Namba 1:51 - Nobonob Baibel

⁵¹ Ag dahil mettid haknu peh lag amu hiɗan, aon laih laih gokkulag haenppa amu, Lewi buɗub agib hiɗaglag. Haen ag dahil mettid haknu peh lag qappaglag amu, Lewi buɗub agib qappaglag. Aun laa ag amu gukkuittak wappeg amu, ag aqappeg mauhkkulag.

Namba 1:51 Iomraidhean Croise

2 Samuel 6:7

Usa nug Kayak danab laa Tituanak Nainu Kunup aɗamanu ɗo meum, nug ɗo amu ii dim lamitta, eppeg bahia aɗom amunu, Yawe oo huana nauhom. Nug oo nauhom amunu, Nug he, Usa nug Kayaknu Tituanak Nainu Kunup daugppa appa mauhom.

Namba 10:11

Amu Israel danab ah ag Isipnu ahan gona daaegeg, maɗ laa, am maɗ ebqak aɗitppa, kalam ebqak aɗitnu deɗ 20ppa, lombig mettid haknu peh lag men maha aɗit ɗo nai yaak niitte ele appa daattep, lombig amu igippanu aha dayom.

Namba 16:40

Yawe Nug Moses amegppa a, Moses nug amelagppa nug anamnab hekkunu aum bianab heum. Anam haknu diig am, at amuam Israel danab ag amelagppa hanhan daakku. Anam dayeb amu, ag anidna, auntai laal iitta, Aron buɗubppan ag aakkuib Yawe noobppa kalu danab ile, muttuɗig enanag bette ele amu amotkkulag. Kora laikkud ele ag anam hena mauhppig, am laa ag ele anam helob amu, ag ele mauhlob.

Namba 17:13

Aun laa nug ⌊ooppa aab ele oiyaya,⌋ Yawenu mettid haknu peh lag guguittak doa amu, nug mauhkku amunu, ig oh mauhkkunigtai?” aon appig.

Namba 17:5

Na anam maadppe daappeg, danab laa da nug mana mettak danab daakkunu tituanmi ele amu, nuhig dudqak hokkat amu qaɗu bekku. Ib amuppa da heppi, Israel danab ag nahipnu naittuɗ heegeg da doottem ele amu uuglag,” awa aum.

Namba 18:22

Gemu digma ukkak amu, Israel laa oh ag dahil mettid haknu peh lag danab ah appa qagmetteb ele, amuppa appa uɗat hekkulagnu gukkuidna iinab wamana. Ag anam hekkulag dayeb, ag eheɗ hena, ag amunu bu aona, ag mauhadkkulag.

Namba 18:3

Danab amu ag nahip nai waappa daanna, ag appa peh laugppa aɗi uɗat laa ag hekkulagnu ami amu, ag uɗat amu oh hekkulagoitte, amge ag dahil mettid haknu peh lag ooppan keeke daatteb, o qaɗab ele gukkuidna ii wamana. Ag anam hekkulag amu, geha danab amu, ag ele, ag oh mauhkkulag.

Namba 18:4

Danab amu ag na ele, dahil mettid haknu peh lakka, danab ah appa qagmetteb ele, ag appa peh amunu atognoattak uɗat oh hekkulag. Danab ag oolagppan iitta amu, amunu laippu laa nug na daattem eleppa appa iinab wama.

Namba 18:7

Ag uɗat amu hekkulagnu tituanadmi, amge na, amu na begapad ele, ag aakkuib mana mettak uɗat qaɗabppanu, amu Oo Gun Eleppanu uɗat hekkulagnu daatteb. Da mana mettak uɗat haknu amu, da uɗat amu ahilag daakkunu hamu madattem. Aun laa nug onig amu iitta ele, nug dahil mettid haknu peh lag guguitta wakku amu, ag qeppeg mauhkkuoitte,” awa aum.

Namba 3:10

Aron, nug bekkod ele amu, ag mana mettak danab daaglagnu otiatte! Ag aakkuib amu hekkulagnu daatteb. Danab laa nug amu heeb amu, ag qeppeg mauhkkuoitte,” awa aum.

Namba 3:38

Moses, Aron, am Aron bekkod ele ag mettid haknu peh lag laih kaɗag uɗitteppanu, amuam aam bedeppanu, ag appa haen tutu dayaknu aab kalan daaglagnu daappig. Aben amuam mettid haknu peh lag danab ah appa qagmetteb ele, peh amu amegppa daatte. Danab amu ag mettid haknu peh lagppa, Israel dilag mana mattak uɗat oh hekkulagnu daappig. Amuam ahilag uɗat aakku. Aun aɗi laa oh ag mettid haknu peh lag amu guguittaknab, appa ukkaknu aib anak daatte amu, ag appa nokkulag amu, laa ag heppeg mauhkkulag.

1 Samuel 6:19

Amu Betsemesnu danab laala ag Yawenu Tituanak Nainu Kunup ooppa neegppeg nokkunu kunup amunu ameg kolappig. Ag kolana, ag neekkeg, Tituanak Nainu Kunup ooppa ukkom amunu, Yawe he, danab 70 amu ag aakku mauhppig. Ag mauhppig amunu, appan danab ag Yawe Nug he, danab kuɗumnab mauhppig, ag diig amunu mahiak okkai heppig.