Namba 1:4 - Nobonob Baibel

⁴ Amu danab laippu laippu, Israel dilag huu okkai anen anen amuppanu, ag, ag baelkadppan ikki daatteb, ag geha aa ehanatkkulag.

Namba 1:4 Iomraidhean Croise

1 King 8:1

Amu King Solomon nug Yawenu Tituanak Nainu Kunup kontrak inak ele, nug kunup amu Sion, Sion am Dawitnu aab amu, nug appanu awa, Yawenu mettid lag, amuppa mekkunu dabmeum amunu, nug Israel dilag ikki danab, Israel dilag huu okkai anen anen dilag danab okkai oh, amu Israel baekkudppan dilag okkai ele ag nai doon, ahan, nug gumidna, Jerusalem uɗiglagnu onilagppa eum.

Eksodas 18:21

Na anam hekkut, amge na inam ele hekkut. Na danab ah oolagppanu danab ag keeke haknu elelenab daatteb laala, ag Kayaknu ebehilag oh bodoetta le mette, laa ag danab amunu genab elele dooglagnu elele, danab amu ag men doɗo awaknu nai hambuppuak ii mattimna ele amu, na danab amubia otiadna heppe, ag laala danab ah 1,000 gumadna, ahilag okkai daappeppeg, laala 100, laala 50, am laala 10 anam gumadnana, ahilkad ehanittak anuqak danab daaglag.

Eksodas 18:25

Nug Israel oolagppa danab keeke haknu elelenab daaeg epeɗiatta, danab ah ameg laala 1,000, ameg laala 100, ameg laala 50, am ameg laala 10 dilag ehanittak anuqak danab daaglagnu otiattom.

Namba 1:16

Danab amu ag Israel oolagppa onilag ele tituanak daappig. Danab amu ag Israel dilag huu okkai anen anen, huu amu ag tatam beppig daatteb amu, ag amu dilag ikki danab daappig. Ag am Israel oolagppa aab ikki ahilkad anen anen dilag okkai daappig.

Namba 1:44

Moses, Aron, amu Israel dilag ikki danab 12 amu, ag danab amu ebaqappig. Israel dilag ikki danab 12 amu, ag am, ag baelkadppa anen anen, ag amu dilagppanu uɗin daappig.

Namba 17:3

Lewi buɗub dilag hokkatppa amu Aron onig ye! Aɗinu? Israel dilag huu okkai anen anen, ag tatam beppig daatteb amu, ag oh ahilkad dudqak hokkat anen anen laippu daakkuoitte.

Namba 25:14

Israel danab, Pinias nug Midian ah ele aqatom amu, danab amu nug onig Simri. Nug Salu bekka. Simri nug am Israel dilag huu okkai Simeonnu, amu nug baegppan ikki danab dayom.

Namba 25:4

Israel ag anam heegeg, Yawe Nug ahilagnu oo huanak nauhe, Nug Moses amegppa aum. “Danab aun aɗi ag Peornu hambuppuak kayak Bal noobppa dup nona binag meppig ele amu, na amu dilag ikki danab oh diin aqappe mauheg! Aqan, danab ah oh anadkkulagnu gaɗalkad amu miagib amahlakppa, da Yawe, da noolppa aihatteg! Na anam heppe amu, da, Yawe, dahil oo nauhak huanaknab ele am iitta meeb, amu geha da Israel oh ii hadappi nauhmana,” awa aum.

Namba 30:1

Moses nug nai imu Israel dilag huu okkai dilag ikki danab amelagppa aum. “Yawe ag inam hekkulagnunab atte.

Namba 4:34

Yawe Nug aa anam hekkulahnu aum amunu, Moses, Aron, amu Israel danab ah dilag ikki danab ele ag Lewi buɗub danab, Lewi buɗubppan alag laa Kohat, ag huu amuppanu danab ebaqappig. Ag onilkad amu, ag ahilag aab ikki, ag baelkadppa ele waappa yaappig. Ag danab ahilag maɗ 30 ukka 50 batak amuib ebaqappig. Danab amu ag gona, mettid haknu peh lag danab ah appa qagmetteb ele, ag appa uɗat hekkulagnu elele.

Namba 7:2

Anam he amu, Israel dilag ikki danab ag, amu baekkudppan danab okkai, ag Israel dilag huu okkai anen anen dilag ikki danab daappig, ag danab ebaqadkkulagnu okkai daappig, ag mana mettak hena, keeke Yawe medappig.

Duteronomi 1:15

amunu, da ag Israel da ahilkad huu okkai anen anen oolagppan ikki danab ag epeɗiadppig ele, ag am danab doyak dabmak ena ele, danab ag Israel, ag ahilagnu ena elele dooppig amu, da danab amu ag Israel danab ah ameg laala 1,000, ameg laala 100, ameg laala 50, amu ameg laala 10 dilag okkai danab daan gumadkkulagnu, ag ahilkad huu okkaippan ehanittak anuqak danab ele daaglagnu otiadmi.