danab laala ag Yawenu Tituanak Nainu Kunup ooppa neegppeg nokkunu kunup amunu ameg kolappig. Ag kolana, ag neekkeg, Tituanak Nainu Kunup ooppa ukkom amunu, Yawe he, danab 70 amu ag aakku mauhppig. Ag mauhppig amunu, appan danab ag Yawe Nug he, danab kuɗumnab mauhppig, ag diig amunu mahiak okkai heppig.